Tambovan agj
| |||||
![]() | |||||
Pälidn | Tambov | ||||
Pind - Ühtes |
63-nz' 34 462 km² | ||||
Eläjiden lugu - Kaik |
50-nz' 1,033,552 ristitud (2018) | ||||
Regionaline KSP - Kaik, nügüdläižiš arvoiš |
44-nz' 311,4 mlrd rub. (2016) | ||||
Federaline ümbrik | Keskuzline | ||||
Venäman ekonomine region | Keskuzliž-Mustmaine | ||||
Valdkundkel' (-keled) | venäkel' | ||||
Administracijan pämez' | Aleksandr Nikitin | ||||
Agjan Duman ezimez' | Evgenii Matuškin | ||||
Gimn | Slavižen naižen hüväšt'jätand | ||||
Avtokod | 68 | ||||
Aigvöd | UTC+3 (MSK+0) |
Tambovan agj (ven.: Тамбовская область) om Venälaižen Federacijan subjekt.
Se mülüb Federaližhe keskuzümbrikho.
Agjan administrativine keskuz da kaikiš suremb lidn om Tambov.
Keled
[vajehta | vajehtada lähtetekst]Valdkundkel' om üks'jäine, se om venäkel'.
Istorii
[vajehta | vajehtada lähtetekst]Tambovan agj om olmas vs 1937 sügüz'kun 27. päiväspäi.
Tambovan agjan Päkäskuz[1] om vahvištadud vn 1994 30. päiväl kül'mkud Agjan Duman ezitajil da om väges äiluguižidenke vajehtusidenke.
Geografijan andmused
[vajehta | vajehtada lähtetekst]![](http://upload.wikimedia.org/wikipedia/commons/thumb/4/4c/Relief-Tambovskaya.png/250px-Relief-Tambovskaya.png)
Agjal om röunoid Penzan da Saratovan agjoidenke päivnouzmas, Voronežan agjanke suves, Lipeckan agjanke päivlaskmas da Räzanin agjanke pohjoižes. Tambovan agj om mererandatoi.
Pind om 34 462 km². Agj mülüb mecan i stepin zonha, mec otab territorijan kümnendest. Mahuz om mustma. Joged mülüdas Donan (znamasižed — Matir- da Voron-joged) i Volgan (znamasine — Cnanjogi) basseinoihe.
Reljef om tazo, mugažo vanoikaz sijiči. Kaikiš korktemb čokkoim om nimetoi taho suvipäivlaskmas Tambovalpäi, Matir-jogen hural randal (219 m). Kaikiš madalamb om Cnanjogen kendäk agjan pohjoižröunal (95 m).
Klimat om ven kontinentaline. Heinkun keskmäine lämuz om +19..+20 C°, vilukun lämuz — −8..−9 C°. Paneb sadegid 450..550 mm vodes.
Londuseližed varad oma turbaz, titan, cirkonii, sauvondmaterialad, fosforitad, mineraližed mujud, mustma.
Tobmuz
[vajehta | vajehtada lähtetekst]![](http://upload.wikimedia.org/wikipedia/commons/thumb/a/a2/Tambov-oblast-government-seat.jpg/250px-Tambov-oblast-government-seat.jpg)
Tambovan agjan pämez' nimitase Administracijan pämeheks. Aleksandr Nikitin radab administracijan pämehen vs 2015 semendkun 25. päiväspäi. Hänen valdatusiden strok om viž vot. Administracijan pämez' märičeb sen strukturad da paneb sen ühtnijoid radnikusile. Kaks' Administracijan ezmäšt varapämest da kahesa Administracijan muite varapämest oma hänele abhu.
Tambovan agjan üks'kodine parlament om Agjan Dum. Se sädab ištundoid kerdan kus. Kaik rahvaz valičeb sen 50 ezitajad videks vodeks. Evgenii Matuškin radab Agjan Duman ezimeheks vs 2015 tal'vkun 10. päiväspäi.
Radonoigendai tobmuz om Tambovan agjan Administracii. Agjan ohjandused da komitetad alištudas Administracijale.
Agjan administracijan pämehen valičendad oliba vn 2015 13. päiväl sügüz'kud, nügüdläine administracijan pämez' sai vägestust ezmäižel tural (85,47%) da radab ezmäižen strokun. Agjan Duman ühtnijoiden järgenduseližed valičendad oliba vn 2016 18. päiväl sügüz'kud (6. kucund).
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe eläjiden lugu oli 1 091 994 ristitud[2]. Kaikutte koumanz' ristit videspäi om lidnalaine (2018).
Kaik om kahesa lidnad agjas da 12 lidnanvuittušt žilod. Toine järed lidn (enamba 90 tuh. ristitud) om Mičurinsk. Vl 2018 kaik om 10 eländpunktad enamba mi 10 tuh. eläjidenke.
Rahvahad (enamba 0,4% vl 2010): venälaižed — 95,0%, ukrainalaižed — 0,7%, armenijalaižed — 0,4%, čiganalaižed — 0,4%, toižed rahvahad — 1,4%, rahvahuden ozutandata — 2,1%.
Homaičendad
[vajehta | vajehtada lähtetekst]- ↑ Tambovan agjan Päkäskusen tekst. — Constitution.garant.ru. (ven.)
- ↑ Venäman kaikenaigaine ristitišt vl 2010. — Rosstat (gks.ru). (ven.)
Irdkosketused
[vajehta | vajehtada lähtetekst]- Tambovan agjan tobmuden aluzkundoiden (Administracijan da sen pämehen) informacine portal (tambov.gov.ru). (ven.)
- Tambovan agjan Duman oficialine sait (tambovoblduma.ru). (ven.)
Tambovan agjan lidnad | ||
Kirsanov | Kotovsk | Mičurinsk | Moršansk | Rasskazovo | Žerdevk | Tambov | Uvarovo | ||