深圳寶安區酒店7大推介｜透明無邊際懸空泳池＋工業風客房
深圳寶安區酒店7大推介｜透明無邊際懸空泳池＋工業風客房
寶安區酒店｜1. 深圳寶安前海Pagoda君亭設計飯店
酒店最大特色就係精心設計嘅語音智能客房，透過床頭嘅平板電腦就可以hands-free咁樣控制到房間內嘅設備包括：冷氣溫度、窗簾開閂、燈光亮度…而且大堂吧提供24小時住客免費咖啡茶飲，Opa House亦免費使用嘅自助美甲區、街霸遊戲機、自修室及洗衣機及乾衣機！
| 深圳寶安前海Pagoda君亭設計飯店 | |
| 地址 | 深圳市寶安區建安一路9號恆明珠國際金融中心西座 |
| 預訂連結 | 【Trip.com】 |
寶安區酒店｜2.深圳前海寶安中心CitiGO RESERVE歡閣臻選酒店
CitiGO RESERVE歡閣臻選酒店位於寶安中心嘅黃金地段，擁有前海灣及珠三角嘅壯麗景色。酒店附近環繞著寶安區政府、圖書館及體育館，地理位置十分優越，步行3分鐘即可抵達鄰近地鐵站，非常方便！加上酒店所在區域集合了商業與休閒於一身，包括：壹方城中心、前海HOP國際及前海HOP天地購物中心等，人氣購物地標，無論係衣食住行都為住客提供左多元嘅選擇。
| 深圳前海寶安中心CitiGO RESERVE歡閣臻選酒店 | |
| 地址 | 深圳市寶安區興華一路19號前海HOP天地1樓 |
| 預訂連結 | 【Trip.com】 |
寶安區酒店｜3. 深圳泰華梧桐酒店
酒店座落於航城街道泰華梧桐島穀雨，毗鄰湖泊，享有絕佳視野，地理位置優越，步行約15分鐘即可抵達固戍地鐵站D出口。提供超過百間簡樸而實用嘅客房，灰泥牆壁配實木地板同純植物精油洗浴用品，大多數客房設有湖畔露台，可以隨意欣賞碧水蕩漾嘅湖景，享受與自然和諧共存嘅居住體驗！酒店公共空間包括：和式茶室、母親後花園、共享廚房、24小時自助洗衣間和遊戲室，讓你放慢腳步，享受片刻放鬆時光！
| 深圳泰華梧桐酒店 | |
| 地址 | 深圳市寶安區航城街道泰華梧桐島穀雨4A棟3-8層 |
| 預訂連結 | 【Trip.com】 |
寶安區酒店｜4. 深圳國際會展中心皇冠假日酒店
酒店位於寶安區展雲路，毗鄰國展南地鐵站和福海河。客人可以向禮賓部免費租用多款露營器具包括：帳篷、單車和手持泡泡機，方便前往露營和野餐！酒店設施十分豐富，其中室外透明無邊際懸空泳池更加係非常適合影相嘅打卡位，叧外亦配備室內泳池、模擬高爾夫球場、兒童遊樂場、迷你沙灘同健身室，啱曬一家大細過嚟到享受天倫樂～
| 深圳國際會展中心皇冠假日酒店 | |
| 地址 | 深圳市寶安區展雲路8號 |
| 預訂連結 | 【Trip.com】 |
寶安區酒店｜5. 維也納好眠國際酒店
維也納好眠國際酒店位於機場一道，毗鄰近草圍公園、深航足球場和黃田公園，前往距離最近嘅後瑞站同機場站只需唔到10分鐘車程，酒店更提供免費停車場和免費機場接送服務。酒店共有285間客房，所有客房均設有雙層隔音玻璃並配備太空艙按摩椅、原木沐足桶、施力普頸椎理療專利枕等…所大家絕對唔使擔心飛機升降噪音影響睡眠，喺呢度絕對可以提供到讓客人放鬆嘅住宿體驗。
| 維也納好眠國際酒店 | |
| 地址 | 深圳市寶安區西鄉街道機場一道 |
| 預訂連結 | 【Trip.com】 |
寶安區酒店｜6. LIA力亞酒店
LIA力亞酒店嘅裝修以黑灰白色為主調，走一個低調工業風，空間感十足呀！每一個房間均配備巨型屏幕、高清投影儀及智能影音系統，令客人可以享受到專屬自己嘅私人影院，最適合情侶一齊渡過浪漫嘅Movie Night。
| LIA力亞酒店 | |
| 地址 | 深圳市寶安區新安街道海富社區46區翻身路147號海濱廣場10棟2層 |
| 預訂連結 | 【Trip.com】 |
寶安區酒店｜7. 深圳前海華僑城JW萬豪酒店
深圳前海華僑城JW萬豪酒店作為老牌五星級酒店，內部裝修高貴奢華、員工服務質素有水準呢啲絕對有信心保證唔使擔心，亦有提供室內外泳池、健身房等基本設施。呢間分店位於寶安中心區，坐擁前海灣美景，靠近歡樂港灣，非常適合去樂園玩完後喺度投宿一夜！酒店最特別嘅地方係部份房間可以睇到灣區之光摩天輪，景色獨特令人非常想一試啊！
| 深圳前海華僑城JW萬豪酒店 | |
| 地址 | 深圳市寶安區寶興路8號 |
| 預訂連結 | 【Trip.com】 |
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
