Hag
Lidnanznam![]() |
Flag![]() |
Valdkund | Alamad |
Eläjiden lugu (2015) | 515,880 ristitud |
Pind | 98,12 km² |
![]() | |
Pämez' | Paulina Krikke (keväz'ku 2017—) |
Telefonkod | +31−70 |
Aigvö | tal'vel UTC+1, kezal UTC+2 |
![](http://upload.wikimedia.org/wikipedia/commons/thumb/f/f4/Stadsdeel_van_Denhaag.png/250px-Stadsdeel_van_Denhaag.png)
Hag (alam.: Den Haag [dɛnˈɦaˑχ] vai 's-Gravenhage [ˈsxraːvə(n)ˌɦaːɣə] «grafan mec») om Alamaiden lidn da kund valdkundan suvipäivlaskmas. Se om valdkundan koumanz' lidn eläjiden lugun mödhe, Suvigollandii-agjan administrativine keskuz.
Nece om valdkundan faktine pälidn (oficialine — Amsterdam), vspäi 1581 «Generaližed Štatad» (parlament) išttas täs. Monarhan, ohjastusen da parlamentan nügüd'aigaižed rezidencijad sijadasoiš Hagas, mugažo rahvahidenkeskeižed käskuzkundad: ÜRO:n, kriminaline i arbitraž.
Istorii
[vajehta | vajehtada lähtetekst]Eländpunktan aluz om pandud vl 1230 kuti alamalaižen Floris IV-grafan pen' lidnuz. Sauvusiden Binnenhof-kompleks om saudud sen sijas sil-žo 13. voz'sadal tobjimalaz grafan jäl'gnikoil, se om Alamaiden parlamentan, röunantagaižiden azjoiden ministrusen i päministran rezidencijaks. Hot' Hag nägui lidnaks jo vodele 1400, se sai lidnan oiktusid oficialižešti vl 1806, konz valdkund alištui Francijan tobmudele.
Geografijan andmused
[vajehta | vajehtada lähtetekst]Lidn sijadase Pohjoižmeren randal, 1 m ü.m.t. keskmäižel korktusel.
Vspäi 1988 lidn jagase 8 nimitadud territorialižhe ümbrikho (alam. üks'lugu stadsdeel), sijaline ohjastuzkontor om kaikuččes. Ümbrikod alajagasoiš alaümbrikoihe (alam.: wijken).
Eläjad
[vajehta | vajehtada lähtetekst]Vl 2010 eläjiden lugu oli 489 271 ristitud. Kaikiš suremb ristitišt oli 606 110 eläjad vl 1960. Lidn mülüb Randstad-aglomeracijha.
Eläjad valdkundan augotižlibundan mödhe (2017): Alamad — 47,3%, Surinam — 8,8%, Turkanma — 7,5%, Marok — 5,9%, Indonezii — 3,4%, Kariban meren sariden alamalaižed — 2,4%, toižed valdkundad — 24,7%.
Transport
[vajehta | vajehtada lähtetekst]Avtobusad da tramvaid oma kundaližeks transportaks lidnan südäimes. Raudtetransport ühtenzoitab valdkundan päivnouzmanke i Bel'gijanke, kaks' päraudtestancijad om saudud.
Rahvahidenkeskeine lendimport (RTM, 1,7 mln passažiroid vl 2017) om ühthine Rotterdam-lidnanke i sijadase 15 km suvipäivnouzmha Hagan keskusespäi. Tehtas reisid Suren Britanijan, Saksanman, Ispanijan i Turkanman lidnoihe, mugažo Evropan erasihe toižihe maihe.
Irdkosketused
[vajehta | vajehtada lähtetekst]- Lidnan tobmuden sait (denhaag.nl). (alam.) (angl.) (fr.)
![]() |
Hag Vikiaitas |