Yugoslavia
![](http://upload.wikimedia.org/wikipedia/commons/thumb/6/6c/Yugoslavia_location_map.svg/220px-Yugoslavia_location_map.svg.png)
Yugoslavia (chiàu-jī ì-sù: "Lâm-hng Slav lâng ê kok") sī í-chá 20 sè-kí ê sî tī Tang-lâm kiam Tiong-pō͘ Au-chiu ê kok-ka. In tī Tē-it-chhù Sè-kài Tāi-chiàn liáu-āu ê 1918 nî chhut-hiān, tāi-seng sī hō chò Serb, Croat, kap Sloven lâng ê Ông-kok, sī tùi lîm-sî ê Sloven, Croat, kap Serb lâng ê Kok choán--kòe. Nā koh khah chìn-chêng chit ūi ū kúi-nā pah tang sī sio̍k Osman Tè-kok kap Ò-Hông Tè-kok ê koán-lāi. Serbia ê Peter 1-sè sī ông-kok ê thâu tāi chú-kun. 1922 nî 7 goe̍h 13, in tit tio̍h kok-chè ê sêng-jīm. 1929 nî 10 goe̍h 3 ji̍t, koh kái hō Yugoslavia Ông-kok.
1941 nî 4 goe̍h 6 ji̍t, Chhia-sim sè-le̍k chhim-ji̍p Yugoslavia. 1943 nî, Partisan hoan-khòng-kun chú-tiuⁿ liáu chi̍t-ê Bîn-chú Liân-pang Yugoslavia. 1955 nî, tng liû-bông ê kok-ông Peter 2-sè kā sêng-jīn. 1945 nî 11 goe̍h, kun-chú-chè hòe-sak. Kok-ka tī 1946 nî, tng kiōng-sán-tóng chèng-hú khai-ki, kái hō Yugoslavia Liân-pang Jîn-bîn Kiōng-hô-kok. Kun-thâu Josip Broz Tito thóng-tī kàu 1980 nî i kòe-sin. 1963 nî, koh chi̍t kái kái-miâ Yugoslavia Siā-hōe-chú-gī Liân-pang Kiōng-hô-kok.
Chit hō Yugoslavia liân-pang lāi-té hun 6-ê kò͘-sêng kiōng-hô-kok: Bosnia kap Herzegovina, Croatia, Macedonia, Montenegro, Serbia, kap Slovenia. Serbia ka-tī koh pun nn̄g-ê Siā-hōe-chú-gī Chū-tī Séng: Vojvodina kap Kosovo, in chū 1974 nî āu kap kî-tha liân-pang chham-ka-kok khoân-le̍k tōa-hūn siong-tong.
Hun-thiah
[siu-kái | kái goân-sí-bé]1980 nî-tāi ê keng-chè kiam chèng-tī gûi-ki hō͘ Yugoslavia tè-bóe pun-sòaⁿ--khì. Liáu-āu tang-tiong ê Montenegro kap Serbia nn̄g kok chiâⁿ chò sī kiám-sió ê liân-pang, goân-lâi sī hō Yugoslavia Liân-pang Kiōng-hô-kok, 2003 nî koh pìⁿ Serbia kap Montenegro. Kàu 2006 nî, Montenegro kap Serbia mā hun-thiah. Sòa--lo̍h koh ū Kosovo tī 2008 nî soan-pò͘ tùi Serbia to̍k-li̍p.
![]() | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |