Associated Press
![](http://upload.wikimedia.org/wikipedia/commons/thumb/0/0c/Associated_Press_logo_2012.svg/200px-Associated_Press_logo_2012.svg.png)
Associated Press, thang hoan-e̍k chò AP Thong-sìn, Bí-kok Liân-ha̍p Thong-sìn-siā ia̍h Bí-kok Liân-ha̍p Sin-bûn-siā, sī iû kok sêng-ôan tan-ūi cho·-sêng ê ha̍p-chok-hêng thong-sìn-siā. Tē-jī chhù sè-kài tāi-chiàn liáu-āu, i ê sêng-ôan khok-tōa kàu tiān-tâi, tiān-sī-tâi, ún-chún hui-chèng-sek siā-ôan lâi tiāⁿ sin-bûn-ko. Associated Press ê chóng-pō· tī Niú-iok.
Associated Press chit-ê sin-bûn ki-kò· ê pian-chi̍p pō·-bûn chú-iàu ū: Kok-chè-pō·, Tùi-gōa-pō·, Keng-chè Sin-bûn-pō·, Thé-io̍k Sin-bûn-pō·, Tô·-phìⁿ Sin-bûn-pō·, Te̍k-kó-pō·, Kóng-pò· Sin-bûn-pō·, Tiān-sī-pō· (APTV). Kî-tiong Tiān-sī-pō· ê kang-chok tiong-sim siat-tī Lûn-tun, thong-kòe A-chiu, Latin Bí-chiu, Pak Bí-chiu kah Chôan-kiû Ho̍k-bū chit-4-tiâu choan-soàⁿ, hiòng chôan sè-kài tiān-sī iōng-hō· thê-kiong siaⁿ-(im) (iáⁿ)-siōng sin-bûn, iōng 6-chióng bûn-jī hoat-pò· sin-bûn-kó.
Kàu-kah 2004 nî, ū 1,700 ê pò-siā, 5,000 ê tiān-tâi kah tiān-sī-tâi chhái-iōng Associated Press ê sin-bûn. In ê iáⁿ-siòng tô·-si-koán ê siu-chông chhiau-koè 1,000-bān tiuⁿ.
Associated Press tī 1848 nî 5-goe̍h iû 6 keng New York ê pò-siā chhòng-li̍p.
Gōa-pō͘ liân-kiat
[siu-kái | kái goân-sí-bé]
|