Metingues di rclamaedjes å Marok (2011)
Les metingues di rclamaedjes å Marok e 2011, c' est les metingues k' ont shuvou li prétins arabe dins mo des payis di cisse contrêye la e 2011.
Il ont-st ataké li 20 di fevrî pa des rotaedjes dins bråmint des veyes k' estént houkîs pa çou k' on va lomer bénrade li mouvmint do 20 di fevrî.
Les metingues seront ricmincîs on côp par moes, li dimegne diviè l' 20. Pu pus sovint. Li 8 di may, gn ava des rotaedjes divins dipus d' cint veyes et borks.
Response di l' estat
[candjî | candjî l’ côde wiki]Divant l' referandom sol mwaisse lwè
[candjî | candjî l’ côde wiki]Li 9 di måss, li rwè Mohamed VI anonce k' i va rifôrmer li mwaisse lwè. Mins li comission metowe po çoula est relîte emey les djins di l' estat lu-minme. Les 31 pårtis politikes, ki n' ont nén sotnou les metingues di rclamaedje, atåvlèt des idêyes, mins foirt mwinres eneviè çou ki les cis (cenes) do mouvmint do 20 di fevrî vôrént bén.
Les policîs ni diront rén å cminçmint (såf po les broye-tot ki s' vinèt maxhî ås påjhûles roteus). Mins a cmincî do 15 di may (rotaedje eviè l' sicrete prijhon di Temara, ribouté del police), les foices especiåles vénront a tchaeke côp ataker les metingueus. E sayî di reclôre les moenneus. I touwît ene djin a Asfi. Mins docô après, li police ridivna påjhire.
Referandom sol mwaisse lwè
[candjî | candjî l’ côde wiki]![](http://upload.wikimedia.org/wikipedia/commons/thumb/9/92/Afitche_referindom_Marok-rac.jpg/220px-Afitche_referindom_Marok-rac.jpg)
Li mwaisse lwè fourit rcandjeye pa ene troke di djurisses lomés på rwè. I schoûtît les dmandes di bråmint des pårtis et di SNR. Po foirdjî ene nouve mwaisse lwè avou sacwants avanceyes, sol papî, todi. Mins les povwers do rwè n' î ont nén discrexhou d' ene faflote.
Li referandom sol mwaisse do 1î d' djulete 2011 lwè a stî shuvou oficirmint pa 73 åcint des vôteus k' ont vôté 98,5 "oyi". Mins tot l' aparey di l' estat esteut enondé po fé vôter "åy" et fé monter li porcintaedje di vôteus. Tolminme, li mouvmint do 20 fevrî a yeu l' droet di fé des metingues tocosté, sins esse margougnî.
Albom d' imådjes
[candjî | candjî l’ côde wiki]-
Metingue di Sidi Smayil (Douccala)
-
Les rotaedjes sont otorijhîs si on n' aduze nén li rwè
-
Banires avou on verset d' Alcoran
-
Banires po dmander des contes å mayeur
-
Metingue a Cazablanca li 15 di may
-
Metingue li 5 di djun
Hårdêyes difoûtrinnes
[candjî | candjî l’ côde wiki]- Bate di dvizes sol prétins arabe å Marok (so "Berdelaedjes")
- Waibe do mouvmint do 20 di fevrî (e francès, inglès ey arabe)