DEPARTMENT OF EDUCATION

L.W. Onder geen omstandighede mag die GTA Leerder boeke huis toe geneem word nie. As bykomstige navorsing buite die kampus toegelaat word om die leerproses te verryk, moet die inligting bymekaar gemaak word, skool toe gebring word en dan in die teenwoordigheid van die onderwyser en in die leerder se eie woorde in die leerder se boek ingeskryf word. Onderwysers wat toelaat dat die GTA of enige dokumente wat daarmee assosieer word sonder toestemming die skoolgronde verlaat maak hulle skuldig aan onprofessionele gedrag. Onderwysers moet seker maak dat werk die vermoëns van Graad Nege leerlinge self verteenwoordig. Alle opvoeders moet verseker dat die GTA met die begeerde geloofwaardigheid beskou word. WAAROOR GAAN DIE GTA ? Hierdie Gemene Taak vir Assessering (GTA) is die eerste assessering ontwikkel binne die raamwerk van die Nasionale Kurrikulum Verklaring (NKV), wat landwyd implementeer is. Dit bestaan uit twee afdelings. Ons gebruik nie meer C2005 terminologie soos Fase en Program Organiseerders nie. Alhoewel dit nie vereis is nie, het ons gebruik gemaak van ‘n tema om dele van die GTA in ‘n samehangende dokument saam te voeg. Afdeling A (60 punte), wat al drie leeruitkomstes dek, fokus primêr op Prosessering en word behandel as ‘n kort leerprogram. Afdeling B (40 punte) wat alle aspekte van LU2 naamlik Strukture, Stelsels & Beheer en Prosessering en sommige aspekte van LU1 dek, is ‘n twee-uur eksamen. STREKWYDTE VAN DIE GTA Die 2007 GTA gebruik Globalisasie as die hoof onderliggende tema. Ons het aan die verskillende Suid-Afrikaanse kontekse in die modules ewe veel aandag geskenk. Hierdie jaar gee ons veral aandag aan globalisasie en hulpbronbestuur. Ons maak gebruik van die subtema “Dink globaal maar tree plaaslik op” - wat ons doen met ons hulpbronne kan ‘n impak op die res van die planeet hê Mense gebruik dikwels hulpbronne soos krag, kos of stowwe op onhoudbare, nadelige en skadelike maniere sonder om te dink aan die gevolge van hulle aksies. Afdeling A is ‘n kort leerprogram wat meestal fokus op prosessering. Ons sal kyk hoe materiale geprosessseer kan word om hulle kenmerke (lewensduur) te verander of te verbeter. In die proses sal ons daarop let hoe verskillende kulture soortgelyke uitdagings op unieke wyses te bowe kom. Kosse moet vir lang periodes geberg word. Dit was nog altyd so en verskillende kulture het bewaringstegnieke ontwikkel wat vir hulle eie omstandighede geskik is. 4 TECHNOLOGY GRADE 9 CTA 2007: TEACHER’S GUIDE

Die versamel van Medisinale Plante moet op ‘n volhoudbare wyse gedoen word sodat die hulpbron nie uitgewis word nie en die plante moet prosesseer word om medikasie te verskaf. In hierdie afdeling behandel ons ook intellektuele eiendom, outeursreg, plagiaat en die erkenning van hierdie regte. Plastiek is baie nuttig maar is ook die oorsaak van wydverspreide besoedeling. Dit is egter maklik om te herwin, kan weer gebruik word en nuwe produkte kan daarvan vervaardig word. Eerstens sal die GTA bewustheid onder die leerders skep en hulle help om nie hulpbronne te mors nie. Dit sal ook buite die plaaslike area ‘n impak hê. Terwyl hulle die GTA doen, moet hulle take by die skool uitvoer. Hulle sal ook die geleentheid kry om om hulle eie navorsing tuis te doen soos vereis deur sommige take en om dus gehalte terugvoer skool toe te bring. Alle navorsing moet in hulle eie woorde beskryf word en alle bronne moet in ‘n deeglik gestruktureerde bibliografie erken word. (Hulle behoort teen die tyd die formaat van ‘n bibliografie te ken) . Die pleeg van plagiaat moet vermy word en onderwysers moet leerders wat hieraan skuldig is, penaliseer. Wees op die uitkyk vir Amerikaanse spelling van woorde, woordeskat wat nie tipies is van Suid-Afrikaanse tieners nie en vir blokke teks wat blindeliks in dokumente gevoeg is, leerders moes al geleer het om op te som, en om iets vinnig deur te gaan om relevante inligting te identifiseer. DIE BESTUUR VAN DIE GTA Afdeling A is ‘n Leerprogram met ‘n spesifieke fokus en wat 120 /2 = 60 punte tel. Dit word onder die leiding van die onderwyser in die klas uitgevoer. Soos met enige leerprogram moet die onderwyser leiding en ook terugvoering gee soos die leerling vorder met die take. Sommige aspekte mag vooraf onderrig benodig veral as u nie gedurende die jaar op daardie aspek gefokus het nie. Afdeling A van die GTA moet deur die Leerarea onderwyser gefasiliteer word en onder geen omstandighede mag ‘n nietegnologie onderwyser toesig hou nie. Afdeling B is ‘n eksamen wat 80/2 = 40 tel en waar opsigters teenwoordig sal wees. Hierdie GTA is onafhanklik van afdeling A aangesien dit vrae bevat wat baseer is op die werk wat gedoen moes gewees het gedurende die jaar in die skool se DAS-program wat al die Assessering Standaarde van Tegnologie moes aangespreek het. Fasiliteer die leerling se vordering soos hulle werk deur die Afdeling A aktiwiteite. Moenie opsigter speel nie, neem aktief deel en bestuur die GTA terwyl u leiding verskaf en die leerders konstant assesseer. As die leerders nie komplekse konsepte of ongewone terminologie verstaan nie, verduidelik dit. Gee terugvoering om hulle te help om te verstaan. Die take is ontwerp as klaswerk aktiwiteite. Hierdie aktiwiteite stel die leerders bloot aan verskillende aspekte van prosessering en is bedoel om mekaar te komplementeer sodat die leerder kan leer om globaal te dink terwyl hy plaaslik optree. ASSESSERING 5 TECHNOLOGY GRADE 9 CTA 2007: TEACHER’S GUIDE