Rogaẑion
![](http://upload.wikimedia.org/wikipedia/commons/thumb/b/ba/The_Ancient_Custom_of_Blessing_the_Fields_on_Rogation_Sunday_at_Hever%2C_Kent_-_geograph.org.uk_-_556094.jpg/307px-The_Ancient_Custom_of_Blessing_the_Fields_on_Rogation_Sunday_at_Hever%2C_Kent_-_geograph.org.uk_-_556094.jpg)
Le Rogaẑion (da el latin rogatio, oraẑion) le era le procesion publiche de suplica, conpagnade da la recita de le litanie dei santi, che se fea par propiẑiar al racolt.
Storia
[canbia | canbia el còdaxe]Inte i tenpi pagani diverse procession, ciamade anbarvai, le gnea fate al scopo de propiẑiar al bon esito del an agrario.
Al Cristianesimo, contrario a sti riti pagani colegadi a la tera, al ga tentà de abolirli sostituendoghe quel de la Madona.[1] Enblemàtego al ze al martirio dei predicator de la Val de Non, a Sanẑen, del 385 d.C., che i ga tentà de convincer i popolani a no praticare sto antico culto.
Le feste, che le se svolgea ogni an verso la fin del invern, co el tenpo le ze state sostituide co le Rogaẑion.
De el 1511 al concilio de Orleans al ga aprovà la pràtega fata a Vienne, introdusendo parò ẑerte modifiche: ze stat dontà al digiuno e la astension dal laoro (al era alora papa Simmaco).
A la fin del VI secolo, co el papà de san Gregorio Magno, la Ceza la ga cristianizà definitivamente ste procesion pagane. Lu stasso, 'te el so Sacramentario, al ga definì sto rito "Litania major" (Litania quae maior appellatur).
Secont la definiẑion de papa Benedetto XIV, 'te el XVIII secolo, le rogaẑion le era oraẑion adate a difender la vita dei omi dal ira de an Dio che el ne inpauriss 'te un ogni loch.
A partir da la controriforma ste procesion popolari le ze state contestade de continuo da la ortodossia catolica, e a i stessi chierici ghe ze stat sconsiglià de aderirghe. Nonostante sto tanto le ga continuà oncora infin a qualche diesina de ani fa, e qualche olta le gnen oncora riproponeste da qualche parte come tradiẑion.
Svolgimento de la procesion
[canbia | canbia el còdaxe]La procesion la era fata de solito 'te i tre dì prim de la festa de la Assension; ogni dì gnea seguì an percorso diferente, partendo da la Ceza parochial, e ndando infin a un punto prestabilì, da spess segnalà da un capitel o da un cristo in meẑ a i canp.
Al percorso, che al scominẑiea belche a le 5-6 de la matina e al podea esser longo diversi chilometri, al era studià in modo che tut al eritorio de la parochia al podesse esser vedest, sia pur a distanẑa.
In testa al grupo ghe n'era a prete co i chericheti, seguest da i representanti de le diverse Confraternite co le so toneghe incoloride e i so stendarni. Da drio, le femene, i pupi e infondo i omi.
Al prete al intonea litanie e pena che se dondea 'te i loch stabilidi, la procesion la se fermea, al chierico al alẑea la cross e vardando verso i punti cardinai al disea invocaẑion come A folgore et tempestate, A peste, fame et bello, a le quale la popolaẑion la respondea Libera nos Domine.
A la fin la celebraẑion la gnea fenida dal prete che al disea na diesina de Oremus.
Note
[canbia | canbia el còdaxe]- ↑ [Museo Civico - Carlo verri 01-09-2008] .
Bibliografia
[canbia | canbia el còdaxe]- Vito Pallabazzer, Lingua e cultura ladina, Istituto belumat par le ricerche sociali e culturali, Serie dizionari n°1, Belun, p. 502
Argomenti colegadi
[canbia | canbia el còdaxe]Collegamenti esterni
[canbia | canbia el còdaxe]- Diẑionario de le feste de la Roma antica Archivià il 15 de setenbre 2008 in Internet Archive.
Controło de autorità | GND (DE) 4112777-8 |
---|