Albrecht Dürer
![]() | |
---|---|
Moted: | 21 mayul 1471 Nürnberg |
Deadam: | 6 prilul 1528 Nürnberg |
Lifatopam: | Venezia, Nürnberg |
Cal(s): | hipänan[*], printmaker[*], himatematan[*], illuminator[*], copper engraver[*], art theorist[*], däsinan[*], himagodan[*], graphic artist[*], exlibrist[*], visual artist[*] |
Tatät(s): | Duchy of Bavaria[*] |
Matan(s): | Agnes Dürer[*] |
Pal(s): | Albrecht Dürer the Elder[*], Barbara Dürer[*] |
Gem(s): | Hans Dürer the Younger[*], Endres Dürer[*] |
Hiel Albrecht Dürer (pronimag: ['al.bʀɛçt 'dy.ʀɐ]; 1471 mayul 21 - 1528 prilul 6) äbinom pänan ä matematan Deutänik. Pämotom ed ädeadom in Nürnberg (Deutän), e sevädom ledino as balan jafanas gretikün gavotas, kobü hiels Rembrandt e Goya. Gavots onik suvo äfomons sökodi, soäs samo el Paokalüp (1498) e sökods tel dö lügadramat Kristusa: el Lügadramat Gretik (1498-1510) ed el Lügadramat Smalik (1510-1511). Gavots sevädikün ela Dürer binons el Monitan, Dead e Diab (1513), el Salüdan: Yeronimus in studacem okik (1514) ed el Melencolia I (= Glumaladäl I; 1514). El Melencolia I ebinon yegäd diletamas e spekulamas mödikas. Magods famikün oma binons ba boadagavots omik: el Monitans Fol Paokalüpa (1497-1498) se sökod: Paokalüp, el Rinoserod e okpöträts mödik me leül. El Dürer luveratiko no äkötom boadagavotis lönik oka, ab ävobükom gavani skilik, kel äkopiedom fiedo däsinotis omik.[1] Äpänom vobotis relik mödik me leül, äsi vatakölapänotis e däsinotis klilakölikis, kels medü kopieds nutimik ba evedons anu vobots sevädikün oma.
Gavots omik ägivons ome benorepüti da Yurop, ven älabom bäldoti yelas za teldegas, e pelelogom siso as lekanan gretikün Dönuliföfikama in Nolüda-Yurop. Vob omik ämagon lani paokalüpik timäda omik, kü faemaditret, maläds e volüts sogädik e bolitiks äbinons kösömiks. Älabom kesenäli kol vob reformatik hiela Martin Luther, kel pos deadam ela Dürer äpenom flene votik: „Löf büedon lügodön obis demü utan, kel äbinon gudikünan.“
![](http://upload.wikimedia.org/wikipedia/commons/thumb/8/8e/Duerer_-_Ritter%2C_Tod_und_Teufel_%28Der_Reuther%29.jpg/200px-Duerer_-_Ritter%2C_Tod_und_Teufel_%28Der_Reuther%29.jpg)
![](http://upload.wikimedia.org/wikipedia/commons/thumb/1/18/D%C3%BCrer_Melancholia_I.jpg/200px-D%C3%BCrer_Melancholia_I.jpg)
![](http://upload.wikimedia.org/wikipedia/commons/thumb/2/29/Durer_Revelation_Four_Riders.jpg/200px-Durer_Revelation_Four_Riders.jpg)
![](http://upload.wikimedia.org/wikipedia/commons/thumb/0/02/D%C3%BCrer_rhino_full.png/300px-D%C3%BCrer_rhino_full.png)
Literat
[redakön • redakön fonäti]- ↑ Bartrum, Giulia. 2002. Albrecht Dürer and his legacy. British Museum Press. ISBN 0-7141-2633-0.