आज लाभहानी, आयव्यय, सुखदुःख बराबरी मध्यम खालको समय छ । आज आफ्नो अधिकार प्राप्तिका लागि संघर्ष गर्नुपर्ला । घरायसी व्यवहारबाट टाढै बस्नु होला । मेहनतीहरूका लागि दिन फलदायी नै रहनेछ । यात्रा भने सामान्य रहनेछ । कुनै शुभकर्म गर्नु आफ्नो पितृ देवतालाई स्मरण गरेर कार्य प्रारम्भ गर्दा अधिक सफलता मिल्नेछ ।

मेष राशिको लागि यो महिनामा छरछिमेकमा सम्पन्न हुने धार्मिक र शुभ कार्यमा संलग्न हुनु पर्नेछ । आफ्नै दक्षतामा विभिन्न कार्यहरू सम्पन्न हुनेछन् । स्थान परिवर्तनका विशेष योग देखिन्छन् । सेयर बजारले पनि राम्रै साथ दिनसक्छ । आजको श्रमबाट पछिलाई फाइदा पुग्न सक्छ । महत्त्वाकाङ्क्षी योजना गोप्य राखेर अघि बढ्नुहोला । आत्मबल बढाएर काम गरेमा असफल भइँदैन । कुनै शुभकर्म गर्नु अघि विष्णु भगवानलाई  स्मरण गरी यात्रा गर्नाले अधिक सफलता मिल्नेछ ।

यस वर्ष मेष राशिको लागि बृहस्पतिको प्रत्यक्ष प्रभाव पर्ने भएकाले आर्थिक पक्ष शुभ छ । यस वर्षको समष्टिगत गोचर फल उत्तम रहेको छ । नवमेश गुरुको घरमा रहने भएकाले केन्द्रीय दोष लाग्ने छ । साथै मनमा भय, चिन्ता, त्रास जस्ता नकारात्मक प्रभाव बढ्न जानेछ ।

एकादश स्थानको एवगृही शनिले भने मध्यम फल प्रदान गर्ने छ । राहुको प्रभाव वर्षको उतरार्द्धसम्म रहने भएकाले धैर्यता अपनाउनु होला । वर्षको उतरार्द्ध पछिको समयमा नयाँ कार्य शुभ रहने छ । अरुको विश्वास जित्न सक्ने भएकाले व्यापार र कूटनीतिक पक्षमा सफलता प्राप्त होला । प्रेम सम्बन्धलाई विवाहमा परिणत गरिने छ साथै विवाहितका लागि सन्तान सुख प्राप्त हुने छ ।

गुरुको प्रत्यक्ष प्रभावले छात्रवृत्तिका साथै शैक्षिक येग्यताको लागि विदेश यात्रा होला । आफ्नो विश्वासपात्रबाट पूर्ण साथ प्राप्त हुनाले रोकिएको कामले गति प्राप्त गर्ने छ ।

वैशाखदेखि आश्विन माससम्मको समय शुभ रहे तापनि त्यसपछिको समयमा चोट पटक, लेनदेनका विषयमा विवाद, स्वास्थ्यमा केही समस्या उत्पन्न हुने छ । रोजगारी एवं राजनीतिक पक्षमा उतारचढाव आउने देखिन्छ ।