海

葡萄牙錫尼什附近波濤洶湧个海面。

海洋對人類發展搭貿易交關重要，比如全球最繁忙个轉口港新加坡。

中國个珠江三角洲有着世界上最繁忙个幾個港口，海洋拉人類个發展搭貿易中扮演了極其重要个角色

海（上海閒話吳語學堂拼音：he⁵）是由大量鹹水組成个水體，渠受陸地全部或局部地圍繞。廣義上个海則是指由地球海洋鹹水水域組成个互聯繫統，一般拿渠看待為一整个世界大洋，或是由幾個分開个大洋組合而成。大海對地球个氣候起到緩衝作用，且拉水循環、 碳循環，搭子氮循環中扮演着重要个角色。雖然人類從史前時代就開始拉大海中旅行並探索未知个海域，弗過現代海洋學研究從19世紀70年代英國个挑戰者號遠徵才開始。一般而言，渠最多分為五個大洋，當中包含國際航道測量組織个四個指定大洋（大西洋、太平洋、印度洋，搭北冰洋），搭子南冰洋；較小个次要海區，比如地中海，則一般以「海」命名。托大洋相比，海並沒獨立个潮汐搭子海流。

由於大陸漂移，北半球現在个陸地搭海洋之間个比例較為平均（約為2：3），但南半球絕大多數个地方儕受海洋所覆蓋（1：4.7）。開放水域个鹽度（鹽類物質个質量）則一般拉3.5％左右，儘管此一數值可在較為接近內陸个水域、大河口附近，搭子深海中發生更大个變化。開放水域个溶解物質中，以氯化鈉為最多，約占全部溶解物質个85％。由於海洋中各區域鹽分搭溫度有差異，因而產生溫鹽環流。海流个形成歸因於受風搭潮汐蘊藏个能量所推動个海浪，局部海平面个變化則是因月球搭太陽个引力所致：箇些个方向儕會受到地球表面搭海底个大陸塊，搭子地球个自轉（科里奧利力）所影響。

陸地向海平面下延伸形成大陸架，為海洋接近陸地个淺海區域，大陸架海域富含養分，為多樣海洋生物个棲息地，並供給人類大量食物—主要為魚類，並有甲殼類水生動物、海洋哺乳動物搭海藻—透過野生捕撈搭水產養殖獲取。大型熱帶珊瑚礁个生物多樣性相當高，深海海域捕鯨業曾相當發達，隨着鯨个數量大幅減少促使國際上簽署條約限制捕撈，國際捕鯨委員會拉1986年起禁止大多數商業捕撈。海洋中个生物並非僅生長拉陽光照射到个水域，即使拉海底深處，壓力交關大个超深淵帶也有生物，渠个營養來源來自深海熱泉，形成獨特个生態系統，箇類生物叫作嗜極生物。拉無生源論中，生命起源可能是來是海洋，海洋微生物墊符合地球大氣个大氧化事件，而動物搭植物个起源也儕來自海上。

海洋對人類貿易、旅遊、礦物開採、能源生產等方面儕相當重要，亦為戰爭个場域。垃拉海岸个城市可能受地震或火山活動造成个海嘯影響，熱帶海域為熱帶氣旋、颱風搭氣旋个活躍區域。海洋對於人類文化產生重要影響，從早期神話里个水神到荷馬史詩，再到哥倫布大交換引發个巨大轉變，從海葬到松尾芭蕉个俳句再到超現實主義个海洋藝術；搭子《蘇格蘭个牢騷》中船夫號子激勵人心个音樂到尼古拉·安德烈耶維奇·里姆斯基-科薩科夫个《舍赫拉查達》再到張惠妹个《聽海》。海上个休閒活動包括游泳、潛水、衝浪搭帆船運動等。但隨着人口增加、工業化搭精耕細作造成今朝个海洋污染，海洋因吸收大氣中增加个二氧化碳，導致PH值下降，即海洋酸化；海洋資源共享造成過度捕魚个問題仍拉增加。