Roland E-20
![](http://upload.wikimedia.org/wikipedia/commons/thumb/3/3a/Roland_Pro-E_Intelligent_Arranger.jpg/220px-Roland_Pro-E_Intelligent_Arranger.jpg)
![](http://upload.wikimedia.org/wikipedia/commons/thumb/a/a0/Roland_E-15_Intelligent_Synthesizer.jpg/220px-Roland_E-15_Intelligent_Synthesizer.jpg)
Ła Roland E-20 ła ze un strumento tastiera (tastadùra) introduzesto da Roland inte'l 1988.
Decsrivesto da Roland cofà un "Intelligent Synthesizer," (Sintetizador intełizente) el stromento el ze stà el primo prodoto de Roland Europe SpA, che'l zera stà creà drioman a na acuizision inte’l presedente ano de ła Dita Itałiana SIEL. Ła nova inpreza ła ze stà na mosa stratèzega de Roland par entrar inte’l reditisio marcà de łe tastiere domèsteghe de fasa alta, fin a chel tenpo domenà da Yamaha and Technics.
Fornìo de conpanjamento automàtego e altoparlanti incorporài, ła E-20 ła doparava l'avansà sistema de sìneze Linear Arithmetic o "LA" utiłizà so’l moduło sonoro Roland MT-32.
L'E-20 el ga stabiłìo un novo strandard par el tastierista diłetante, co soni de alta cuałità, pattern “sazi” de batarìa inovadivi e conpanjamenti “finansiamenti” anpiamente reconosùi come senjifegadivamente pì vansài sia dei strumenti Yamaha PSR che KN Technics.
Inazonta a'l steso E-20, i pì econòmeghi E-5 e E-10 i ze stà drioman zlansà cofà varsion "tajàe", mentre l'E-30 mejorà el ga debutà inte'l 1990. Ghe jera anca na varsion modułar (l'RA-50 Realtime Arranger), e ‘l Pro-E Intelligent Arranger, che'l jera fondamentalmente ła metà de un E-20, escluzi i altoparlanti incorporài ma el includeva el cusidito "arranger intelligente" e l'unità batarìa.
Inte’l 1989 ła sosietà todesca Quasimidi ła ga produzesto un popołar kit de azornamento retrofit che'l ga notevolmente zlargà łe capasità de ła tastiera de serie E-20. Ła ga radopià el nùmaro de soni disponìbiłi da 64 a 128 zblocando patch scondeste presedentemente disponìbiłi solche traverso MIDI. Ła ga anca radopià el nùmaro de programi utente che i podeva èsar memorizà e abiłità ła sorapozision de do soni inte ła sesion de ła man dreta. N’altra carataristega ła jera ła remosion de'l contròło escluzivo de'l sistema so ‘l conpanjamento automàtego, parmétendoghe a 'st'altro de èsar controłà da altre tastiere no de marca Roland.
Roland ła gavaria continuà a domenar el marcà de łe tastiere domèsteghe e inte i ani '90 co łe zenarasion sucesive de ła łinea de ła serie E, introduzendo altre novità - ad ezenpio i modełi de segonda zenarasion (E-15, E-35 ed E-70) i jera tra i primi strumenti a tastiera Roland a prezentar el Roland GS stàndar, sendo stà zlansài contenporaneamente a'l łezendario moduło Sound Canvas Roland SC-55.
Roland ła gavaria drioman introduzesto ła łinea profesionałe de ła serie G stretamente corełada (el G-800, G-1000 e dapò, el G-70) poiché cuełe che łe sarìa deventàe conosùe cofà tastiere "arranger" łe ga scominsià a otènjer l’asetasion e el reconosimento a l'interno de ła comunità de l'utente profesionałe. Tutavia, tuti 'sti prodoti i mantien ła stesa architetura de baze de l'E-20.
L'atuałe tastiera de ła serie ła ze ła E-A7.