Vol
Vol (malat: .svg){kind=small}
) kanon sinifön domeni bespika, ab i dinis anik votik:
Tops
[redakön • redakön fonäti]Vol suvo pagebon as leigasinifavöd tala, pato ven papenon me primatonat gretik. Semikna pagebon as leigasinifavöd planeta; as sam, Mard e Yupitär binons vols tel ninü solasit. Semikna pagebon ad sinifön levali. Nutimo geb at binon neplu suvik, bi nol lespada binon komunik; too vöd nog pagebon lufümiko in siäm at ("lölik vol veitik").
Siäms votik
[redakön • redakön fonäti]Vol kanon pagebön in siäm neplu voik; as sam, ven bepenoy menis tel kels labons nemödi kobädik, kanoy sagön das "lifons in vols difik tel." Ven sagoy "fin vola," kösömiko viloy sagön, "fin vala kel binon lesevädik obe."
In siäm relik, in krit, vol sinifon volaleodi efalöl e rübiki soga menik plödü lekredanefa. Vol suvo pasaiton kobü mid e diab as fon blufoda keli kritans sötons vitön.
Vol kanon sinifön i züädi magälodik; as sam, voli ela Stelatäv u voli ela Söl Linas. Logolös Reigän magälodik.
Vol Balid, Vol Telid, Vol Kilid
[redakön • redakön fonäti]Notods Vol Balid, Vol Telid, e Vol Kilid pagebons ad dilön voli ini klads valemik kil. Rigiko Vol Balid äsinifon sogis katädimik, Vol Telid sogis kobädimik me disinakonöm pezänädöl, e Vol Kilid reti vola, ledino daglofanetis pestaböl su sits tribütik.
In frem Kriga Koldik:
- Vol Balid sinifon netis ninü flunaziläk Tatas-Pebalöl: as sam, länis Nolüda-Meropik e Vesüda-Yuropik ela NATO, Yapäni, e läxkolunänis anik Greta-Britäna, äsä Laustraläni, Nula-Seleänis, e Sulüdafrikäni.
- Vol Telid sinifon netis ninü flunaziläk Sovyätabalatama, as sam länis Baläda ela Warszawa. Plä Sovyätabalatam it, Lofüda-Yurop muik päguvon fa munädareiganefs kevoböl nilo ko Moskva. Notod at mögon u no mögon sinifön i länis kobädimik kelas duganef no äbaivögon ko Moskva: as sam, Tjinäni e Sulüda-Slaväni.
- Vol Kilid sinifon netis ninü flunaziläk nonik. Pos Volakrig Telid, Vol Balid e Vol Telid äkomipons ad stäänükön flunaziläkis oksik jü Vol Kilid. Milits e nunadüns Tatas-Pebalöl e Sovyätabalatama ävobons e kläno e maifo ad flunön reiganefis Vola Kilid, ko sek migik.
Sis fail Sovyätabalatama ün 1993 e modonikam kobädima leninimik, notod "Vol Telid" no plu pagebon, do "Vol Kilid" nog valemo pagebon. Läns kobädimik retik u ävedons plu edekötöl de volakonöm, as sam Nolüda-Koreyän e Kubeän, u äprimons ad ziläkön suemodis katädimik somik äs privatadunikami ini sogs oksik, e ad smitön tedatanis nulik me konöms plödik katädimik, as sam Vietnamän e Tjinän.