Aite
![](http://upload.wikimedia.org/wikipedia/commons/thumb/0/0a/Aite_et_eglijhe_Transene.jpg/220px-Aite_et_eglijhe_Transene.jpg)
Ene aite u ene cimintire, c' est ene plaece la k' on etere les moirts, et lezî fé fé ene tombe.
El Walonreye, on-z etertént les çmintires bråmint pol Tossint et l' djoû des åmes.
Davance, on-z î aléve eto après l' messe des moirts, li londi del dicåce.
Les mots "aite" et "çmintire" si rtrovèt dins sacwantès plaeces del Walonreye."
Les çmintires, dins les diferinnès rlidjons
[candjî | candjî l’ côde wiki]cimintires crustinnes
[candjî | candjî l’ côde wiki]Dins les aites des crustins, gn a sovint des tombes avou des croes. Pacô, c' est des croes totes seules. Les djins k' ont des parints vont fé les tombes a tinzayeure. Pol moens, al Tossint. Dispu les anêyes 2000, les tombes des djins ki n' ont pupont d' parints sont etertinowes pa des ovrîs del comene.
Les tombes sont tertoes å pus beles, et mostrèt li ritchesse del famile. A costé des simpès tombes gn a eto des cavos. Insi, on pout eterer sacwants djins ene so l' ôte.
Dins les aites militaires, totes les croes sont les minmes. Gn a eto des cmonès fosses, la k' on-z a eteré des sôdårs ki n' estént nén ricnoxhåves.
-
Cimintire militaire di Luchi (Bietris).
-
Tombes del cogne di simpès croes d' fier a Fize-li-Mårsale.
-
Waxhea à l' intrêye do cimintîre.
-
Cavos onk so l' ôte, e l' aite do Banbwès.
-
Ene des deus intrêyes di l' aite d' El Dochriye.
cimintires muzulmandes
[candjî | candjî l’ côde wiki]![](http://upload.wikimedia.org/wikipedia/commons/thumb/a/ad/Zawiya_tombes.jpg/220px-Zawiya_tombes.jpg)
Les çmintires muzulmandes, å Marok, todi, ni sont nén rnetyîs. Les tombes sont des simpès pires avou on scrijhaedje dissu. Ele sont foirt sitroetes : nén dpus d' on dmey mete, et a pô près tertotes les minmes. On n' etere nén deus djins al minme plaece.