Parm (lidn, Italii)
Lidnanznam![]() |
Flag![]() |
Valdkund | Italii |
Eläjiden lugu (2020) | 198,292 ristitud |
Pind | 260,77 km² |
![]() | |
Pämez' | Mikele Gerra (heinku 2022—, Michele Guerra) |
Telefonkod | +39-(0)521 |
Aigvö | tal'vel UTC+1, kezal UTC+2 |
Sil sanal voib olda toižid znamoičendoid; miše nähta niid, tulgat tänna.
![](http://upload.wikimedia.org/wikipedia/commons/thumb/2/28/Location_map_Italy_Parme.jpg/250px-Location_map_Italy_Parme.jpg)
Parm (ital.: Parma [ˈparma], sijaline pagin: Pärma [ˈpɛːʁmɐ]) om lidn da kommun Italijan pohjoižes. Mülüb Emilija-Romanj-agjaha, sen kahtenz' surtte lidn agjan Bolonj-keskusen jäl'ghe, om Parman provincijan administrativižeks keskuseks.
Istorii
[vajehta | vajehtada lähtetekst]Galline Parm-lidn kändihe Riman kolonijaks vl 183 EME i oli torguindan znamasine keskuz. Mark Antonijan sodaväged mureniba lidnad vl 44 EME, se om udessündutadud Oktavian Avgust-imperatoran aigal uden nimen sandanke (latin.: Iulia Augusta Colonia). Päivlaskmaižen Rimalaižen imperijan lopindan jäl'ghe nimitihe lidnad Hrisopolis:aks (latin.: Chrysopolis «kuldan lidn»), sid' Parm:aks möst. Vll 1545−1801 oli Parman gercogkundan pälidnaks.
Parm šingotase sömtegimištol (Barilla- i Parmalat-kompanijoiden aluz om pandud sihe), zell'industrijal, maižanduztehnikan pästandal i turizmal. Lidn om tetab saguden parmezan-sortul i ahavoittud sigalihal (ital.: prosciutto di Parma).
Geografijan andmused
[vajehta | vajehtada lähtetekst]Lidn sijadase agjan keskuzpalan lodehes, Parm-jogen randoil (ital.: Parma 92 km pitte, Pojogen oiged ližajogi), 55 m ü.m.t. keskmäižel korktusel. Matkad agjan Bolonj-keskushesai om 90 km suvipäivnouzmha raudtedme.
Klimat om subtropine nell'sezonine. Voden keskmäine lämuz om +14,9 C°, kezakun-elokun +23,5..+25,9 C°, tal'vkun-uhokun +3,9..+6,0 C°. Paneb sadegid 777 mm vodes, enamba sulakus-semendkus (73..76 mm kus) i redukus-tal'vkus (73..96 mm kus), vähemba heinkus-elokus (37..48 mm kus).
Tobmuz
[vajehta | vajehtada lähtetekst]![](http://upload.wikimedia.org/wikipedia/commons/thumb/7/74/Quartieri_di_Parma.jpg/250px-Quartieri_di_Parma.jpg)
Lidn jagase 13 nimitadud fartalaks.
Edeline lidnan pämez' om Federiko Piccarotti (Federico Pizzarotti, semendku 2012 — kezaku 2022).
Eläjad
[vajehta | vajehtada lähtetekst]Vl 2014 lidnan eläjiden lugu oli 190 184 ristitud, kesked 2018. vot — 197 130 ristitud. Kaikiš suremb lidnan ristitišt oli 179 019 eläjad vl 1981 i om nügüd'.
Znamasine üläopendusen aluzkund om Parman universitet[1] (ital.: Università degli Studi di Parma, 26 tuh. üläopenikoid vl 2016). Sen aluz om pandud vl 1601. Kaik om ühesa departamentad universitetas vspäi 2016, tedoiduzlaboratorijad ratas.
Transport
[vajehta | vajehtada lähtetekst]Avtobusad, trolleibusad (nell' maršrutad vspäi 1953, vajehtiba tramvain jonoid) i taksid oma kundaližeks transportaks lidnas. Parm-päraudtestancii radab Milan — Bolonj-keskustal vspäi 1859.
Rahvahidenkeskeine civiline Parm-lendimport[2] (PMF / LIMP, 116 tuh. passažiroid vl 2022) sijadase kahtes kilometras lodeheze lidnaspäi. Tehtas sezonreisid Korsikan, Sardinijan i Sicilijan lendimportoihe.
Homaičendad
[vajehta | vajehtada lähtetekst]- ↑ Parman universitetan sait (unipr.it). (ital.) (angl.)
- ↑ Parma-lendimportan sait (parma-airport.it). (ital.)
Irdkosketused
[vajehta | vajehtada lähtetekst]![]() |
Parm (lidn, Italii) Vikiaitas |