Euro
![](http://upload.wikimedia.org/wikipedia/commons/thumb/8/8f/Euro_symbol.svg/100px-Euro_symbol.svg.png)
![](http://upload.wikimedia.org/wikipedia/commons/thumb/7/7f/European_union_emu_map_en.png/220px-European_union_emu_map_en.png)
![](http://upload.wikimedia.org/wikipedia/commons/thumb/6/65/Euro_coins_and_banknotes.jpg/220px-Euro_coins_and_banknotes.jpg)
Den euro (symbool: €, ISO-code: EUR) is de munte van d' Europeesche Economische en Monetaire Unie en wordt gebruukt deur achttien lidstoatn van d' Europeesche Unie die d' Eurozone vormn:
- België
- Cyprus
- Duutsland
- Estland
- Finland
- Grieknland
- Holland
- Ierland
- Italië
- Krowoasje
- Letland
- Litouwn
- Luxemburg
- Malta
- Ôostnryk
- Portugal
- Slovakeye
- Slovenië
- Spanje
- Vrankryk
In 1992 wierd er in Maastricht beslist van den euro in te voern. De weirde van 1 euro zou gelykig zyn an 1 ECU (European Currency Unit). Vanof 1 januoari 1999 wierdn de koersn van andêeln en obligoasjes ip de beurze in euro weregegeevn. De bankbrieftjes en klutters kwoamn den 1ste januoari 2002 in circuloasje in 12 landn van d' Europeesche Unie, ook in Monaco, San Marino en Vaticoanstad. 't Was de grotste omwisseliengsoperoasje aller tydn.
Euromuntn en bankbrieftjes
[bewerkn | brontekst bewerken]Den euro is ounderverdêeld in 100 cent.
Der zyn euromuntn in acht verschillige weirdn: 1, 2, 5, 10, 20 en 50 cent, en €1 en €2. Êen kant van iedere munte, de gemêenschappelikke kant, is vor al de landn gelykig en is ountworpn deur Luc Luycx van de Koninklijke Munt van België. De weirde stoat er ip met e koarte van Europa ip den achterground. Den andere kant, de nationale kant, toogt e thema die specifiek is vor ieder ofzounderlik land, me 12 sterr'n van d' Europeesche Unie der round.
Der zyn zeevn bankbrieftjes: €5, €10, €20, €50, €100, €200 en €500 die ountworpn zyn deur den Ôostnryker Robert Kalina. Ieder brieftje verschilt in ofmetienge en in kleur en is gewyd an en artistieke periode van d' Europeesche architecteure. Ip de vôorkant stoan veisters en pôortn die de gêest van oopnheid en soamnwerkienge in Europa symboliseern. Ip den achterkant stoan brugg'n die symbool stoan vo de communicoasje tusschn de menschn in Europa en tusschn Europa en de reste van de weireld.
Externe koppelienge
[bewerkn | brontekst bewerken]![]() |
Ofbeeldiengn die ier by passn ku je vien in de categorie Euro van Wikimedia Commons. |