路易十四
外观
![](http://upload.wikimedia.org/wikipedia/commons/thumb/0/06/Ballet_de_la_nuit_1653.jpg/220px-Ballet_de_la_nuit_1653.jpg)
路易十四(法文:Louis XIV,1638年9月5号-1715年9月1号),法国波旁王朝个国王,也是法国历史浪在位顶久个国王,伊个爸爸是法国国王路易十三。立在伊登基开始阶段,爆发贵族反对伊个投石党暴乱。伊从1643年开始一直统治到1715年。伊当国王个辰光,法国个集权搭中央化达到空前水准,远超其他欧洲国家。伊掌控一切个力道,也搭交关内亚帝王一个水平。为达到称霸欧洲个目的,伊经常向周边国家开战并进行侵略殖民。阿尔萨斯就是立在伊当国王当中吞并个。同时,伊还欢喜指导艺术,偏好世俗化繁琐趣味,是巴洛克搭古典主义个吹捧赞助人物。为彰显自家个权势并架空地方贵族,伊修造凡尔赛宫,并强迫贵族迁居到凡尔赛。一般路易十四畀认为是绝对君权个代表人物。
虚荣
[编辑]路易十四有邪气强个虚荣心,年轻辰光就自称是太阳王,拿太阳个标示装饰到伊用品搭建筑个各个方面。1680年,又指示巴黎市议会,拿伊称颂为大帝。所以,立在17世纪晏末阶段,法国人侪用路易大帝称呼伊。
芭蕾
[编辑]路易十四邪气欢喜跳舞,自家年轻辰光也经常立在宫廷里身着华丽服装进行舞蹈。伊也是芭蕾舞个重要推动人物之一。
时尚
[编辑]击败西班牙之后,法国夺取欧陆霸权,同时,也拿自家个流行推广到欧陆各个国家,个当中,路易十四个品味起到深远影响。比方讲,戴假发个传统,就是伊开始发扬光大个。(因为伊中年以后是个秃头,所以用假发掩盖)。