九龙半岛
九龙半岛是香港市区一只向南延伸个半岛，三面畀维多利亚港包围。原本半岛大部份侪是山地，不过经过百多年个填海，乃歇海边侪是平地。半岛以界限街为分界，即是根据由宋皇台到深水埗搭仔大角嘴半岛交界拉一条直线做分界。
历史
[编辑]大清因为打弗过英国，1860年就割仔九龙半岛畀英国，就畀界限街分开成两部份，北面是大清个九龙，以九龙砦城为中心；南面个九龙半岛是英治九龙，英国就立法担半岛伊部份叫成功九龙（Kowloon）。后首来，1898年英国又趁法国租广州湾，以安全为由问大清租仔新界，乃末九龙又可以并垃一淘。新得个九龙部份，法律丄就讴新九龙（New Kowloon）。不过无论九龙搭新九龙，行政上都当是九龙市区，老少会分开来讲。
地理
[编辑]九龙半岛，弗计填地，都是丘陵咾啥。南面是尖沙嘴，个尖指向香港岛。东南有红磡湾，东面是九龙湾，西面就由尖沙嘴到旺角嘴像煞一条较为直个海岸。未填之前，西北面大角嘴是一个搭九龙半岛平行个小半岛。