Oopnboar vervoer
Oopnboar vervoer is persôonsvervoer dat oopnboar toeganklik is. Iederêen die wil, meugt er gebruuk va moakn. De vervoerders kunn de passagiers nie weigern under mee te pakkn os ze de tarief betoaln, dit in tegenstellienge me particuliern.
West-Vloandern
[bewerkn | brontekst bewerken]![](http://upload.wikimedia.org/wikipedia/commons/thumb/5/5f/Kusttram.jpg/220px-Kusttram.jpg)
In West-Vloandern zorgt De Lijn voa d'autobuusdienstn en de kusttram. 'n NMBS zorgt vo de tringdienstn. In diverse grôte steedn ryen d'r ôok stadsbussn. Da zyn bussn van 't oopnboar vervoer die allêne mo in de steedn ryen en der nie buutn. Vôorbeeldn in West-Vloandern: Brugge, Kortryk, Roeseloare, Ostende. De kusttram rydt langs hêel de Belgsche kust. Noamelik van Knokke tot e met De Panne.
Vloandern
[bewerkn | brontekst bewerken]Juste lik in West-Vloandern zorgt De Lijn voa d'autobuusdienstn en de trams. 'n NMBS zorgt ôok voa de trings. Buutn West-Vloandern ryen der nog trams in Gent en Antwerpn. In Gent reën der vroeger ôok trolleybuusn. Da zyn autobuusn die up eletric ryen. Ze krygen under strôom via een boovnleidienge. In Antwerpn rydt er ôok nog nen premetro. Da zyn in feite de tramlynn die up sommigste plekkn ounder de ground ryen, bevôorbeeld ounder de Meir.
Wallonië
[bewerkn | brontekst bewerken]In Wallonië zorgt de TEC voa d'autobuusdienstn en tramdienstn. D'r ryen allêne moa trams in Charleroi. In 't centrum van Charleroi ryen ze just lik in Antwerpen ounder de ground. Da wordt doa Metro léger genoemd. Z'in van de acht geplande lynn moa drie gebouwd woavan dat er slechts een anderhalve lyne van gebrukt weirdt. Ze stoat dus ôok up de lyste van travaux inutiles. Juste lik de 2,5 km lange metrotunnele in Luuk die nôois is gebruukt. In Spa is de TEC bezig met de bouw van en kabeltring. In Wallonië is den NMBS verantwôordelik vô de trings ('t noemt doa wel de SNCB, Société Nationale des Chemins de Fer Belges). Momenteel zyn ze bezig met de bouw van een grôte HST stoasje in Luuk (Liège Guillemins).
Brussel
[bewerkn | brontekst bewerken]![](http://upload.wikimedia.org/wikipedia/commons/thumb/8/8a/Clp_20030612_Tw_209_Rogier.jpg/220px-Clp_20030612_Tw_209_Rogier.jpg)
In Brussel zorgt den MIVB ôofdzoakelik vôo et openboar vervoer. Ze exploiteren ottobuusn, trams en metro's. Ze zyn momenteel bezig met ed erschildern van de buusn en trams in andere kleurn.