გერბი
გერბი (რუს. герб; პოლ. herb; გერმ. Erbe) — ემბლემა მონძეფონი გინმართალი შანი, საგანგებეთ დვალირი ფიგურეფი დო მეკონეფი, ნამუეფსჷთ სიმბოლური შანულობა მითმიაჩამჷნა დო მაპალუშ ისტორიულ ტრადიციეფს გჷმოხანტჷნა.
![](http://upload.wikimedia.org/wikipedia/commons/thumb/9/94/Greater_coat_of_arms_of_Georgia.svg/250px-Greater_coat_of_arms_of_Georgia.svg.png)
![](http://upload.wikimedia.org/wikipedia/commons/thumb/4/44/Lesser_coat_of_arms_of_Georgia.svg/250px-Lesser_coat_of_arms_of_Georgia.svg.png)
გერბეფი გეჸვენჯი თარ ბუნეფო ირთუ: სახენწჷფო გერბი, ოდიხაწყარე გერბი — შქა ოშწანურეფიშ ამქარეფიშ; საგვარეულე გერბეფი — ჟინოთური დო ბურჟუაზიული გვარეფიშ. გერბი სპეციფიური ისტორიული წყუ რე, ნამუსჷთ დჷმახვარე ისტორიული დისციპლინა — ჰერალდიკა დითმიგურუანს. გერბი გჷმოხანტილი რე შილას, მონეტეფს დო შხვ. საქორთუოს უჯვეშაში ბორჯიშე აკმიქიმინუდჷ ემბლემეფი (ნჯილო, გვერშაპი, მთარი ღორონთიერება — უკულიანს წმ. გერგი, ჯვარი წირეს დო შხვ.), ნამუეფქჷთ უკული ჰერალდიკური შანულობა მიღეს. XVI ოშწანურაშ საბუთის რე ომაფე ობეშტალიშ საგერბე ანგი; ვახტანგ VI-აშ შილას (1711 წ.) გჷმოხანტილი რე ბაგრატიონეფიშ გერბიშ ემბლემეფი, მერსხილი რე ბიბლიური მაფაშ დავითიშ ლეგენდაშა დო სვეტიცხოველიშ ნათქუელწკჷმა; XVII—XVIII ოშწანურეფიშ რე ბჟაეიოლ საქორთუოშ კათალიკოსეფიშ ობეშტალეფი სვეტიცხოველიშ ნათქუელეფიშ ემასახალი ემბლემათ. ვახუშტიშ ნახანდის რე ქორთული ომაფეეფიშ დო სათაროეფიშ გერბეფი.
ლიტერატურა
რედაქტირაფა- ბარნაველი ს., ქსე, ტ. 3, გვ. 96-97, თბ., 1978
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |