Cornelius Nepos
![](http://upload.wikimedia.org/wikipedia/commons/thumb/a/a3/Cornelio_Nepote.jpg/220px-Cornelio_Nepote.jpg)
Cornelius Nepos (Pavia ± 100 v.Chr. - ± 25 v.Chr.) was nen Latynschn schryver uut den êesten êeuw vôorn Christus.
Biografie
[bewerkn | brontekst bewerken]In 't grôotste dêel van zyn leevn bluuft'n in Rome, woar dat'n goe gekend was mé Catullus en Atticus. Je was ôok bekend mé Marcus Tullius Cicero, moa 't is nie echt tot e goein band gekommn tussn die twêe. Nepos è nie vele ounder de minschn gekommn, want je moeste te vele schryvn.
Werkn
[bewerkn | brontekst bewerken]Je was nen historicus en den schryver van den Chronica, nen chronologischn weireldgeschiedenisse, woarover da Catullus vele goei dingn èt gezeid. Moa van den Chronica schiet er nie vele meer over. Zyn mêest bekende werk is De viris illustribus en da is nen omvangryke verzoamelinge mé biografieën van beroemde mann gelik keuningn, politici, generoals en dichters uut den Romeinschn en niet-Romeinschn (surtout Grieksche) geschiedenisse. Van 't werk is allêne 't dêel van de niet-Romeinsche bevelebbers bewoard gebleevn en ôok de biografie van zyn vriend Atticus en van Cato de Oude.
Literaire betekenisse
[bewerkn | brontekst bewerken]Nepos was nie gelêerd en je was ôok nie creatief. Der zaten vele foutn in zyn werk. Ma zyn bedoelinge was om zyn lezers een goed veroal te geevn. Z'n werkn zyn, buutn den diene van Atticus, dus van nie veel historische weirde, moa ze woarn toch vo lange de mêest gebruukte boekn vo 't schole.