מאדאגאסקאר (2005 פילם)
![](http://upload.wikimedia.org/wikipedia/commons/thumb/5/54/Madagascar-logo1.svg/220px-Madagascar-logo1.svg.png)
- דער ארטיקל דיסקוטירט דער קאמפיוטער-אנימירטער פילם. טאמער זוכט איר דאס אמתע אינזל לאנד, זעט מאדאגאסקאר.
מאַדאַגאַסקאַר (ענגליש: Madagascar) איז אן אמעריקאנישער קאמפיוטער-אנימירטער קאמעדיע פילם פון 2005 וואס איז פראדוצירט געווארן דורך דרימווארקס אנימאציע און באפרייט געווארן דורך דרימווארקס פילמען. ער איז רעזשיסירט געווארן דורך עריק דאַרנעל און טאָם מאַקגאַרט, געשריבן דורך מאַרק בערטאָן, בילי פֿראָליק, דאַרנעל און מאַקגאַרט, און האט אן ענזעמבל מיט די שטימעס פון בען סטילער, קריס ראָק, דייוויד שווימער, דזשיידאַ פּינקעט סמיט, סאַשאַ באַראָן כהן, סעדריק דער פֿאַרוויילער, ענדי ריכטער, טאָם מאַקגאַרט, קריס מילער, דזשעפֿרי קאַצנבערג, קריסטאָפֿער נייטס, קאָנראַד ווערנאָן, עריק דאַרנעל, דייוויד פּ. סמיט, עליסאַ גבריאלי, באָב סאַגעט, דייוויד קאַוגיל און סטיוון אַפּאָסטאָלינאַ.
"מאַדאַגאַסקאַר" איז באפרייט געווארן דעם 27סטן מיי 2005 און האט באקומען געמישטע קריטיקעס, נאר איז געווען א באקס אפיס הצלחה און איז געווארן איינער פון די מערסט פארקויפטע פילמען פון 2005. דער פילם האט אנגעהויבן א קאנצעסיע מיט א פילם סעריע, צווישן זיי דער המשך "מאַדאַגאַסקאַר 2: אָנטלויף צו אַפֿריקע" פון 2008. "מאַדאַגאַסקאַר 3: מערסט געוואַלט אין אייראָפּע" איז באפרייט געווארן אין 2012, און א ספין-אף פילם מיטן נאמען "די פּינגווינען פֿון מאַדאַגאַסקאַר" איז באפרייט געווארן דעם 26סטן נאוועמבער 2014.
געשיכטע
[רעדאַקטירן | רעדאַקטירן קוואַלטעקסט]ביי דער סענטראַל פּאַרק זאָאָ פֿייערט מאַרטי דער זעברע זיין 10טן געבורטסטאָג, אָבער ער האָט זיך געלאַנגװיילט מיט זיין טעגלעכע רוטין און פֿאַרלאַנגט איבערצולעבן דאָס בושפֿעלד. מאַרטי'ס בעסטער פֿריינד איז אַלעקס דער לייב, וואָס האָט ליב באַרימען זיך צו די מאַסן און זיין סעלעבריטעט סטאַטוס אַלס "דער קעניג פֿון ניו יאָרק". אַלעקס פּרובירט טרייסטן מאַרטי, אָבער מאַרטי לערנט אַז די פּינגווינען אינעם זאָאָ - סקיפּער, קאָוואַלסקי, ריקאָ און פּרייוועט - פּרובירן אָנטצולויפֿן, און פֿאָלגט נאָך זיי אַרויס. אַלעקס, מעלמאַן דער זשיראַף און גלאָריע די היפּאָפּאָטאַמע יאָגן נאָך מאַרטי און פּרובירן צורעדן אים צו קומען צוריק. צווישן מיט די פּינגווינען און צוויי שימפּאַנזעס מיט די נעמען מייסאָן און פֿיל, די פֿיר זאַמלען זיך ביי גראַנד סענטראַל סטאַנציע וואו די אויטאָריטעטן פֿאַרוויגן זיי מיט אַנעסטאַזיע ביקסן. אונטער דרוק פֿון אַנטי-פֿאַנגען אַקטיוויסטן דאַרף דער זאָאָ אַריבערפֿירן די חיות צו אַ נאַטור רעזערוואַט אין קעניע. בעת דער רייזע אָנטלויפֿן די פּינגווינען און באַהערשן די שיף, מיט דער ציל צו זעגלען צו אַנטאַרקטיקע. צוליב זייערע קונצן אין די קאַבינע, די קאַסטנס וואָס אַנטהאַלטן אַלעקס, מאַרטי, מעלמאַן און גלאָריע פֿאַלן אַריין אינעם ים און פֿלײצן אַוועק צו מאַדאַגאַסקאַר.
די חיות ערשטנס דאַכטן זיך אַז זיי האָבן דערגרייכן דער סאַן דיעגאָ זאָאָ, און זיי טרעפֿן מיט אַ גרופּע לעמורן געפֿירט דורך קעניג דזשוליען דער דרייצנטער. די פֿאַרציקערדיקע פֿאָסאַס באַפֿאַלן די לעמורן, אָבער לויפֿן אַוועק פֿון אַלעקסנ'ס שרעקלעך דערזעעניש. אַלעקס באַשולדיקט מאַרטי פֿאַר זייער קלעמעניש און פּרובירט סיגנאַליזירן פֿאַר הילף צו קומען צוריק אין דער ציוויליזאַציע. מאַרטי געפֿינט אַז דאָס בושפֿעלד איז גענוי וואָס ער האָט געזוכט, און גלאָריע און מעלמאַן שנעל באַגלייטן אים אין זיין הנאה ביי דעם אינזל. צולעצט קומט אַלעקס אויך, אָבער ער הונגערט זיך אָן די רויע פֿלייש-סטייקן וואָס ער האָט געעסן אינעם זאָאָ און אָנהייבט באַווייזן זיין רויב-וועלער. קעניג דזשוליען מאַכט די לעמורן באַפֿריינדן די זאָאָ חיות מיטן האָפֿענונג אַז אַלעקס וועט דערווייטערן די פֿאָסאַס, כאָטש די וואַרנונגען פֿון זיין ראַטגעבער מאָריס אַז אַלעקס איז אַ פֿאַרציקער. ווען אַלעקס פֿאַרלירט קאָנטראָל און באַפֿאַלט מאַרטי פֿאַרשטייט דזשוליען אַז אַלעקס איז אַ באַדראָונג און דעפּאָרטירט אים צו דער זייט פֿונעם אינזל וואו די פֿאָסאַס וואוינען מיט די אַנדערע פֿאַרציקערס. נאָך וואָס ער זעט וואָס איז געשען צו אַלעקס און אַז דאָס בושפֿעלד קען ווערן זייער געפֿערלעך אָנהייבט מאַרטי חרטה האָבן אויף זיין באַשטימונג צו פֿאַרלאָזן דעם זאָאָ.
נאָך וואָס די פּינגווינען האָבן געפֿונען אַז זיי קענען נישט באַזעצן אַנטאַרקטיקע, זיי אַנקערן די שיף ביי מאַדאַגאַסקאַר. מאַרטי, וואָס זעט דער שאַנס צו ברענגען אַלעקס צוריק אין ניו יאָרק, קומט אַדורך דער פֿאַרציקערס זייט און פּרובירט צורעדן דער צעקלעמטער און געהונגערטער אַלעקס צו קומען צוריק, אָבער אַלעקס קעגנשטעלט זיך מיט דעם מורא אַז ער וועט באַפֿאַלן מאַרטי ווידער אַ מאָל. די פֿאָסאַס באַפֿאַלן מאַרטי, און גלאָריע, מעלמאַן און די פּינגווינען קומען צו ראַטעווען אים אָבער דורכפֿאַלן. אַלעקס איבערגובֿרט זיינע פֿאַרציקערישע אינסטינקטן, ראַטעוועט זיינע פֿריינט און שרעקט די פֿאָסאַס אַוועק פֿון די לעמורנ'ס טעריטאָריע אויף שטענדיק. די לעמורן ווידער אָנהייבן רעספּעקטירן אַלעקס, און די פּינגווינען פּאַשען אים סושי צו ענדיקן זיין הונגער. ווען די לעמורן פֿירן אַ געזעגענונג פֿייערונג פֿאַר דער קוואַרטעט באַשטימען די פּינגווינען נישט צו מעלדן אַז די שיף איז געשטעקט געוואָרן אָן ברענשטאָף.
שטימע אקטיארן
[רעדאַקטירן | רעדאַקטירן קוואַלטעקסט]- בען סטליער אַלס אַלעקס דער לייב
- קריס ראָק אַלס מאַרטי דער זעברע
- דייוויד שווימער אַלס מעלמאַן דער זשיראַף
- דזשיידאַ פּינקעט סמיט אַלס גלאָריע די היפּאָפּאָטאַמע
- סאַשאַ באַראָן כהן אַלס קעניג דזשוליען דער דרייצנטער
- סעדריק דער פֿאַרוויילער אַלס מאָריס
- ענדי ריכטער אַלס מאָרט
- טאָם מאַקגאַרט אַלס סקיפּער
- קריס מילער אַלס קאָוואַלסקי
- דזשעפֿרי קאַצנבערג אַלס ריקאָ
- קריסטאָפֿער נייטס אַלס פּרייוועט
- קאָנראַד ווערנאָן אַלס מייסאָן
- עריק דאַרנעל און טאָם מאַקגאַרט אַלס די פֿאָסאַ
- דייוויד פּ. סמיט אַלס פּאַנטשאָ
- עליסאַ גבריאלי אַלס נענאַ
- באָב סאַגעט אַלס אַ געהיימע זאָאָ חיה
- דייוויד קאַוגיל אַלס אַ פּאָליציי פֿערד
- סטיוון אַפּאָסטאָלינאַ אַלס אַ פּאָליציאַנט
וועבלינקען
[רעדאַקטירן | רעדאַקטירן קוואַלטעקסט]![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
"מאַדאַגאַסקאַר" ביי דער אינטערנעץ פילם דאטעבאזע (אויף ענגליש)