Lú-chin
Guā-māu
![](http://upload.wikimedia.org/wikipedia/commons/thumb/6/67/Jurchen_woodblock_print.png/250px-Jurchen_woodblock_print.png)
Lú-chin (Hàn-jī: 女真; Lú-chin-bûn: ), mā siá-chòe Lú-ti̍t (女直), khó-lêng sī Siok-sīn (肅慎) ê āu-tāi. Tiong-kok Hàn-tiâu kàu Chìn-tiâu ê sî-chūn hō-chòe Iap-lâu (挹樓); Lâm-pak-tiâu ê sî-chūn hō-chòe Bu̍t-kiat (勿吉); Tông-tiâu chheng-ho͘ Hek-súi Bo̍at-ha̍t (黑水靺鞨). Liâu-tiâu sî-tāi chiah khai-sí sú-iōng Lú-chin ê chheng-ho͘.
Liâu-kok chèng-hú kā Lú-chin hun-chòe Chheⁿ-lú-chin (生女真) kah Sek-lú-chin (熟女真) nn̄g-chióng. Chheng-tiâu í-āu, kái hō-chòe Boán-cho̍k (滿族). Bêng-tiâu ê sî-chūn, kā Lú-chin hun-chòe 3-chióng: hun-piat sī Kiàn-chiu Lú-chin (建州女真), Hái-se Lú-chin (海西女真) kah Iá-jîn Lú-chin (野人女真).