姜濤拉Frankie、Jeremy跳《晚安大小姐》引熱議 加埋五COLLAR成員更爆笑
繼Edan呂爵安、Anson Lo盧瀚霆和Jeremy李駿傑的「外星三少女」後,MIRROR近日又有新小分隊出現!日前,MIRROR成員姜濤、Frankie陳瑞輝及Jeremy組成「米姜皮」,翻跳韓國大熱的《晚安大小姐》,極速引起鏡粉熱議及狂Loop,之後更加入五位COLLAR成員一齊跳,令鏡粉都話笑到肚痛!
姜濤組「米姜皮」為《晚安大小姐》獻出第一次
「米姜皮」一齊翻跳韓國大熱的《晚安大小姐》時,姜濤邊跳邊發出「呀咧呀咧」聲音,並笑言:「第一眼睇到隻舞就愛上了,第一次搞埋呢啲嘢!」並加上Hashtag「#我是認真的」、「#在搞笑」,網民都紛紛提議MIRROR全隊合體一齊跳!
![姜濤 frankie 姜濤率Frankie及Jeremy化身日本執事,翻跳韓國最近大熱的洗腦神曲《晚安大小姐》。(圖片來源:FB@Madame Figaro HK)](https://imgs.orientalsunday.hk/wp-content/uploads/2024/06/-2024-06-03-3.53.43_853831279665d825d4f46a-853x1024.png)
姜濤做冷面執事 Jeremy忍唔住大笑
影片上傳不久即時引起大量鏡粉熱議,甚至表示:「狂Loop到成晚真係無瞓過」、「姜生表情好搞笑」、「表情好適合做笑片」、「笑到我肚痛」等,片中可以見到姜濤全程Keep住冷面零表情,而Jeremy到最後就忍唔住仰頭大笑。
![姜濤 frankie 跳到最後Jeremy忍唔住仰頭大笑。(圖片來源:FB@Madame Figaro HK)](https://imgs.orientalsunday.hk/wp-content/uploads/2024/06/-2024-06-03-3.54.54_756800653665d83608ccf5-853x1024.png)
姜濤教授Marf神曲速學口訣
第二段影片「米姜皮」更拉埋五位COLLAR成員Gao沈貞巧﹑Ivy蘇雅琳﹑Winka陳泳伽﹑Marf邱彥筒和Day許軼加入一齊跳《晚安大小姐》,Frankie笑言:「好彩COLLAR一齊玩,呢條跳到無甩喇,yeah!」Jeremy亦說:「有五位大小姐俾我地拉住拍呢條片,辛苦曬!」而Marf在大讚有趣之餘,又感謝姜濤教授她跳這首神曲的速學口訣。
![姜濤 frankie COLLAR加入時都有笑場。(圖片來源:IG@keung_show)](https://imgs.orientalsunday.hk/wp-content/uploads/2024/06/01_610269802665d853da39bd.jpg)
![姜濤 frankie Winka彎身險洩春光。(圖片來源:IG@keung_show)](https://imgs.orientalsunday.hk/wp-content/uploads/2024/06/05_2123785262665d8a391fe50.jpg)
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。