Kislovodsk
Lidnanznam![]() |
Flag![]() |
Valdkund | Venäma |
Eläjiden lugu (2021) | 127,521 ristitud |
Pind | 71,83 km² |
![]() | |
Pämez' | Jevgenii Moiseev (tal'vku 2021—) |
Telefonkod | +7−87 937-xx-xxx |
Avtokod | 26, 126 |
Aigvö | UTC+3 (MSK+0) |
Kislovodsk (ven.: Кислово́дск, kar. da balk.: Нарсана) om Venäman lidn, lidnümbrik da lebutaho Stavropolin randan suvipäivlaskmas. Se om randan koumanz' lidn eläjiden lugun mödhe. Mülüb Kavkazižed Mineraližed Veded-regionha.
Istorii
[vajehta | vajehtada lähtetekst]Eländpunktan aluz om pandud vl 1803. Se sai lidnan statusad vl 1903.
Kislovodsk šingotase lebuturizmal (enamba 40 sanatorijad, puišt 9,6 km²), mebel'fabrikal, porcellanan edheotandal i sömtegimištol (mineraline «Narzan»-vezi, tomatpast i makaronad).
Geografijan andmused
[vajehta | vajehtada lähtetekst]Lidn sijadase Podkumk-jogen oiktal randal tobjimalaz (ven.: Подкумок, Kuman oiged ližajogi), Suren Kavkazan ezimägištol, 750..1200 m korktusil, 815 m ü.m.t. keskmäižel korktusel. Matkad Karačajan da Čerkesijan röunhasai om 10 km päivlaskmha, Stavropolihesai om 234 km lodeheze.
Kümne žilod mülüdas lidnümbrikho Kislovodskan ližaks (edel 2020. vot oli seičeme žilod). Lidnümbrikon pind om 71,83 km².
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 128 553 ristitud, lidnümbrikon — 135 368 ristitud. Kaikenaigaižen ristitišton lugu vajehtase 128..130 tuhad eläjid röunoiš vspäi 2002, kaikiš suremb oli 130 007 ristitud vl 2015. Vl 2018 kaik 129 593 ristitud elihe lidnas i 136 386 ristitud kaikes lidnümbrikos.
Rahvahad (lidnan eläjad, enamba 0,4% vl 2010): venälaižed — 76,4%, armenijalaižed — 9,1%, karačailaižed — 4,2%, ukrainalaižed — 1,3%, abazilaižed — 1,1%, gruzijalaižed — 0,9%, osetinalaižed — 0,5%, čerkesalaižed — 0,5%, azerbaidžanlaižed — 0,5%, lakalaižed — 0,4%, čečenalaižed — 0,4%, totarlaižed — 0,4%, toižed rahvahad — 3,9%, rahvahuden ozutandata — 0,4%.
Ortodoksižen hristanuskondan 17 pühäpertid oma olmas lidnas: Ph. Mikulai-čudonsädajan kafedraline päjumalanpert' (letihe vll 1993−2008), kümne jumalanpertid i kuz' časounäd. Armenižen jumalankodikundan Surb Vardan Mamikonän-jumalanpert' om avaitud. Protestantizman kaks' jumalanpertid oma saudud: seičemenden päivän adventistoiden i baptistoiden. Islaman pämečet' radaškanzi vl 2019.
Kislovodskan kaks' mediciništ kolledžad[1][2] i äiprofil'ne tehnikum[3] oma lidnan profopendusen aluzkundoikš.
Edeline lidnümbrikon pämez' om Aleksandr Kurbatov (tal'vku 2015 — tal'vku 2021).
Vozil 2008 da 2014 Kaikenvenälaižen školopenikoiden olimpiadan venäkel'tme lopimetap mäni neciš lidnas.
Galerei
[vajehta | vajehtada lähtetekst]-
Kislovodskan «Krepost'»-kodirandantedištandmuzei (2008, Lidnuz)
-
Ph. Mikulai-čudonsädajan kafedraline päjumalanpert', vn 2016 nägu
-
Surb Vardan Mamikonän-jumalanpert', vn 2009 nägu
-
«Luč»-sanatorii vl 2001 (Sädeg)
-
Narzanan pävannad Kurortnii-bul'varal vl 2011
-
«Grand Hotel»-adivpert' vl 2013
-
Cirk (2021)
-
«Rossija»-kinoteatr (2016, Venäma)
-
Kervačte vl 2012
-
Kislovodsk-päraudtestancijan sauvuz vl 2017
Homaičendad
[vajehta | vajehtada lähtetekst]- ↑ Kislovodskan medicinižen kolledžan sait (kmk26.ru), Stavropolin randan Tervhudenkaičendan ministruz. (ven.)
- ↑ Kislovodskan medicinižen kolledžan sait (medcol.ru), Venäman Tervhudenkaičendan ministruz. (ven.)
- ↑ Kislovodskan äiprofil'žen tehnikuman sait (kgmt.ru). (ven.)
Irdkosketused
[vajehta | vajehtada lähtetekst]- Kislovodsk-lidnan-kurortan Duman oficialine internet-ezitaikund (dumaksl.ru). (ven.)
- Lidnan-kurortan Administracijan oficialine sait (kislovodsk-kurort.org). (ven.)
![]() |
Kislovodsk Vikiaitas |