Gorna
La gorna la ze na canala de scolo par la aqua pioana e par la neve co la se desfa.
Sto sistema de racolta al limita i efeti del dilavament de l'aqua su la superficie esterna de un edificio, che senò al podaree conportar deteriorament e dani estetici seri. Sensa far an sistema de racolta fat polito, difati, l'aqua la coreree deslonch dei mur, portando sporch, ma anca agenti fisici e chimici potensialmente agressivi, generando mace e striadure visìbiłi e provocando te el tenpo na asion de danejament e degrado par le finidure esterne, e de le olte anca la penetrasion de l'aqua 'te i locai interni tramite i seramenti.
Materjai
[canbia | canbia el còdaxe]La gorna la gnen fata de solito co tubi de lamiera de ran o de aciaio inossidabile, che i garantinn la bona durada te el tenp; pol gner doperà anca materjal pì a bon marcà, costituì da lamiera zingada, al qual parò al garantiss na durada in servisio an bel poco pì curta. Na nova lega co la qual se ga i vantagi del ran e costi pì bassi la ze al titanzinco, an materjal che al pol er diverse tonalità de biso stàbiłi te el tenp, al contrario del ran che co el tenpo al se ossida. I primi tipi de gorna i era fati co na taja de legn, de solito de laress, scavada tut deslonch co la assa.
Messa in opera
[canbia | canbia el còdaxe]
La gorna la gnen fissada a pochi schei dal bordo del quert da la banda aonde che la pendensa la fa binar l'aqua. Al fissajo al gnen fat tramite dei elementi particolari ciamadi cicogne. Le cicogne le ze dei fer da na parte dreti (aonde che i gnen fissadi a i muralet) e da na quelaltra piegadi a c (aonde che gnen pojà la gorna). la gorna la ga na pendensa minima che la ghe ocor par far confluir l'aqua te un punto aonde che la gnen descargada tramite an docion (o sia an toco de tubo che descarga 'te el vodo) o tramite an tubo che al convolja l'aqua 'te el teren o te un posseet che al pol esser colegà a na manega o a na fognatura bianca.
La tipologia de la gorna e dei pluviai la dipende da la quantità e dal tipo de precipitasion e anca da la sagoma del quert. An quert conplicà, interonpest da spess, co tante falde e fat da toco a quote diverse, al arà an sistema de scolo de aque conplesso e costoss, serte olte anca co conseguense negative su el inpato estetico.
Varda anca
[canbia | canbia el còdaxe]
Wikimedia Commons el detien imàjini o altri file so Gorna
