Kok-li̍p Tâi-oân Tāi-ha̍k
國立臺灣大學 | |
![]() tô͘-su-kóan | |
Hāu-hùn | 敦品勵學,愛國愛人 |
---|---|
Hāu-hùn hoan-e̍k | Tun-phín Lē-ha̍k, Ài-kok Ài-jîn |
Lūi-pia̍t | kok-li̍p |
Khí-chō | 1928 nî 3 goe̍h 17 ji̍t |
Hāu-tiúⁿ | Tân Bûn-chiong |
Kàu-su |
Choan-jīm: 2,064 lâng |
Ha̍k-seng | 32,923 lâng (2022 nî) |
Só͘-chāi | |
Liân-bêng | Tâi-oân Tāi-ha̍k Liân-bêng |
Bāng-chām | http://www.ntu.edu.tw/ |
tóng-àn:National Taiwan University logo.svg |
Kok-li̍p Tâi-ôan Tāi-ha̍k (國立臺灣大學), Tâi-oân chhut-miâ ê tāi-ha̍k, kán-chheng Tâi-tāi (臺大).
Ha̍k-hāu tī 1928 nî iû Ji̍p-pún Tâi-oân Chóng-tok-hú sêng-li̍p, gôan-miâ Tâi-pak Tè-kok Tāi-ha̍k. 1945 nî kái miâ Kok-li̍p Tâi-ôan Tāi-ha̍k.
Tâi-tāi hāu-iú tiong, kàu-taⁿ bat chhut 1 ê Nō-bé-luh-chióng tit-chú, 4 ê Tiong-hôa Bîn-kok chóng-thóng, í-ki̍p 84 ê Tiong-iong Gián-kiù-īⁿ īⁿ-sū.
Le̍k-sú
[siu-kái | kái goân-sí-bé]Le̍k-jīm Hāu-tiúⁿ
[siu-kái | kái goân-sí-bé]
Ji̍t-tī Tâi-oân Sî-kî
[siu-kái | kái goân-sí-bé]- Tâi-pak Tè-kok Tāi-ha̍k chóng-tiúⁿ
Jīm-chhū | Sèⁿ-miâ | Jīm-kî | Pī-chù |
---|---|---|---|
1 | Sidehara Taira | 1928/3 - 1937/9 | Ji̍t-pún le̍k-sú-ha̍k-ka, kàu-io̍k-ka |
2 | Chitanori Mita | 1937/9 - 1941/4 | Ji̍t-pún i-ha̍k-ka |
3 | Masatsugu Andō | 1941/4 - 1945/3 | Ji̍t-pún Ji̍t-gí gí-giân-ha̍k-chiá |
4 | Kazuo Andō | 1945/3 - 1945/8 | Ji̍t-pún hòa-ha̍k kang-têng-ha̍k-ka |
Tiong-hôa Bîn-kok Sî-kî
[siu-kái | kái goân-sí-bé]- Kok-li̍p Tâi-oân Tāi-ha̍k hāu-tiúⁿ
Jīm-chhū | Sèⁿ-miâ | Jīm-kî | Pī-chù |
---|---|---|---|
1 | Lô Chong-lo̍k | 1945/8 - 1946/2/9 1946/4/9 - 1946/5 |
Tiong-kok si̍t-bu̍t-ha̍k-ka. |
2 | Lio̍k Chì-hông | 1946/8/13 - 1948/5/31 | Tiong-kok kang-têng-ha̍k-ka, Tiong-gián-īⁿ īⁿ-sū. |
3 | Chng Tiông-kiong | 1948/6/1 - 1948/8/1 1948/8/29 - 1948/12/7 |
Tiong-kok hòa-ha̍k-ka; jīm-lāi chhéng-sî 2 pái, bóe--á iû Pò͘ Su-nî chiap-chhiú. |
tāi-lí | Tō͘ Chhong-bêng | 1948/12/8 - 1949/1/19 | Tâi-oân i-ha̍k-ka; Tâi-tāi I-ha̍k-īⁿ īⁿ-tiúⁿ kiam-jīm kàu-bū-tiúⁿ kiam-jīm tāi-lí hāu-tiúⁿ. |
4 | Pò͘ Su-nî | 1949/1/20 - 1950/12/20 | Tiong-kok le̍k-sú ha̍k-ka, kàu-io̍k-ka, Tiong-gián-īⁿ īⁿ-sū; jīm-lāi in phòa-pēⁿ kòe-sin,bâi-chōng tī hāu-hn̂g lāi-té ê Pò͘-hn̂g. |
tāi-lí | Sím Kong-pek | 1950/12/20 - 1951/3 | Tiong-kok le̍k-sú-ha̍k-ka; kàu-bū-tiúⁿ kiam-jīm tāi-lí hāu-tiúⁿ. |
5 | Chîⁿ Su-liōng | 1951/3 - 1970/6 | Tiong-kok hòa-ha̍k-ka, Tiong-gián-īⁿ īⁿ-sū. |
6 | Giâm Chín-heng | 1970/6 - 1981/8 | Tiong-kok chúi-lī kang-têng-ha̍k-ka |
7 | Gû Tiāu-tiong | 1981/8/1- 1984/8/1 | Tiong-kok tô͘-bo̍k kang-têng-ha̍k-ka |
8 | Sun Chìn | 1984/8/1 - 1993/2/27 | Tiong-kok keng-chè-ha̍k-ka; chhut-jīm Tiong-hôa-bîn-kok Kok-hông-pō͘ pō͘-tiúⁿ. |
tāi-lí | Koeh Kong-hiông | 1993/2/27 - 1993/6/21 | Tâi-oân tōng-bu̍t-ha̍k-ka; kàu-bū-tiúⁿ chiam-jīm tāi-lí hāu-tiúⁿ |
9 | Tân Uî-chiau | 1993/6/22 - 2005/6/21 | Tâi-oân i-ha̍k-ka |
10 | Lí Sū-gîm | 2005/6/22- 2013/6/21 | Tâi-oân tiān-ki kang-têng-ha̍k-ka[1] |
11 | Iûⁿ Phoàn-tî | 20135/6/21 - 2017/6/21 | Tâi-oân i-ha̍k-ka, Tiong-gián-īⁿ īⁿ-sū |
tāi-lí | Tiuⁿ Khèng-sūi | 2017/6/21 - 2017/10/1 | Tâi-oân bu̍t-lí-ha̍k-ka, hêng-chèng hù-hāu-tiúⁿ kiam-jīm tāi-lí hāu-tiúⁿ |
tāi-lí | Koeh Tāi-uî | 2017/10/1 - 2019/1/8 | Tâi-oân tiān-náu kho-ha̍k-ka; ha̍k-su̍t hù-hāu-tiúⁿ kiam-jīm tāi-lí hāu-tiúⁿ |
12 | Koán Tiong-bín | 2019/1/8 - 2023/1/7 | Tâi-oân keng-chè-ha̍k-ka, Tiong-gián-īⁿ īⁿ-sū; goân-té beh tī 2018 nî 2 goe̍h 1 hō chiūⁿ-jīm, m̄-kò siū-tio̍h hāu-tiúⁿ lîn-soán sū-kiāⁿ éng-hióng, it-ti̍t kàu kâng-nî 12 goe̍h 24 hō chiah thê-tio̍h Kàu-io̍k-pō͘ he̍k-khó, liâm-mi tī 2019 nî 1 goe̍h 8 hō chiūⁿ-jīm. Tān-sī kâng-goe̍h 15 hō in-ūi i jīm chèng-hú kong-chit kî-kan chhap ū tio̍h kiam-chit ê chêng-sū, hō͘ Kàm-chhat-īⁿ tân-hāi, î-sàng Kong-bū-oân Têng-kài Úi-oân-hōe sim-lí āu hŏng phòaⁿ sin-kài. |
13 | Tân Bûn-chiong | 2023/1/8- | Tâi-oân hòa-kang-ha̍k-ka. |
Cho͘-chit
[siu-kái | kái goân-sí-bé]Kàu-ha̍k Tan-ūi
[siu-kái | kái goân-sí-bé]Tâi-oân Tāi-ha̍k lóng-chóng ū 12 ê ha̍k-īⁿ (college), 3 ê choan-gia̍p ha̍k-īⁿ (school), ē-kha siat iú 56 ê ha̍k-hē, 133 ê gián-kiù-só͘, 19 ê sek-phok-sū ha̍k-têng.
Chia-ê 14 ê ha̍k-īⁿ kap choan-gia̍p ha̍k-īⁿ hun-pia̍t sī:
- Bûn-ha̍k-īⁿ
- Lí-ha̍k-īⁿ
- Siā-hōe Kho-ha̍k Īⁿ
- I-ha̍k-īⁿ
- Gê-i-ha̍k Choan-gia̍p Ha̍k-īⁿ
- Io̍h-ha̍k Choan-gia̍p Ha̍k-īⁿ
- Kang-ha̍k-īⁿ
- Seng-bu̍t Chu-goân kap Lông-ha̍k Ha̍k-īⁿ
- Siù-i Choan-gia̍p Ha̍k-īⁿ
- Koán-lí Ha̍k-lí
- Kong-kiōng Ōe-seng Ha̍k-īⁿ
- Tiān-ki Chū-sìn Ha̍k-īⁿ
- Hoat-lu̍t Ha̍k-īⁿ
- Seng-bēng Kho-ha̍k Īⁿ
- Tiōng-tiám Kho-ki Gián-kiú Ha̍k-īⁿ
Koh-ū 4 ê ha̍k-īⁿ-kip kàu-ha̍k tan-ūi:
- Kok-chè Ha̍k-īⁿ
- Chìn-siu Thui-kóng Ha̍k-īⁿ
- Chhòng-sin Siat-kè Ha̍k-īⁿ
- Kiōng-tông Kàu-io̍k Tiong-sim
Gián-kiù Tiông-sin
[siu-kái | kái goân-sí-bé]Hāu-khu
[siu-kái | kái goân-sí-bé]Hāu-chóng-khu
[siu-kái | kái goân-sí-bé]![](http://upload.wikimedia.org/wikipedia/commons/thumb/6/62/Grass_ntu.jpg/200px-Grass_ntu.jpg)
Tâi-tāi hāu-chóng-khu (校總區) tī Tâi-pak-chhī Tāi-an-khu ê Kong-koán , bīn-chek 115.49 kong-khéng, sī Tâi-pak Tè-kok Tāi-ha̍k ê kū-chí. Chin chē kàu-ha̍k tan-ūi lóng tī chia, chhiūⁿ bûn, lí, kang, seng-bu̍t chu-goân (lông), koán-lí, seng-bēng kho-ha̍k, hoat-lu̍t, siā-hōe kho-ha̍k, tiān-ki chu-sìn téng-téng ha̍k-īⁿ. Hāu-chóng-khu koh ū hêng-chèng tiong-sim, Chóng Tô͘-su-koán, Lông-gia̍p Tîn-lia̍t-koán, Tâi-tāi Lông-tiûⁿ , Tōng-bu̍t Pēⁿ-īⁿ, Hî-gia̍p Seng-bu̍t Chhì-giām-só͘, Chúi-kang Chhì-giām-só͘. Chin chē ha̍k-seng sok-siā kiau kàu-chit-oân sok-siā mā lóng tī hāu-chóng-khu.
Tâi-pak Chúi-goân Hāu-khu
[siu-kái | kái goân-sí-bé]Chúi-goân Hāu-khu (水源校區) tī Tâi-pak-chhī Tiong-chèng-khu, Tâi-pak Chúi-tō-chúi Goân-tē tùi-bīn, bīn-chek 6.78 kong-khéng. Chia pún-lâi sī Kok-hông I-ha̍k-īⁿ ê só͘-chāi-tē. 1999 nî Kok-hông I-ha̍k-īⁿ poaⁿ-chhian káu Lāi-ô͘-khu liáu-āu, chit tè tē kau hō͘ Tâi-tāi lâi sú-iōng. Tī hāu-chóng-khu lāi-té ûi-kui thêng-chhia, hŏng thoa-tiàu ê kha-ta̍h-chhia, ē sàng lâi-kàu chia pó-koán.
Tâi-pak Siâⁿ-tiong Hāu-khu
[siu-kái | kái goân-sí-bé]Siâⁿ-tiong Hāu-khu (城中校區) tī Tâi-pak-chhī Tiong-chèng-khu, bīn-chek 14.55 kong-khéng. Tâi-tāi Pēⁿ-īⁿ sai-chí, tang-chí, I-ha̍k-īⁿ, Kong-ōe Ha̍k-īⁿ lóng tī chit-ê hāu-khu. Siā-hōe Kho-ha̍k Īⁿ, Hoat-lu̍t Ha̍k-īⁿ pún-té mā sī tī Siâⁿ-tiong Hāu-khu,
Hûn-lîm Hó͘-bóe Hāu-khu
[siu-kái | kái goân-sí-bé]Hó͘-bóe Hāu-khu (虎尾校區) tī Hun-lîm-koān Hó͘-bóe-tìn, bīn-chek 57.03 kong-khéng, pau-hâm Tâi-tāi Pēⁿ-īⁿ Hûn-lîm Hun-īⁿ 5 kong-khéng. Tâi-tāi Lông-gia̍p Io̍k-sêng Thui-kóng Tiong-sim mā tī chit-ê hāu-khu.[2]
Sin-tek Tek-pak Hāu-khu
[siu-kái | kái goân-sí-bé]Tek-pak Hāu-khu (竹北校區) tī Sin-tek-koān Tek-pak-chhī, bīn-chek 22.08 kong-khéng, bī-lâi sī kui-ōe chò sán-ha̍k ha̍p-chok kah thui-kóng kàu-io̍k ê ki-tē.
Kî-thaⁿ Hāu-tē
[siu-kái | kái goân-sí-bé]- Soaⁿ-tē lông-tiûⁿ (山地農場): tī Lâm-tâu-koān Jîn-ài-hiong bīn-chek 1,091.08 kong-khéng.
- Si̍t-giām-lîm (實驗林): tī Lâm-tâu-koān Sìn-gī-hiong, Chúi-lí-hiong, kah Lo̍k-kok-hiong, bīn-chek 32,793 kong-khéng.
Kéng-koan kap kiàn-tio̍k
[siu-kái | kái goân-sí-bé]-
Iâ-lîm Tāi-tō kap Chín-heng Chháu-pêⁿ
-
Seng-thài-tî
-
Tōng-tōng-koán (洞洞館)
-
Gêng-thài Tiong-sim kiam Bu̍t-lí-hē Koán
-
Thian-bûn Sò͘-ha̍k Koán
-
Khiā tī Chùi-goa̍t-ô͘ khòaⁿ tùi Bu̍t-lí-hē Koán kiau Thian-bûn Sò͘-ha̍k Koán
-
Tâi-tāi Lông-tiûⁿ
Siong-koan Sū-kiāⁿ
[siu-kái | kái goân-sí-bé]Tân Bûn-sêng Sū-kiāⁿ
[siu-kái | kái goân-sí-bé]Tâi-oân Pe̍h-sek Khióng-pò͘ sî-kî ê 1981 nî, Tâi-tāi bat hoat-seng Tân Bûn-sêng (陳文成) kàu-siū ê miā-àn, tiō-sī Tân Bûn-sêng Sū-kiāⁿ , kàu-taⁿ chin-siòng put-bêng. 2014 nî, Tâi-tāi Ha̍k-seng-hōe tī hāu-bū hōe-gī thê-àn beh chiong àn-hoat tē-tiám hō-miâ chò Tân Bûn-sêng Kì-liām Kóng-tiûⁿ.[3]
Hāu-iú
[siu-kái | kái goân-sí-bé]Goā-pō͘ liân-kiat
[siu-kái | kái goân-sí-bé]Chham-khó
[siu-kái | kái goân-sí-bé]- ↑ 《2007 nî Tâi-oân Tāi-ha̍k Siāu-kài》
- ↑ "竹北分部籌備小組". 國立臺灣大學.
- ↑ 翁嫆琄 (2014-06-14). "臺大生提議設陳文成廣場 校方原則同意". Newtalk新聞 (ēng Hôa-gí).
|
|