Wolfgang Amadeus Mozart
![](http://upload.wikimedia.org/wikipedia/commons/thumb/1/1e/Wolfgang-amadeus-mozart_1.jpg/220px-Wolfgang-amadeus-mozart_1.jpg)
![](http://upload.wikimedia.org/wikipedia/commons/thumb/e/ed/Louis_Carrogis_dit_Carmontelle_-_Portrait_de_Wolfgang_Amadeus_Mozart_%28Salzbourg%2C_1756-Vienne%2C_1791%29_jouant_%C3%A0_Paris_avec_son_p%C3%A8re_Jean..._-_Google_Art_Project.jpg/220px-thumbnail.jpg)
Wolfgang Amadeus Mozart (Salzburg, 27 januoari 1756 – Weenn, 5 december 1791), doopnoame Joannes Chrysostomus Wolfgangus Theophilus Mozart, was e compositeur, pianist, violist en dirigent ofkomstig van Salzburg (Heilig Rooms Ryk). Je bloenk uyt in iedere muziekvorm van zyn tyd, lyk opera, symfonie, pianoconcert en koamermuzyk. Zyn werk wordt gereek'nd toet de muzyk van de klassieke periode.
Mozart wierd geboorn ols zeevnste en latste kynd van compositeur en violist Johann Georg Leopold Mozart en Anna Maria Pertl. Vuyve van d' andere zes joengers woarn gestorvn, alleine zyn zuster Maria Anna, "Nannerl", leefde nog.
Mozart was e woenderkynd die ip styf joenge leeftyd viole, klavecimbel en orgel speelde. Je composeerde kwalitatief werk vanof zyn vuyf joar en je trad ip vor Europeesche royalty. In juni 1763 begost de familie Mozart (voader Leopold, Nannerl en Wolfgang) an e grand tour deur Europa, die meir of drie joar zoe deurn.
Wolfgang Amadeus Mozart composeerde meir of 600 werk'n en je wordt anzien lyk ein van de grotste klassieke compositeurs aller tyd'n. Zyn invloewd ip de westersche muzyk is styf growt.
Bekende werk'n
[bewerkn | brontekst bewerken]- Pianosonate nr. 11 in A majeur - KV 331
- Le Nozze di Figaro - KV 492
- Serenade Eine Kleine Nachtmusik - KV 525
- Symfonie no. 40 - KV 550
- Symfonie no. 41 in C majeur - KV 551 (Jupitersymfonie)
- Ave verum corpus - KV 618
- Klarinetconcert in A majeur - KV 622
- Requiem in d-mineur - KV 626