Poye
Loukîz a : «poytreye (discramiaedje)»
Li poye et l' cok, c' est ene sôre d' oujhea ki n' vole nén foirt lontins. Il a stî aclevé pol prumî côp e l' Azeye nonnrece do costé do Pakistan, di l' Inde u do Vietnam diviè li 10inme meynaire divant Djezu-Cri.[1]
Sincieus no d' l' indje : Gallus gallus
Nombe
[candjî | candjî l’ côde wiki]Les poyes (avou les polets d' poytreye), c' est l' biesse k' i gn a l' pus sol Daegne (a pô près 19 miyårds e 2011).
Motlî
[candjî | candjî l’ côde wiki]![](http://upload.wikimedia.org/wikipedia/commons/thumb/e/eb/O%C3%BB_d%27_poyete_%28droete%29.jpg/220px-O%C3%BB_d%27_poyete_%28droete%29.jpg)
Li frumele si lome ene poye (on dit eto : ene glene) et l' måye on cok. Ene poye ki cove si lome ene covresse. Les djonnes si lomnut poyons. On djonne cok si lome on cokea. Ene djonne poye si lome ene poyete.
Les poyes sont-st aclevêyes dins des poyîs (dirî les måjhones) u des poytreyes (pus grands bastimints). Li ci k' endè tént bråmint si lome on poytî. Les poyons ki crexhnut ladvins divnèt des polets so moens di deus moes.
Ene boune poye pond èn oû tos les djoûs, mins purade cwand les djoûs crexhnut. E-n ivier, ele pout wayimer.
Dins l' elvaedje modiene des poyes (li poytreye), tchaeke sore di produccion est aclevêye a pårt. Dabôrd i gn a :
- les cinses grand-parintreces avou leu-z acovoe
- les cinses parintreces avou leu-z acovoe
- les poytreyes di poyes poneuses
- les poytreyes di polets
Produts et sôres d' aclevaedje
[candjî | candjî l’ côde wiki]- pol tchå
- po les oûs
- di poye ponresse (oûs d' poytreye)
- poye di poyî (oûs d' cinse)
- mere ås poyons (poye parintrece) avou les coks, et k' les oûs sont acovés.
Raeces di poyes
[candjî | candjî l’ côde wiki]- li poye årdinwesse (raece di l' Årdene et des Årdenes francesses)
- li poye arawcane (raece vinant do Tchili ki pond des bleus oûs)
- li poye di Maranse (raece francesse)
Maladeyes des poyes
[candjî | candjî l’ côde wiki]Loukîz a : Pådje tote seule