ნინძგი
იერსახე
![](http://upload.wikimedia.org/wikipedia/commons/thumb/b/b4/BirdBeaksA.svg/220px-BirdBeaksA.svg.png)
ნინძგი — მაფურინჯეეფიშ ორგანო, ნამუსჷთ აკმოქიმინჷნს უკიბირე ღვეფი დო ფორუნს ბაკამი შალჷთა — რამფოთეკა. მაფურინჯეეფიშ ემბრიონს ნინძგიშ ჟილენ ნორთის ობორჯეთ ივითარებუ მუწოწვანდაფილი ბაკამი ზურგალე, ნამუთ მუნოჸინაფაშ ბორჯის ოხვარუ ხეჭიშ ტახუას. მიარე მაფურინჯეშ ჟილენი ნინძგიშ ფაზვი დღვილამით რე ფორილი. შხვადოშხვა ფურინჯის შხვადოშხვა ზჷმაშ დო ფორმაშ ნინძგი უღუ. კანკალე ოკიბირალიშ ჭოფუას დო კანკალეშა დოწეწუას ონინალჷ. შხვეფი მოხუჯაფილი რე კაკაფუშ, ჩხირკაფიშ, ბურდღაშ წიმინდუაშ, ოგვაჯეშ აკაგაფალო დო შხვა. ნინძგიშ თე შხვადოშხვანერი ფუნქციას ხეს უნწყუნს ჟილენი ნინძგიშ ყარაფი, ნამუსჷთ შეულებუ მიკირთას ჟილე დო გიმე ვარდა შქას დიღიროკასჷნ.
ლიტერატურა
[რედაქტირაფა | წყუშ რედაქტირაფა]- ქორთული სხუნუეფიშ ენციკლოპედია, ტ. 7, ხს. 443-444, ქართი, 1984 წანა.