阿拉伯半島
外观
![](http://upload.wikimedia.org/wikipedia/commons/thumb/b/b7/Arabian_Peninsula_dust_SeaWiFS.jpg/220px-Arabian_Peninsula_dust_SeaWiFS.jpg)
阿拉伯半島(阿拉伯語:شبه الجزيرة العربية)勒亞洲搭非洲之間,從中東朝東南方伸進印度洋。面積300萬平方公里,是世界上頂大個半島。勒西面俚搭非洲個邊界是蘇伊士運河、紅海搭曼德海峽。朝南俚伸進阿拉伯海搭印度洋。朝東俚搭伊朗隔仔波斯灣搭阿曼灣。沙特阿拉伯、也門、阿曼、阿拉伯聯合酋長國、卡塔爾、科威特、約旦、伊拉克勒阿拉伯半島浪。其中以沙特阿拉伯頂大。
阿拉伯半島一年到頭畀副高壓帶搭信風帶控制,交關乾燥,幾乎整個半島儕是熱帶沙漠氣候區還有面積蠻大個無流區,本區有七個嘸不河個國家。半島沿波斯灣周圍有窮大個石油儲藏,畀阿拉伯半島浪靠牢波斯灣個國家帶得來弗少鈔票。
阿拉伯半島是伊斯蘭教個誕生地。伊斯蘭教個創教人穆罕默德勒該噠養出來、長大。半島浪個麥加是伊斯蘭教個聖地。以阿拉伯半島為中心個阿拉伯帝國曾經橫跨歐、亞、非大陸。今朝半島浪所有國家儕以伊斯蘭教為國教。