I‑explore ang dashboard ng co‑host

Napakahalaga ng dashboard mo sa pagtatagumpay mo sa Network ng mga Co‑host. Doon mo makakaugnayan ang mga host at masusubaybayan ang pag‑usad ng mga layunin mo.

Masusuri mo ang stats na ito sa tab ng mga kahilingan sa dashboard mo.

• Average na rating: Kailangan mong magpanatili ng rating na 4.7 o mas mataas para patuloy kang maitampok sa mga resulta ng paghahanap. Tumutukoy ang rating mo sa average na star rating mula sa mga bisita sa nakalipas na 12 buwan sa lahat ng listing na pinapangasiwaan mo, maliban sa mga listing kung saan co‑host ka na may access sa kalendaryo lang.
• Rate sa pagtugon: Posibleng hindi patuloy na itampok sa mga resulta ng paghahanap ang profile mo bilang co‑host kung bababa sa 90% ang rate mo sa pagtugon. Tumutukoy ang rate mo sa pagtugon sa porsyento ng mga bagong kahilingan mula sa mga host na natugunan mo nang wala pang nakalipas na 24 na oras. Kinakalkula ito batay sa nakalipas na 90 araw.
• Mga bisitang nag‑view: Ito ang bilang ng mga natatanging bisita na nag‑view sa profile mo bilang co‑host sa nakalipas na 90 araw.
• Conversion ng bisita: Ito ang porsyento ng mga host na nakipag‑ugnayan sa iyo mula sa mga nag‑view sa profile mo sa mga resulta ng paghahanap sa nakalipas na 90 araw.

Matatagpuan ang mga kahilingan mula sa mga host sa tab ng mga kahilingan sa tab na Mga Mensahe. I‑on ang mga notipikasyon para wala kang mapalampas na kahilingan at makatugon ka agad.

Sa mga kahilingan, nakasaad ang:

• Pangalan ng host
• Address ng listing ng host
• Impormasyon sa pakikipag‑ugnayan ng host
• Petsa ng kahilingan
• Katayuan ng kahilingan

Kung nagko‑cohost ka na, mainam na magbigay ng reference sa mga potensyal na partner. Puwede kang magbigay ng reference sa pamamagitan ng mensahe o kung paano man gusto ng host.

Ayon kay Jimmy na co‑host sa Combs-la-Ville, France, lumalaki ang posibilidad na maging matagumpay ang partnership kapag nagbigay ng reference. “Para sa host, walang katulad ang kapanatagang hatid ng rekomendasyon mula sa mga kasalukuyan naming kliyente,” sabi niya.

Magagamit ang Network ng mga Co‑host sa France, Spain, Italy, Germany, United Kingdom, Australia, Mexico (hatid ng Airbnb Global Services Limited), Canada, United States (hatid ng Airbnb Living LLC), at Brazil (hatid ng Airbnb Plataforma Digital Ltda).

Posibleng nagbago ang impormasyong nakasaad sa artikulong ito mula noong na‑publish ito.