Drammen
Lidnanznam![]() |
Flag![]() |
Valdkund | Norvegii |
Eläjiden lugu (2023) | 104,487 ristitud |
Pind | 137,01 km² |
![]() | |
Pämez' | Kjell Arne Hermansen (reduku 2023—, Kjell Arne Hermansen) |
Telefonkod | +47- |
Aigvö | tal'vel UTC+1, kezal UTC+2 |
![](http://upload.wikimedia.org/wikipedia/commons/thumb/a/a8/Tettsted_Drammen_2005.jpg/250px-Tettsted_Drammen_2005.jpg)
Drammen (mugažo norvegijan kelel, virkand [ˈdrɑ̀mːən]) om Norvegijan lidn da kund (kommun) valdkundan suves. Se om valdkundan kudenz' lidn eläjiden lugun mödhe. Om Buskerud-agjan administrativižeks keskuseks, vll 2020-2023 mülüi Viken-agjaha.
Istorii
[vajehta | vajehtada lähtetekst]Drammen-municipalitetan aluz om pandud vl 1838 koumes penes meriportaspäi: Bragernes, Strömsö (Strømsø) i Tangen. Se om ühtištadud Skoger-municipalitetanke vspäi 1964. Sur' lämoipalo tegihe lidnas vn 1866 heinkun 12.-13. päivil, sen jäl'ghe keskuzpala oli alištunu rekonstrukcijale. Raudte tuli lidnha vl 1872 i ühtenzoiti Oslonke.
Drammen-lidn šingotase elektrotehnižel sarakol (elektromašinad, kabeläd), optikan edheotandal, mecan ümbriradmižel, sauvondan kompanijoil, torguindal tukuil (sidä kesken avtoiden import), tervhudenkaičendal da socialižil holitišil.
Geografijan andmused
[vajehta | vajehtada lähtetekst]Lidn sijadase agjan suvipäivnouzmas, Drammenselv-jogen randoil sen lanktendan sijas Drammen-fjordha. Om ümbärtud mägil. Matkad Oslohosai om 40 km pohjoižpäivnouzmha.
Klimat om ven valdmeren valatoitandanke. Voden keskmäine lämuz om +6,6 C°, kezakun-elokun +15,3..+18,0 C°, tal'vkun-uhokun −2,4..−3,3 C°. Ekstremumad oma −28,0 C° (viluku) i +35,0 C° (eloku). Kezaaigan minimum om +1,4 C° (kezaku), tal'vaigan maksimum om +14,6 C° (uhoku). Ei voi panda halad kezakus-elokus. Paneb sadegid 808 mm vodes, läz tazomäras kuidme, enamba elokus (89 mm) i redukus-kül'mkus (83..89 mm kus), vähemba uhokus-sulakus (43..46 mm kus).
Tobmuz
[vajehta | vajehtada lähtetekst]![](http://upload.wikimedia.org/wikipedia/commons/thumb/5/5f/Drammens_kommunedeler_2023.jpg/250px-Drammens_kommunedeler_2023.jpg)
Lidnankund mülüti kaht tošt kundad (Nedre Eiker i Svelvik) vl 2020. Jagase kümneks nomeruidud i nimitadud municipaližeks regionaks.
Edeližed lidnan pämehed (üks'lugu norv.: Drammens ordfører) oma Monika Mürvol'd Berg (Monica Myrvold Berg, viluku 2020 — reduku 2023), Tore Opdal Hansen (reduku 2003 — tal'vku 2019).
Eläjad
[vajehta | vajehtada lähtetekst]Vl 2014 arni lidnan eläjiden lugu oli 65 473 ristitud, vl 2021 — 82 875 ristitud. Lidnan territorii levigandeb nellän lähižen kundan territorijoihe.
Irdkosketused
[vajehta | vajehtada lähtetekst]![]() |
Drammen Vikiaitas |