ბლუზი
![](http://upload.wikimedia.org/wikipedia/commons/thumb/d/d0/Bessie_Smith_%281936%29_by_Carl_Van_Vechten.jpg/220px-Bessie_Smith_%281936%29_by_Carl_Van_Vechten.jpg)
ბლუზი — მუსიკაშ ფორმა დო მუსიკალური ჟანრი, გოჭყაფილი აფრო-ამერიკულ აკნაკათეფს, კერზოთ - ააშ-იშ ობჯათეშე, XIX ოშწანურაშ დალიას. გიჭყჷ სპირიჩუელეფქჷთ, სამუშა ბირეფიშ, ხიობეფიშ დო შხვა მუსიკალური ფორმეფიშე.[1] მოგვიანაფათ თაშნეშე ესვარილქ იჸუ შხვა ჟანრეფწკჷმა, ნამუეფს შქას ეიოშინალი რე ჯაზი, რითმ ენდ ბლუზი დო როკ-ენ-როლი.
ისტორია
[რედაქტირაფა | წყუშ რედაქტირაფა]ბლუზიშ ომასქერე ამერიკაშ აკოართაფილი შტატეფი რე დო თიში პირველი მარსულებერეფი აფროამერიკალეფი რდეს. თეშ გეშა თის მინშა უჩაკანამეფიშ ფოლკ მუსიკას უძახჷნა.
ორჩანიეთ მა-20 ოშწანურაშ დაჭყაფუს, ათე მუსიკალური სტილქ გიჭყჷ ინგლისური დო შოტლანდიური ბალადეფიშ, უჩაკანამეფიშ ხანდაშ ბირეფიშ მესვარუათ.
ბლუზიშ თარი მუნაღაზა მუჭოთ წესი, 12 ტაქტიანი რე. ტიპური ინსტრუმენტეფი, ნამუეფჷთ გჷმირინუაფუ ბლუზიშ რსულებაშისჷნ: გიტარა, ფორტეპიანო, ჰარმონიკა, ბასი, პიჯიშ ობირეშეფშე - ოჸე, საქსოფონი, ტრომბონი დო მიოგამალი ინსტუმენტეფი.
მელოდიურო ბლუზიშ გინორთელი შანი რე დადაბალებური მასუმა, მახუთა დო მაშკვითა ოკუჩხალეეფიშ გჷმორინაფა, თენეფშა უჯოხონა „blue ნოტეფი“.
მუთ ოწაწჷ ტექსტსჷნ, პირველაშე ხვალე ართღოზამი რდჷ, ნამუთ იმაჟირებუდჷ სუმშა, ანდანე წირე აკოჭოფედკონ (AAA ფორმა ჯოხოდჷ). უკული უმოს სტანდარტულო გჷნირთუ ჟირი ღოზიშ გომაჟირაფაქ მასუმა-გინორთლი, დათებური სახეთ (AAB). თარო ბლუზი თეში იბირუაფუდჷ, ნამჷ-და გვერდო რითმული რაგადო ირჩქილებედკონ, გვერდო - მელოდია. დუდშე ბლუზიშ თარი თემა რდჷ ნარღიშ, განჩაშ გჷმოხანტუა რინელი რეალობაშოთ.
ბლუზიშ პირველ მარსულებერეფს შქას რენა რობერტ ჯონსონი, ბრმა უილი ჯონსონი, ჰენრი ტომასი დო შხვეფი.
ქოძირით თაშნეშე
[რედაქტირაფა | წყუშ რედაქტირაფა]ლიტერატურა
[რედაქტირაფა | წყუშ რედაქტირაფა]- Barlow, William (1993). „Cashing In“. Split File: African Americans in the Mass Media.
- Bransford, Steve. "Blues in the Lower Chattahoochee Valley" Southern Spaces 2004
- Clarke, Donald (1995). The Rise and Fall of Popular Music. St. Martin's Press. ISBN 978-0-312-11573-9.
- (1993) რედ. Lawrence Cohn: Nothing But the Blues: The Music and the Musicians. Abbeville Publishing Group (Abbeville Press, Inc.). ISBN 978-1-55859-271-1.
- Dicaire, David (1999). Blues Singers: Biographies of 50 Legendary Artists of the Early 20th Century. McFarland. ISBN 978-0-7864-0606-7.
რესურსეფი ინტერნეტის
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა]- ↑ The Evolution of Differing Blues Styles. How To Play Blues Guitar. დოარქივაფილი რე ორიგინალშე 2010-01-18-ს. კითხირიშ თარიღი: 2008-08-11.