協奏曲（意大利文：concerto）係一種作嚟俾若干位獨奏者喺有支援嘅情況下奏嘅樂曲，屬古典樂嘅重要一環。
協奏曲作嚟係預咗俾嗰若干位獨奏者，呢幾位獨奏者先後噉喺有隊樂團奏伴奏嘅情況下演奏嘅，即係話隊樂團負責奏嗰段聲明顯係攞嚟做獨奏者嘅陪襯。呢點相對於交響曲－交響曲正路無特定嘅獨奏者，而係俾成個交響樂團一齊合作奏，當中冇任何一位演奏者零舍會做注意力嘅中心[1]。
