Llanfairpwllgwyngyllgogerychwyrndrobwllllantysiliogogogoch
![](http://upload.wikimedia.org/wikipedia/commons/thumb/4/49/Llanfair.750pix.jpg/220px-Llanfair.750pix.jpg)
Llanfairpwllgwyngyllgogerychwyrndrobwllllantysiliogogogoch( uutspraek (info·uutleg))
[ˌɬan.ˈvair.puɬ.ˌɡwɪn.ɡɘɬ.ɡo.ˌɡer.ɪ.ˌχwɪrn.ˌdro.buɬ.ˌɬan.tɘ.ˈsil.io.ˌɡo.ɡo.ˈɡoːχ] is 'n plekke in Wales, d'n naeme worre mistal af'ekort tot Llanfairpwll. Llanfairpwll ei 3040 inweuners.
De naem van het durp is de langste pleknaeme in Europa. De naem betekent 'Parochie van d'n Eilehen Maria in't dal van de witte aezelaer bie de snelle stromieng en de parochie van Sint-Tysilio bie de rooie hrot' op z'n Wels. 't Durp is in trek bie de toeristen, want d'r bin d'r vee die a 'n foto komme trek'n bie 't bord mee de pleknaeme op 't station.
De naem bestaet sinds 1860, toen a de durpsraod 'n nieuwe pleknaeme wilde bedienkn zoda ze de langste pleknaeme in't langt konne kriehen. Vanouds êette de plekke heweun Llanfair Pwllgwyngyll, wat of ok a bekant nie uut te spreken is veu mênsen die a nie hewend bin van de stemloze, heaspireerde lateraole fricatief ll te maoken in udder eihe moerstaele, zoas d'n Iengelsen.
De naem van 't durp is de langste in hans Europa, en de derden langste in d'n êeln wereld, achter de volhende twêe.
- 1e plekke: Krung Thep Mahanakhon Amon Rattanakosin Mahinthara Ayuthaya Mahadilok Phop Noppharat Ratchathani Burirom Udomratchaniwet Mahasathan Amon Piman Awatan Sathit Sakkathattiya Witsanukam Prasit (163 letters), d'n officiële pleknaeme van Bangkok. In 't Thaise schrift eit de naeme mao 95 letters me, omdat in da schrift klienkers nie êender meetellen as medeklienkers.
- 2e plekke: Tetaumatawhakatangihangakoauaotamateaurehaeaturipukapihimaunga-horonukupokaiwhenuaakitanarahu (92 letters) in Nieuw-Zeêland.