Nus avain da basegn da tes talents per in meglier internet
Mozilla è in'organisaziun senza finamira da profit che s'engascha per che l'internet saja avert ed accoglient per tuts. E nus duvrain tes agid. Cun participar a nossa cuminanza pos ti contribuir a l'innovaziun, promover il senn da responsabladad e la confidenza e gidar da far daventar l'internet in meglier lieu per tuts.
Co che ti pos contribuir…
Translatescha cuntegn
L'internet è mo global sch'el vegn chapì dapertut. Ans gida da translatar ils products e las websites da Mozilla en tia lingua.
Contribuescha al code da Mozilla
Contribuescha activamain al svilup dals products da Mozilla. Ti has numerusas opziuns.
Individualmain e via l'organisaziun dad occurrenzas
Gida nus da facilitar l'utilisaziun da products da Mozilla. Respunda a las dumondas d'agid en ils forums da support da la cuminanza Mozilla.
Daventa part da la cuminanza
Vuls ti t'engaschar pli fitg en la cuminanza da Mozilla? Ve a savair dapli davart tut las pussaivladads per voluntaris en noss Community Portal.
Nossa missiun
Igl è nossa missiun da procurar che l'internet saja ina resursa publica globala, averta ed accessibla per tuts. In internet che ha en egl en emprima lingia las persunas, nua che mintgin po crear sia atgna experientscha e nua che mintgin po far valair ses basegns – en moda e maniera segira ed independenta.
Realisà da glieud passiunada sco ti
Sche ti contribueschas a Mozilla, daventas ti ina part dad ina cuminanza mundiala da persunas ch'èn persvasas ch'i tutga a nus tuts da procurar che l'internet restia ina forza positiva.
Nus crajain che la collavuraziun en la cuminanza saja essenziala per crear in internet ch'è multifar, innovativ e responsabel per quellas persunas ch'al dovran il pli fitg. I na dependa betg sche ti has experientschas professiunalas en il mund da la tecnologia, en l'organisaziun dad ina communitad u sche ti has simplamain in computer ed in pau temp liber – ti pos gidar per che l'internet daventia in meglier lieu.