Phil Collins
![]() ![]() | |
Biografia | |
---|---|
Nasimènto | (en) Philip David Charles Collins ![]() Eror Lua: callParserFunction: function " [[Categoria" was not found. (73 ani) ![]() |
Dati personałi | |
Formasion | Eror Lua: callParserFunction: function " [[Categoria" was not found. |
Altura | 1,68 m ![]() |
Atività | |
Canpo de laoro | |
Laóro | Eror Lua: callParserFunction: function "
[[Categoria" was not found. |
Atività | 1968 ![]() |
Menbro de | Eror Lua: callParserFunction: function "
[[Categoria" was not found. |
Zènare | Rock, rock progressivo (it) ![]() ![]() ![]() ![]() |
Voze | Tenor ![]() |
Instrumento muxegałe | voze, bateria, pianoforte |
Targheta discogràfega | |
Àlbun | 13 |
Àlbun stùdio | 8 |
Àlbun dal vivo | 2 |
Àlbun compilation | 3 |
Partesipante in | |
13 de lujo del 1985 | Live Aid (it) ![]() ![]() |
Òpara | |
Òpare in rezalto
| |
Fameja | |
Spoxa | Eror Lua: callParserFunction: function " [[Categoria" was not found. |
Fiołi | Joely Collins (it) ![]() ( ![]() Matthew Collins (en) ![]() Simon Collins (it) ![]() ( ![]() Lily Collins (it) ![]() ( ![]() Nicholas Collins (en) ![]() ( ![]() ![]() ![]() |
Zenitori | Greville Bernard Philip A Collins (en) ![]() ![]() ![]() ![]() |
| |
Sito web | philcollins.com ![]() |
![]()
|
Philip David Charles "Phil" Collins, (Chiswick, 30 de zenaro, 1951) el ze un cantaudor, połistrumentista e ator britànego, conosùo sia come sołista che conponente de'l stòrego grupo dei Genesis.
Collins ga inisià ła so cariera muzegałe come baterista dei Genesis inte'l 1970, prima de deventarghene el cantante drìoman el abandon de Peter Gabriel inte'l 1975. El ga invese intraprendesto na cariera sołista inte i primi ani otanta, inisialmente ispirada da ła só rotura coniugałe e da l'amor verso ła mùzega soul, che ga produzesto na serie de àlbun de suceso come Face Value (1981), No Jacket Required (1985) e ...But Seriously (1989).
Inte'l corimento de ła so cariera sołisa, el ga piasà al primo posto in clasifega sete sìngołi inte i Stati Unìi e tre inte'l Renjo Unìo. Contando ła só miłitanza inte i Genesis, łe só cołaborasion esterne, cusì cofà ła so atività sołistega, Collins el ze l'artista che inte i ani otanta el ga otenjùo el mazor nùmaro de hits inte ła Top 40.[1] I suoi singoli di maggior successo includono In the Air Tonight, Against All Odds (Take a Look at Me Now), One More Night, Sussudio e Another Day in Paradise.
Ła discografia de Phil Collins ła include oto àlbun in studio che i ga vendesto oltre 33.5 miłion de copie sertifegàe inte i sołi Stati Unìi e na stima de 150 miłion de copie in tuto el mondo, fazendo de łù uno dei artisti muzegałi co mazor vendite de tuti i tenpi.[2] El ze uno dei tre artisti, insenbre a Paul McCartney e Michael Jackson, ad aver vendùo oltre 100 miłion de àlbun in tuto el mondo sia come sołista che cofà menbro prinsipałe de un grupo.[2] Durante ła só cariera el ga resevùo oto Grammy Awards, un Premio Oscar, do Golden Globe, sincue BRIT Awards e un Disney Legends.[3]
Biografia
[canbia | canbia el còdaxe]Nasesto a Chiswick, cuartier sudocidentałe de Łondra, Collins scoverze ła só "vocasion" muzicałe a l'età de 15 ani co i so zii ghe regała na baterìa zogatoło in ocazion de'l Nadałe; pì tardi i zenidori i ghe conpra batarie vere, senpre pì conplete. No'l inpara ancora ła notasion muzegałe, ma el sèvita sonar conpanjando ła radio o ła tełevizion, zviłupando un metodo propio.[4] A 12 ani el fonda el primo conpleso ed entra inte'l mondo de ła mùzega.
Ła só prima insizion co ła bataria ła riva co i Flaming Youth inte l'àlbun ARK 2 (1969). El concept album el se ispira al grando evento de'l parìodo, cueło de'l zbarco statunitense so ła Łuna, ma no'l ga un gran suceso. Nonostante ciò, Melody Maker el ło descrive come "mejo àlbun pop de'l meze"[4]; drio de un ano, el gropo el se desfa.
L'ingreso inte i Genesis
[canbia | canbia el còdaxe]![]() |
Par savèrghene de pì, vardarse ła voxe Genesis#Ła formasion clàsega e l'aseza. |
Inte'l 1970 el responde a un anuncio so Melody Maker e'l otien ła posibiłità de na audision par entrar a far parte dei Genesis, che i gaveva za canbià tre bateristi inte'l ziro de do àlbun. Andà in antisipo so'l łogo de'l provin, a caza dei zenidori de Peter Gabriel, spetando el só turno el se nega inte ła pisina in zardin e el riese scoltar łe canson da sonar (che łe fa parte de l'àlbun Trespass) prima de'l só turno riusìndo a memorizarli azevolmente.[4] Ła só abiłità so'l strumneto ed i só trascorsi teatrałi i fa de łu el baterista ideałe par el gropo. Collins canta za come sołista inte ła canson For Absent Friends prezente inte'l àlbun Nursery Cryme del 1971 e inte ła canson More Fool Me (che Gabriel el se gaveva refudà de cantar) prezente inte l'àlbun Selling England by the Pound del 1973. Inte'l fratenpo Collins el vien ciamà a rejistrar parti de bataria par i àlbun Taking Tiger Mountain (By Strategy) e Another Green World de Brian Eno.
Dopo aver publegà el dupio àlbun The Lamb Lies Down on Broadway, Peter Gabriel deside de abandonar el grupo par intraprendar na cariera sołista inte l'agosto 1975. Dopo oltra 400 audision sensa ezito, Collins se propone de sostituir l'ormai ex frontman de'l grupo.[5] El ezordise come voze inte l'àlbun A Trick of the Tail de'l 1976, consarvando anca el ròło de baterista in studio,[6] mentre par łe ezibision live i Genesis i ciamarà prima Bill Bruford e drìoman Chester Thompson. El primo àlbun co Collins come cantante el razonze ła Top 40 inte i Stati Unìi e 'l 3º posto inte'l Renjo Unìo, sorprendendo in pozitivo sia el pùblego che ła critica.
Inte ła prima faze dei Genesis, el ròło de Collins inte ła conpozision dei brani ła ze stà asè menor stato respeto ai altri menbri del gropo. Partien a èło gran parte de Lilywhite Lilith, e el a contribuìo in partegołar a ła conpozision de For Absent Friends (el cui prinsipal autor ze Steve Hackett), More Fool Me (el cui prinsipal autor A ze Mike Rutherford) e ła segonda sesion de The Cinema Show (nasùa da na jam co Rutherford e Tony Banks).
Parałełamente ai Genesis, Collins entra a far parte de un projeto jazz-fusion denominà Brand X. El gropo rejistra el primo àlbun, Unorthodox Behaviour, co Collins baterista. Tutavia, a cauza de l'enorme suceso dei Genesis, na granda mota de àlbun e tour dei Brand X i vedarà l'asensa de Collins. Inte'l steso parìodo aparise come baterista e cantante anca par el primo àlbun da sołista de Steve Hackett, Voyage of the Acolyte.
Dopo l'abandon de Hackett, conseguente a l'usida de l'àlbun Wind & Wuthering, i Genesis i deside de continuar come trio spostando el só stiłe verso na mùzega pì comersiałe. El grupo el otien el só primo grando suceso radiofònego co'l singoło Follow You Follow Me, traesto da l'àlbun ...And Then There Were Three... del 1978.
L'ezordio cofà sołista
[canbia | canbia el còdaxe]![](http://upload.wikimedia.org/wikipedia/commons/thumb/2/27/Phil_Collins_1981.jpg/220px-Phil_Collins_1981.jpg)
Verso el fenir dei ani setanta i Genesis i se ciapa na pauza, durante ła cuałe Collins el scominsia a zbosar materiałe par el só primo àlbun sołista, Face Value, spontonà da na fonda crizi seguìa a ła rotura de'l só primo matrimonio.[7] El projeto vien momentaneamente acantonà in ocazion de łe rejistrasion de Duke dei Genesis inte'l 1980.
Face Value vede łuze inte'l febraro 1981, presedesto da un singoło ciamà come In the Air Tonight, influensà da ła cołaborasion de Collins l'ano presedente al terso àlbun de Peter Gabriel.[8] El brano e l'àlbun i otien un suceso ben al de sora de łe spetative, razonzendo łe parte alte de łe clasifeghe prategamente de tuto el mondo, rezultado fin a chel tenpo mai otenjesto njanca dai Genesis. El suceso el ciapa a ła sprovista anca l'isteso Collins, che inte'l fratenpo el se jera za riunìo al grupo par ła publegasion de Abacab avenjesta inte'l setenvrio de'l steso ano.
El segondo łaoro sołista, Hello, I Must Be Going!, el vien publegà l'ano sucesivo, tutavia no'l riese ripetar el gran suceso de'l presedente, anca se'l contien ła cover de You Can't Hurry Love che ła deventa el primo singoło de Collins capase de razonzer ła sìma de ła clasifega inte'l Renjo Unìo. Drioman el cantante el parte par el só primo vero tour da sołista sensa i Genesis. Anca in 'sto parìodo ze na granda mota de cołaborasion de Collins co altri artisti, el conparise infati cofà produtor de Something's Going On, terso disco rejistrà in propio da Frida de i ABBA, e cofà baterista prinsipałe inte i primi du łaori sołisti de Robert Plant, Pictures at Eleven e The Principle of Moments.
Inte l'otobre 1983 i Genesis da a łe stanpe l'àlbun omònemo, antisipà da'l singoło Mama, che deventa el mazor suceso del grupo inte'l Renjo Unìo.
L'apise de ła fama
[canbia | canbia el còdaxe]Inte'l 1984 el conpone Against All Odds (Take a Look at Me Now), canson che ła dà el titoło a ła cołona sonora de'l film Due vite in gioco (Against All Odds). El deventa el primo singoło de Collins capase de scałar ła clasifega inte i Stati Unìi, rivando fin in sima a ła Billboard Hot 100. Ła canson ła regała in zonta a l'autor el só primo Grammy Award e ła vien nomenà cofà mejo canson par i Oscar 1985, perdendo contro I Just Called to Say I Love You de Stevie Wonder.
Inte l'isteso ano Collins el produze el terso disco sołista del cantante Philip Bailey dei Earth, Wind & Fire, Chinese Wall, che'l include al só interno un doto intrà i do artisti, Easy Lover, che'l razonze el primo posto inte'l Renjo Unìo. In zonta el cołabora masivamente a ła reałizazion de l'àlbun Behind the Sun de Eric Clapton. Inte'l novenbre 1984 el se unise al projeto benèfego Band Aid creà da Bob Geldof, sonando ła bataria inte'l singoło Do They Know It's Christmas?, distribuìo a'l fin de rancurar fondi par conbater ła carensa de cibo in Etiopia.
Inte'l zenaro 1985 el publega el só łaor de mazor suceso comersiałe, No Jacket Required, strasinà dai sìngołi Sussudio e One More Night, entranbi capasi de razonzer el primo posto inte i Stati Unìi. L'albùn el consacra definitivamente el suceso de Collins come sołista, otenjendoo ła sertifegasion de disco de diamante par łe vendite. Verso el finir de l'ano, el rejistra el singoło Separate Lives insenbre a Marilyn Martin par el film Il sole a mezzanotte, concuistando da novo ła sima de ła clasifega inte i Stati Unìi. Grasie a 'sto rezultado Collins el deventa l'ùnego artista capase de piasar tre sìngołi al primo posto durante tuto el 1985.[9] No Jacket Required vien premià co tre Grammy incluzo cueło cofà mejo àlbun de l'ano.[10]
El 13 de łujo 1985 el ze uno dei protagonisti de l'evento mondiałe Live Aid, inte'l cuało Collins el sona anca co i Led Zeppelin a'l posto del defonto baterista John Bonham, e el riese a ezibirse prima a Wembley po' a Philadelphia, trasferìndose da na sità a l'altra in sirca tre ore grasie a un voło in Concorde: inisiando el segondo conserto a Philadelphia inte'l pomerigio, Collins el ga sałudà i fans dizendo: "Che stranio, ancùo dopodiznar A zera in Inghiltera! El mondo el ze stranio".[11] In chel parìodo A parea ciaro che ła popołarità de Collins come sołista ła fuse drìo métar in segondo pian cueła dei Genesis, tutavia el cantante el gaveva dichiarà esplisitamente de no vołer łasar el grupo.[12]
Inte'l zunjo 1986 i Genesis i fa i el só ritorno co l'àlbun Invisible Touch, antisipà da'l singoło epònemo che'l deventa l'ùnego brano de'l grupo capase de razonzer el primo posto inte i Stati Unìi. El grupo el reseve un Grammy e na nomination ai MTV Video Music Awards par el videoclip de'l brano Land of Confusion, indove l'isteso Collins el conparise int'una só cargadura, inte ła curioza veste de putinòto. El tour mondiałe łigà a l'àlbun el toca el só apise co łe cuatro serade consecutive tenjùe a'l Wembley Stadium de Łondra inte'l łujo 1987.
Inte'l 1988 Collins el resita cofà ator protagonista inte'l film Buster, che'l conta ła granda storia d'amor tra uno dei criminałi de ła famoza rapina a'l treno postałe Londra-Glasgow del 1963 e ła só moroza. Par l'ocazion el contribuise a ła cołona sonora intarpretando na nova varsion de'l clàsego A Groovy Kind of Love, che ła razonze el primo posto de łe clasifeghe sia inte'l Renjo Unìo sia inte i Stati Unìi. El reałiza anca el brano Two Hearts co'l cuało el se azùdega un Golden Globe e na nova nomination ai Oscar. El film el vien resevùo tiepidamente da ła critica, tutavia ła performance resitadiva de Collins e ła cołona sonora łe otien òtemi riscontri.
Notasion
[canbia | canbia el còdaxe]- ↑ John Anderson, Pop Notes, New York, Newsday, 7 gennaio 1990.
- ↑ 2,0 2,1 (EN) Brian Walker, Phil Collins leaves music industry to be full-time dad, CNN, 10 marzo 2011. entrada il 14 ottobre 2013.
- ↑ Disney Legends, Disney. entrada il 24 febbraio 2013.
- ↑ 4,0 4,1 4,2 (EN) R. Coleman, Phil Collins: The Definitive Biography, Londra, Simon & Schuster, 1997, ISBN 0-684-81784-5.
- ↑ Bio: Phil Collins, MTV Artists. entrada il 30 settembre 2014.
- ↑ Collins sona comuncue ła baterìa durante i łonghi intramezi strumentałi anca durando i live.
- ↑ (EN) Hugh Fielder, The return of... Getting it together in the Country, Sounds, 27 ottobre 1979. entrada l'11 ottobre 2014.
- ↑ (EN) David West, Classic Drum Sounds: 'In The Air Tonight', MusicRadar. entrada il 14 marzo 2016.
- ↑ Whitburn, John. The Billboard Book of Top 40 Hits. Billboard Books, New York. 2000. pp. 143–144. ISBN 0-8230-7690-3
- ↑ Past Winners: Phil Collins, The GRAMMYs. entrada il 22 settembre 2014.
- ↑ (EN) Steve Myall, Live Aid 30th anniversary: 30 things you never knew about the 1985 concert, Daily Mirror, 13 luglio 2015. entrada il 13 dicembre 2016.
- ↑ (EN) Rob Hoerburger, Phil Collins Beats the Odds, Rolling Stone, 23 maggio 1985. entrada il 13 dicembre 2016.
Controło de autorità | VIAF (EN) 84973327 · ISNI (EN) 0000 0001 1469 3467 · El vałore RAVV086889 de SBN no el xe mija bon. · LCCN (EN) n84001955 · GND (DE) 118929518 · BNF (FR) cb138926499 (data) · BNE (ES) XX981038 (data) · WorldCat Identities (EN) n84-001955 |
---|