Rozo

Rozo (angl. i franc.: Roseau, sijaline francijan kreoline kel': Wozo) om Dominikan pälidn da kaikiš suremb lidn.

Rozo
Roseau (angl. i fr.)

Valdkund	Dominik
Eläjiden lugu (2011)	14,725 ristitud
Pind	3 km²
Pämez'	Sesil' Džozef
Telefonkod	+1−767
Aigvö	UTC−4

Etimologii

Jogen Roseau-nimi znamoičeb «rogosine», «rogojogi».

Istorii

Nügüdläižen eländpunktan aluz om pandud francijalaižil 17. voz'sadal ühtennimižen jogen randal amuižen indejižen Sairi-žilon sijas. Vspäi 1838 kolonijan parlament keradaškanzihe Rozos orjusen likvidiruindan jäl'ghe. Lidn sai ripmatoman valdkundan pälidnan statusad vl 1978.

Rozo šingotase turizmal i bananoiden da kakaon vendan portal.

Geografii

Rozo sijadase Dominik-saren päivlaskmaižen randan suves, Kariban meren päivnouzmaižel randal, 43 m ü.m.t. keskmäižel korktusel. Om ümbärtud Morn Brüs-mägen (angl.: Morne Bruce) mecpautkil.

Klimat om tropine vihmmecoiden. Kun keskmäine päiväline lämuz om +25..+27 C° vodes läbi. Paneb sadegid 2575 mm vodes, vähemb uhokus-sulakus (107..135 mm kus).

Rozo jagase läz 80 fartalaks.

Eläjad da transport

Vl 2007 lidnan eläjiden lugu oli 16 852 ristitud.

Keinfild-lendimport (DCF) i ehtatim ühtenzoittas saren eläjid läheližidenke saridenke (francižed Martinik i Gvadelup). Se om märitud peniden lendimiden täht.

Koume sijališt radiostancijad ratas Rozos. Brazilijan, Kitain, Kuban i Venesuelan sur'oigenduzkundad oma olmas lidnas.

Irdkosketused

• Rozon fotokuvad domnik.net-saital.