მესიეშ კატალოგი
მესიეშ კატალოგი (ფრანგ. Catalogue de Messier) — ფრანგი ასტრონომიშ შარლ მესიეშ კატალოგი, ნამუთ იკათუანს 110 ასტრონომიულ ობიექტის. მესიექ, ნამუთ უმოსო კომეტეფს გორუნდჷ დო ირკვიენდჷ, აკადგინჷ თიცალი კატალოგი, ნამუშათ მიშეღჷ ასტრონომიული ობიექტეფი, კომეტეფიშ გარდა, მუშენდა კომეტეფიშ კილაგორუაშ ბორჯის, ჸათე ობიექტეფი კომეტაშ მეგორაფაშ პროცესის ართულენდჷ.
მესიექ ჸათე კატალოგი აკადგინჷ მუში ასისტენტი პიერ მეშენიწკჷმა ართო.
კატალოგიშ მაართა ვერსიაქ 1774 წანას გიშართჷ საფრანგეთიშ მენცარობეფიშ აკადემიაშ ჟურნალს დო თინა იკათუანდჷ 45 ობიექტის. ჸათავრეშე 18-ს მესიექ მიოგორუ, დანარჩენს შხვა ორდოიანი ასტრონომეფქ. 1780 წანაშო ასტრონომიული ობიექტეფიშ მუდანობაქ 80-ს ქიმიოჭირინუ. კატალოგიშ ეკონია ვერსია იკათუანდჷ 103 ობიექტის. უკულიან პერიოდეფს შხვა ასტრონომეფქ, მესიეშ ტექსტეფიშ გიმორინაფათ, კატალოგი 110 ობიექტიშახ აკაფშეს.
კატალოგიშა მიშაღალირი რე შხვადოშხვა ასტრონომიული ობიექტეფი: პლანეტარული ნირსეულეფი, გალაქტიკეფი დო მურიცხბუნეფი.
მესიეშ კატალოგი ასტრონომიული ობიექტეფიშ ართ-ართი პოპულარული ერკებული რე, ნამუთ ასე ხოლო გიმირინუაფჷ.
მესიეშ კატალოგიშ ასტრონომიული ობიექტეფი
[რედაქტირაფა | წყუშ რედაქტირაფა]![](http://upload.wikimedia.org/wikipedia/commons/thumb/e/e2/MessierStarChart.svg/1000px-MessierStarChart.svg.png)
ქოძირით თაშნეშე
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]- SEDS Messier Database. — includes images