Fransistaun
Valdkund | Botsvan |
Eläjiden lugu (2022) | 103,417 ristitud |
Pind | 79 km² |
![]() | |
Pämez' | Godisang Radisigo (tal'vku 2019—) |
Telefonkod | +267- |
Aigvö | UTC+2 |
![](http://upload.wikimedia.org/wikipedia/commons/thumb/a/a8/Francistown_27.51670E_21.16674S.jpg/250px-Francistown_27.51670E_21.16674S.jpg)
Fransistaun (angl.: Francistown) om lidn da lidnümbrik Botsvanan päivnouzmas. Valdkundan kahtenz' surtte lidn, om ümbärtud Pohjoižpäivnouzmaižen ümbrikon territorijal, om sen administrativižeks keskuseks, no ei mülü sihe.
Istorii
[vajehta | vajehtada lähtetekst]Eländpunktan aluz om pandud vl 1897, se oli Suvižen Afrikan ezmäižen kuldsäruläžundan keskuz. Nimitihe Deniel Frensis-anglijalaižen Liverpulišpäi kanzannimen mödhe, hänen kompanii möi koncessijan licenzijoid kuldan samižen tahoile.
Fransistaun šingotase kobal'tan, vas'ken i nikelin samižel läz lidnad, küllästamižtegimel i maižanduzrajonan keskuseks.
Geografijan andmused
[vajehta | vajehtada lähtetekst]Lidn sijadase Tati- i Inčve-jogiden ühthejoksmusen randal (Limpopon bassein), 1001 m ü.m.t. keskmäižel korktusel. Matkad Gaborone-pälidnhasai om 400 km suvhe-suvipäivlaskmha. Zimbabven röunma om 15 kilometras orhal pohjoižpäivnouzmha lidnaspäi, no matkad sihesai avtotedme om 90 km, se mante ühtenzoitab Bulavaio-lidnanke (198 kilometras).
Klimat om tropine räk pol'kuiv. Kun keskmäine lämuz om +22..+25 C° päiči semendkus-elokus (+15..+18 C°). Ekstremumad oma −6 C° i +41 C°. Paneb sadegid 460 mm vodes, enamba tal'vkus-uhokus (84..99 mm kus), vähemba semendkus-sügüz'kus (18 mm pordos).
Eläjad
[vajehta | vajehtada lähtetekst]Vn 2001 Botsvanan rahvahanlugemižen mödhe lidnan eläjiden lugu oli 84 406 ristitud, vl 2011 — 100 079 ristitud. Kaikiš suremb lidnan ristitišt om nügüd'. Kaik läz 150 tuhad ristituid elädas ezilidnoidenke (2011 i 2022).
Irdkosketused
[vajehta | vajehtada lähtetekst]![]() |
Fransistaun Vikiaitas |