Sudan
El Sudan, ufisialmente, ła Republica del Sudan (in arabo جمهورية السودان الديموقراطية) el xe on Stato de la Africa oriental, inte el Corno d'Africa.
El confina co ł'Egito a nord, ła Łibia a nordovest, el Ciad a ovest, ła Republica Sentrafricana a sudovest, el Sud Sudan a sud, ł'Etiopia a sudest e ł'Eritrea a est; el se afacia sol Mar Roso a nordest.
Etimołozia
[canbia | canbia el còdaxe]El nome del Sudan vien da l’arabo Bilad es Sudan, che vol dire "paexe de i neri".
Bisogna parò tegnar conto che sudan, in arabo, ga anca el significà de "sciavo": el Sudan xe sempre stà un serbatoio de s-ciavi par i marcati de l’Arabia e del Maghreb.
Zeografia
[canbia | canbia el còdaxe]![]() |
Par savèrghene de pì, vardarse ła voxe Zeografia del Sudan. |
El ga na superfisie de 1 886 068 km²[16].
Ghe xe qualche montagna al confin con l’Uganda.
Tuto el Sudan fa parte del bacin idrografico del Nilo. El Nilo entra inte el Sudan a Nimul, al confin con l’Uganda; el forma le paludi del Sudd e riceve le acque del Nilo Azuro a Khartoum; el riva al confin con l’Egito traversando la Nubia.
La costa l’è longa sirca 600 km.
El nord del Sudan l’è desertico, mentre el sud ga savane e foreste.
Storia
[canbia | canbia el còdaxe]![]() |
Par savèrghene de pì, vardarse ła voxe Storia del Sudan. |
Antighità
[canbia | canbia el còdaxe]Da ricatamenti archeologici se sa che el Sudan xe sempre stà abità da i tempi preistorici.
El Sudan l’è nomenà ne la Bibia col nome de Kush.
El regno de la Nubia, inte el sud de l’Egito e el nord del Sudan de ancò, xe stà un regno potente. I Nubiani gavea acetà la cultura egizia, e i xe stà lori a reconquistar l’Egito dop che i Hyksos, popołasion semita de la Assiria, gavea ocupà el baso Egito[17]. La Nubia xe el vero paexe de le piramidi, ghe ne a bizefe.
I romani no ga mai ocupà el Sudan, ma i ga mandà de i grupi de esploratori che i ze arivà in tel nord de l’Uganda e ga lassà na descrizion de le paludi del Sudd.
Inte el III e IV secolo d.C. el cristianesimo xe rivà in Sudan, portà da misionari del nord Africa e del Medio Oriente.
I regni de Makuria, Nobatia e Meroe i ga acetà ła nova fede e oncora ancùo se pol vedar i resti[18] de le cexe e dei palazi de sti re.
Inte el 640, quando i arabi i ga tentà de conquistar el Sudan, i re cristiani ga resistio. El condotier Abdallah ibn Saad no l’è stà bon de vinsar e ga sotoscrito un tratato de pace che xe resistìo fin al 1275.
Inte el 1276, i Mameluchi che controlaa l’Egito i ga atacà la Nubia n’antra olta conquistando Dongola, la cavedal de Makuria. I arabi ie entrà inte el nord del Sudan, ma no ga podesto andar in tel sud parchè ghera la mosca tse-tse che ghe dava problemi a le bestie.
Modernità
[canbia | canbia el còdaxe]Inte el 1820, l’Egito atacò n’antra olta el Sudan par sicurarse el marcà dei sciavi.
I misionari catoleghi ga tentà varie olte de far rinascar la fede cristiana in tel nord, ma i no ghe mai reussidi.
Nei ani cinquanta del 1800, i misionari veronexi[19] del don Nicola Mazza ie riussìi a ndar in tel sud.
Inte el 1882 Muhammad ibn Abballa se dichiarò el Mahdi[20] e ga conquistà tuto el nord del Sudan. Dopo verghe conquistà Khartoum, el Mahdi xe morto zoino.
El so sucesor, Khalifa, ga governà el Sudan fin che i inglexi ie riussìi a vinsar la bataglia de Omdurman (1898).
Co sta vitoria, i inglexi ga ciapà el controlo del paexe. Nominalmente i lavoraa co i egisiani, ma i veri paroni iera lori.
I inglesi gavea na regola: divide et impera[21], anca in Sudan, i inglexi ga diviso el paese in zone de influenza. I permetea el lavoro de i misionari, catoleghi e protestanti, inte el sud, sora-de-tuto par far scole e svilupar la zona. Ma i europei no podea lavorar libaramente al nord.
Indipendensa
[canbia | canbia el còdaxe]El Sudan xe divantà indipendente inte el 1955.
Subito dopo, el sud ga scominzià la prima guerra civile [22] parche i sudisti no volea star soto el nord, ma partecipar a la vita del paese in modo paritario ai musulmani. Inte el 1964, el governo musulmano del nord ga espulso tuti i misionari[23]. che lavoraa al sud.
Inte el 1969, Gaafer Mohamed Nimeiri ga fato un colpo de Stato sostenù da i comunisti.
Sta guera andò vanti fin al 1972, quando el acordo de Addis Abeba fu firmà dai i rapresentanti del sud e del nord.
La paxe no la andò vanti par tanto. Nimeiri l’era un ditator che volea impor la lege islamica su tuti, anca i cristiani; no ghera gnanca libartà de stampa e de movimento.
Inte el 1983, i soldai del sud che stava a Bor ga fato un amutinamento, scominsiando la seconda guera civil.[24] El leader del sud xera John Garang che ga guidà la revolta fin a la fin del 2004.
Inte el 1989 co un colpo de Stato, el soldà Omar Hassan Ahmed el-Bashir el ga asunto el governo. El-Bashir ga continuà con la pułìtega de oprexion de le popołasioni marginali.
Dal 2003 la guera del governo la va anca contro el Darfur[25].
El governo central paga i i milisiani arabi janjaweed par copar la gente e distruzar i vilagi del Darfur. La comunità islamica no la dixe niente parchè ga interesi pułìteghi, econòmeghi[26] e anca parchè i darfuriani xe musulmani, ma neri e quindi considerai manco importanti de la popołasion arabizada del nord.
Inte el janaro 2005, i acordi de pace[27], relativi a la guera intra nord e sud, ie stà firmà a Nairobi.
El 30 de lujo del 2005, Garang l’è stà copà e Salva Kiir, el so vice, l’è diventà presidente del sud e vice-presidente del Sudan.
El 9 de lujo 2011 el Sud Sudan el xe diventà indipendente.
Pułìtega
[canbia | canbia el còdaxe]Atualmente el Sudan el xe na republica presidensiałe ma tegnù da na giunta miłitare.
El governo de Khartoum l’è guidà da Omar Hassan Ahmed el-Bashir.
La capital xe Khartoum.
Demografia
[canbia | canbia el còdaxe]Etnie
[canbia | canbia el còdaxe]Al nord ghe xe tribù nere arabizate: la xente se considera de cultura araba.
Inte el Darfur ghe xe tribu’ nere.
Al sud i popoli ie in majoria nilotici. I grupi majori xe i denka, i shilluk, i bari, i zande. Ghe anca grupi come i acholi che se cata anca in Uganda.
Religion
[canbia | canbia el còdaxe]La majoria de i sudanesi xe musulmani (60%).
Le religioni tradisionali le xe sevie dal 27% de la xente. I cristaiani i xe el 14% (i catoleghi xe el 13%).
Łéngue
[canbia | canbia el còdaxe]Al nord la xente usa la łéngua araba.
Gałeria de someje
[canbia | canbia el còdaxe]-
munti Mara, a ovest
-
diga de Merowe so el fiume Niło
-
area portual de Porto Sudan
-
sito istorego de Meroe
Notasion
[canbia | canbia el còdaxe]- ↑ 1,0 1,1 Declarà da: Constitution of Sudan. Sesion del documento: 8.3.
- ↑ URL de refarensa: https://www.oic-oci.org/states/?lan=en. Data de consultasion: 29 de otobre del 2022.
- ↑ URL de refarensa: https://www.interpol.int/Member-countries/World. Editor: Interpol. Data de consultasion: 7 de disenbre del 2017.
- ↑ URL de refarensa: https://www.opcw.org/about-opcw/member-states/. Editor: Organizasion par ła Proibision de łe Arme Chìmeghe. Data de consultasion: 7 de disenbre del 2017.
- ↑ URL de refarensa: http://www.unesco.org/eri/cp/ListeMS_Indicators.asp.
- ↑ URL de refarensa: http://www.upu.int/en/the-upu/member-countries.html. Data de consultasion: 4 de majo del 2019.
- ↑ URL de refarensa: https://www.itu.int/online/mm/scripts/gensel8. Data de consultasion: 4 de majo del 2019.
- ↑ URL de refarensa: https://public.wmo.int/en/members/sudan. Data de consultasion: 26 de majo del 2020.
- ↑ URL de refarensa: https://www.who.int/choice/demography/by_country/en/. Data de consultasion: 21 de lujo del 2020.
- ↑ URL de refarensa: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consultasion: 16 de marso del 2024. Pajina: 7. Sostiene il qualificatore: data del scumìsio.
- ↑ URL de refarensa: https://data.worldbank.org/indicator/NY.GDP.MKTP.CD. Editor: Banca Mondiałe. Data de consultasion: 26 de agosto del 2023.
- ↑ 12,0 12,1 voze de refarensahdr.undp.org.
- ↑ URL de refarensa: http://data.worldbank.org/indicator/SL.UEM.TOTL.ZS.
- ↑ voze de refarensaiec.ch.
- ↑ voze de refarensaiec.ch.
- ↑ En termine de superficie el jera el Stato pì grando del continente african prima de l'independensa del Sud Sudan.
- ↑ el nord de l’Egito
- ↑ I ricatamenti i xe stà fati da l’Università de Varsavia e dal riceratore veronexe Giovanni Vantini.
- ↑ Tra lori ghera anca Daniele Comboni che sarà el fondator de i misionari comboniani che tanto ga laorà inte el Sudan.
- ↑ che vol dir "mesia"
- ↑ in latin "dividi e comanda"
- ↑ ciamada de i Anya Nya dal nome de uno de i movimenti separatisti del sud
- ↑ I xera quasi tuti comboniani, tanti dal Veneto
- ↑ Pi de do milioni de persone xe morte par colpa de la guera.
- ↑ na region granda na volta e meza l’Italia
- ↑ el Darfur l’è rico de petrolio e altri minerai che ghe interesa a la Cina
- ↑ I acordi de pace dixe che inte el 2009 ghe sarà un referendum par vedar se el sud vol star col nord o far no Stato indipendente. El problema xe che el nord nol vol perdar el sud, dove ghe petrolio, legno, minerai de tuti i tipi e diamanti.
Altri projeti
[canbia | canbia el còdaxe]Wikimedia Commons el detien imàjini o altri file so Sudan
Linganbi foresti
[canbia | canbia el còdaxe]- Sito ufisałesudan.gov.sd.
- SudanTreccani.it – Enciclopedie on line, Istituto de ła Ençiclopedia Italiana.
- Paolo Migliorini, Silvia Moretti, Sudan, in Ençiclopedia Italiana, VII Appendice, Istituto de ła Ençiclopedia Italiana, 2007.
- Alberta Migliaccio, Silvia Moretti, Sudan, in Ençiclopedia Italiana, VI Appendice, Istituto de ła Ençiclopedia Italiana, 2000.
- Pasquale Coppola, Guido Valabrega, Sergio Donadoni, Sudan, in Ençiclopedia Italiana, V Appendice, Istituto de ła Ençiclopedia Italiana, 1995.
- Carmelo Formica, Paolo Minganti, Sergio Donadoni, Sudan, in Ençiclopedia Italiana, IV Appendice, Istituto de ła Ençiclopedia Italiana, 1981.
- Eliseo Bonetti, Gennaro Carfora, Francesco Cataluccio, Sudan, in Ençiclopedia Italiana, III Appendice, Istituto de ła Ençiclopedia Italiana, 1961.
- Ettore Anchieri, Sudan, in Ençiclopedia Italiana, II Appendice, Istituto de ła Ençiclopedia Italiana, 1949.
- Attilio Mori, Fabrizio Cortesi, Mario Salfi, Attilio Mori, Giuseppe Stefanini, Renato Boccassino, Giuseppe Stefanini, Anna Maria Ratti, Riccardo Riccardi, Sudan, in Ençiclopedia Italiana, Istituto de ła Ençiclopedia Italiana, 1936.
- Sudan, in Disionàrio de istòria, Istituto de ła Ençiclopedia Italiana, 2010.
- Sudan, in Disionàrio de istòria, Istituto de ła Ençiclopedia Italiana, 2010.
- (IT, DE, FR) Sudanhls-dhs-dss.ch, Disionàrio stòrego de ła Svìsara.
- (EN) Ahmad Alawad Sikainga, Jay L. Spaulding, Robert O. Collins, Economist Intelligence Unit, Mohy el Din Sabr e Ahmed S. Al-Shahi, SudanEnçiclopedia Britannica, Encyclopædia Britannica, Inc.
Controło de autorità | VIAF (EN) 150756275 · ISNI (EN) 0000 0001 2165 5557 · LCCN (EN) n79022301 · GND (DE) 4058378-8 · BNF (FR) cb11880521p (data) · NDL (EN, JA) 00571512 · WorldCat Identities (EN) n79-022301 |
---|