Tenołogia
![](http://upload.wikimedia.org/wikipedia/commons/thumb/9/9e/Apollo_4_Saturn_V%2C_s67-50531.jpg/250px-Apollo_4_Saturn_V%2C_s67-50531.jpg)
El termine tenologia, o anca scrito tenoloxia, xe na parola conponesta e che la riva dal greco antico "tékhne-logìa" (τεχνολογία), che xe letaralmente "tratà sistematego so un'arte". Inte l'Etica nicomachea Aristotele el gà separà do forme de axire: prâxis e téchnē. La prima, la ga el proprio fin in ela, la segonda l'è senpre al servisio de chel'altro, come un mexo. In sto senso la "tenega" (termine doparà de frecuente come sinonimo), no la jera difarente né da l'arte, né da la siensa, gnanca da calsiasi prosedimento o operasion che la serve par xontar a un efeto calsiasi, e el so canpo se stendea so tute le atività omane. Solo intrà la fin del XX e el scuminsiarse del XXI secoło se xe rivai a darghe a "Tenega" un signifigà del sotogrupo de le prateghe omane, che se intende el conportamento inte i confronti de la naura diresionà a la produsion del ben.
Par tenega se pole intendare la aplicasion de le conosense derivae da la siensa a fini prateghi e a la produsion de mestieri par farli.
La parola tenoloxia indica par sto qua la catalogasion e el studio sistematego de teneghe aplicade, un mucio riferie a un serto dirghe spesifego (se pole parlar, par exenpio, de "tenoloxia informatega", "tenoloxia mecanega", "tenoloxia eletronega", "tenoloxia eletrotecnega", "tenoloxia del magnare", "tenoloxia telematega" e un altro bel mucio).
Controło de autorità | LCCN (EN) sh85133147 · GND (DE) 4059276-5 · BNF (FR) cb119338890 (data) · NDL (EN, JA) 00562503 |
---|