Aznakajevo

Aznakajevo
Азнакаево (ven.)
Азнакай (tot.)
Lidnanznam;	Flag;
Valdkund	Venäma
Eläjiden lugu (2022)	33,199 ristitud
Pind	15 km²
Pämez'	Marsel' Šaidullin; (reduku 2012—)
Telefonkod	+7−85 592-xx-xxx
Avtokod	16, 116, 716
Aigvö	UTC+3 (MSK+0)

Aznakajevo (tot.: Азнака́й / Aznaqay, ven.: Азнака́ево) om Venäman lidn da lidnankund Tatarstanan Tazovaldkundan suvipäivnouzmas. Se om Aznakajevon rajonan administrativine keskuz da üks'jäine lidn.

Istorii

Eländpunktan aluz om pandud vl 1762 kuti baškiralaižiden külä, oli mülünu Samaran i Ufan gubernijoihe. Vspäi 1920 mülüi Tatarstanan Bugul'man rajonha, vn 1931 redukuspäi om Aznakajevon rajonan keskuseks. Žilo sai lidnan statusad vl 1987.

Vspäi 1951 sadas kivivoid lidnan ümbrištos. Aznakajevon toine tegimišt om kivivoinmašiništon tehmine, sömtegimišt, omblendfabrik.

Geografijan andmused

Lidn sijadase Stärle-jogen randoil (tot.: Стәрле 53 km pitte, Ik-jogen hura ližajogi, Kaman hurapol'ne bassein), 180 m keskmäižel korktusel valdmeren pindan päl. Matkad Kazanihesai om 270 km lodeheze orhal vai 325 km avtotedme. Lähembaižed avtoteidme lidnad oma Oktäbr'skii 59 km suvipäivnouzmha, Bugul'm 43 km suvhe, Leninogorsk 57 km suvipäivlaskmha i Al'met'jevsk 55 km päivlaskmha.

Aznakajevo om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 34 853 ristitud, rajonan ristitišton viž ühesandest. Kaikiš suremb lidnan ristitišt oli 37 200 eläjad vl 2001.

Islaman kaks' pühäpertid oma avaitud. Ortodoksižen hristanuskondan koume pühäperid^[1] oma olmas lidnas: Veran, Nadeždan, Lübovin i heiden Sofija-maman jumalanpert' (om letud vll 2012−2021), Kazanin Jumalanmaman loičendpert' i Sündun Eläbzdusen časoun'.

Ei ole ičeze professionaližen opendusen aluzkundoid, Leninogorskan politehnižen kolledžan filial radab.

Transport

Avtobusad da taksid oma kundaližeks transportaks lidnas.

Lähembaine Jutaz-raudtestancii (ven.: Ютаза) sijadase 34 km suvhe.

Homaičendad

↑ Aznakajevon pühäpertid sobory.ru-saital. (ven.)

Irdkosketused

Lidnan da Aznakajevon rajonan sait (aznakayevo.tatarstan.ru) Tatarstanan Tazovaldkundan tobmuden portalal. (ven.) (tot.)

	Tatarstanan Tazovaldkundan lidnad
	Agriz \| Al'met'jevsk \| Arsk \| Aznakajevo \| Bavli \| Bolgar \| Bugul'm \| Buinsk \| Čistopol' \| Innopolis \| Jarčalli \| Jelabug \| Kazan' \| Kukmor \| Laiševo \| Leninogorsk \| Mamadiš \| Mendelejevsk \| Menzelinsk \| Nižnekamsk \| Nurlat \| Zainsk \| Zelenodol'sk \| Tetüši

[1] Aznakajevon pühäpertid sobory.ru-saital. (ven.)

[1]