Lombardeye
![]() Lombardia | |
---|---|
![]() |
![]() |
![]() Liggienge van Lombardeye in Itoalië | |
Hoofdstad | Milaan |
Ippervlak | 23.863,65 km² |
Inweuners | 10.049.103 (2018) 421,11 inw./km² |
President | Attilio Fontana (LN) |
Provinsjes | 11 + 1 metropolitane stad |
Gemêentn | 1508 |
Website | regione.lombardia.it |
{{{foto}}} {{{byschrift}}} |
Lombardeye (Italioans: Lombardia, Lombardisch: Lumbardia, van de stamme de Longobardn) is e regio in Nôord-Italië. D'n ôofdstad van Lombardeye is Milaan.
De regio strekt hem uut van de Centrale Alpn in 't nôordn toet de riviere de Po in 't zuudn. In 't westen wordt Lombardeye begrensd deur 't meer Lago Maggiore en de riviere Ticino, in 't ôostn deur 't Gardameer en de riviere de Mincio. Lombardeye grenst (met de klokke mee) an Zwitserland (mêer bepoald de kantongs Ticino en Graubünden), en an d'Italioansche regio's Trentino-Zuud-Tirol, Veneto, Emilia-Romagna en Piemonte.
Qua grotte stoat de regio ip de vierde plekke, achter Sicilië, Piemonte en Sardinië. Van de 1000 Italioann weunn der 157 in Lombardeye, 16% van de totale nationale bevolkienge.
Administratieve indêelienge
[bewerkn | brontekst bewerken]De regio Lombardeye es ingedêeld in 11 provinsjes en 1 metropolitoane stad:
![](http://upload.wikimedia.org/wikipedia/commons/thumb/d/d2/Map_of_region_of_Lombardy%2C_Italy%2C_with_provinces-it.svg/280px-Map_of_region_of_Lombardy%2C_Italy%2C_with_provinces-it.svg.png)
Provinsje | Ofkortienge | Hoofdstad | Belangryke plekkn |
---|---|---|---|
Bergamo | BG | Bergamo | Treviglio, Dalmine |
Brescia | BS | Brescia | Desenzano del Garda |
Como | CO | Como | Cantù, Erba |
Cremona | CR | Cremona | Crema |
Lecco | LC | Lecco | Bellano, Merate |
Lodi | LO | Lodi | |
Mantua | MN | Mantua | Sabbioneta |
Milaan (metropolitane stad) | MI | Milaan | Sesto San Giovanni, Rho, Legnano |
Monza e Brianza | MB | Monza | Seregno |
Pavia | PV | Pavia | Vigevano, Voghera, Mortara |
Sondrio | SO | Sondrio | Chiavenna, Tirano |
Varese | VA | Varese | Busto Arsizio, Saronno, Gallarate |
Culteure
[bewerkn | brontekst bewerken]Der stoan acht plekkn, hêelegans of gedêeltelyk in Lombardeye, ip de lyste van UNESCO Weirelderfgoed:
- Monte San Giorgio, belangryke viendplekke van fossieln an 't meer van Lugano ip de grenze mè Zwitserland.
- Rotstêekeniengn van Valcamonica, êen van de grotste collecsjes van prehistorische rotstêekeniengn in de weireld in de valleie Valcamonica in de provinsje Brescia.
- Prehistorische poalhuuzn in d' Alpn, met 111 individuele objectn in Frankryk, Zwitserland, Italië, Duutsland, Ôostnryk en Slovenië, woarvan tiene in Lombardeye.
- Longobardn in Italië. Plekkn van macht (568-774 achter Christus). 't Bestoat uut zeevn gebouwcomplexn. Al de bouwwerkn zyn deur 't Germoans volk de Longobardn gebouwd in de periode tusschn 568 en 774.
- De Santa Maria delle Grazie in Milaan, e kerke met e Dominicoans klôoster, ook bekend vo ’t fresco 't Latste Avondmaal (Ultima Cena) van Leonardo da Vinci in de refter (Cenacolo) van 't klôoster.
- D'Heilige bergn (Sacri Monti) van Piemonte en Lombardeye, verschillige bedevoartplekkn woarvan 9 erkend.
- Crespi d'Adda, e plekke in de gemêente Capriate San Gervasio, provinsje Bergamo, gebouwd vanof 1877 ols modeldorp vor arbeiders.
- De Berninalyne, een yzerweg die Sankt Moritz in Zwitserland verbiendt mè Tirano in Lombardeye.
![]() |
Ofbeeldiengn die ier by passn ku je vien in de categorie Lombardy van Wikimedia Commons. |
{{{ofb_links}}} | Regio's van Itoalië | ![]() |
{{{ofb_groot}}} |
---|---|---|---|
Abruzzo • Apulië • Basilicata • Calabrië • Campanië • Emilia-Romagna • Friuli-Venezia Giulia • Lazio • Ligurië • Lombardeye • Marche • Molise • Piëmonte • Sardinië • Sicilië • Toscane • Trentino-Zuud-Tirol • Umbrië • Valle d'Aosta • Veneto |