![](http://upload.wikimedia.org/wikipedia/commons/thumb/2/2f/Google_2015_logo.svg/220px-Google_2015_logo.svg.png)
Google es 'n Amerikoansche firma, surtout gekend van zyn zoekmachien voo bloadn te zoekn op 't internet. Dat algoritme is in 1998 ountwikkeld deur twêe gastn van de Stanford University (Amerika): Larry Page en Sergey Brin. Under zoekmachien gift ieder website een PageRank die gebasêrd is up 't antol andere sites die noa de website verwyzn. Vandoage den dag eit Google zyn activiteitn ol styf uutgebreid en is êen van de grotste bedryvn ter weireld gekommn:
- Google Earth: groatis 3D-model van ouze weireld
- Google Adsense en Google Adwords: reclameboodschappn platsn (grotste brounne van inkomstn vo Google)
- Google Calender: groatis kalender
- Gmail: groatis emaildienst met ne mailbox van mêer of 7 GB
- Google Analytics: groatis statistiekn vo websites
- Google Video: tegenhanger van Youtube
- Google Maps: Koartn van hêel de wêreld me meugelikheid vo routebescrivingn te moakn
- Google Chrome: en internet browser (gelik Internet Explorer en Firefox)
- Google Translater: programma da tekstn vertoald
- Google News: programma da verschillende nieuws sites scant achter nieuwkes, bestoat ôok in 't Nederlands
- ...
![](http://upload.wikimedia.org/wikipedia/vls/thumb/c/cc/Hoehel.png/220px-Hoehel.png)
Toch is 't imago van Google, in tegenstellienge tot da van Microsoft, nog olsan da van een sympatiek, joeng bedryf. Misschien is da omdat under informêel motto is Don't be evil (doe gin kwoad). 't Bedryf is oal zo ryke dat et oal Youtube en verschillnde andre bedryvn êd overgepakt. Ze briedn ôok underne markt vrêe uut. Nu ên ze zelvs ol een altirnatief vo Microsoft's Messenger en Microsoft Office.
Van de zoekmachien est er ôok e West-Vlamsche versie,[1] woavan dat de noame geschreven wordt lik da ze da in 't West-Vlams uutspreekn: Hoehel.
Referensjes
[bewerkn | brontekst bewerken]Externe koppeliengn
[bewerkn | brontekst bewerken]![]() |
Ofbeeldiengn die ier by passn ku je vien in de categorie Google van Wikimedia Commons. |