Giuseppe Garibaldi
— Giuseppe Garibaldi
![](http://upload.wikimedia.org/wikipedia/commons/thumb/7/7b/Garibaldi_%281866%29.jpg/225px-Garibaldi_%281866%29.jpg)
Giuseppe Garibaldi (Niza, 4 de lujo 1807 – Ixoła de Caprera, 2 de zugno 1882) xe stà un [[generałe (exercito) |generałe]], [[condotiero |condotiero]] e [[patriota |patriota]] [[Itàłia |itałian]].
El xe considerà una de łe figure fondamentałi del Risorgimento italian, el ga personalmente condoto e conbatù in parece de łe canpagne miłitari che łe ga portà a ła formasion de l'Itałia unìa; el xe noto anca co l'apełativo de eroe dei du mondi, par łe so inprexe miłitari compiue sia in Mèrica del Sud che in Eoropa.
Adołesensa
[canbia | canbia el còdaxe]Garibaldi el xe nato a Niza quando sta sità ła faxeva parte del Primo Inpero. Tornà al Regno de Sardegna dopo el Congreso de Viena (1815) ła xe restà soto el governo dei Savoia fin al 1860. El gra el secondoxenito de Domenico, caitan de cabotajo imigrà da Chiavari, e Rosa Raimondi, orixinaria de Loano. Angelo el zera el nome de so fradeo major, mentre dopo Giuseppe a xe nati altri du mas'ci, Michele e Felice, e do putine, morte picinine.
I xenidori i gavarìa vołù aviar Giuseppe a ła cariera de avocato, de dotor o de prete. Ma al fioło a ghe piaxeva poco studiar e el preferiva i exercisi fixeghi e ła vita de mar esendo, come łu steso el ga dito, «pì amigo del spaso che del studio». Vedendose ostacołà dal pare inte ła so vocasion marinara, eò ga tentà de scapar par mar verso Genoa co alcuni conpagni, ma el xe sta fermà e ricondoto a caxa. Tutavia el se ga apasionà a l'insegnamento dei so primi precetori, soratuto del sior Arena, on reduce de łe canpagne napołeoniche, che el ghe ga inpartio lesion d'itałian e de storia antica. El xe restà soratuto afasinà da l'antica Roma.
Convinto so pare a łasarlo 'ndar drio a ła so cariera maritima a Genoa, el xe sta iscritto inte el registro dei mozi inte el 1821. A sedexe ani, inte el 1824, el xe ga inbarcà so ła Costanza comandà da Angelo Pesante de Sanremo, che el gavarìa in seguito descrito come «el mejo caitan de mar». Inte el so primo viajo el se ga spinto a Odessa inte el mar Negro e fin a Taganrog inte el mar d'Azov (entrambe ex cołonie genovesi). Ł'ano sucesivo, col pare, el se ga direto a Roma co on carico de vin, par l'aprovigionamento dei pełegrini vegnui par el Giubileo indito da papa Leone XII.
Sui mari d'Eoropa
[canbia | canbia el còdaxe]![](http://upload.wikimedia.org/wikipedia/commons/thumb/8/8c/Garibaldi_som_ung.jpg/159px-Garibaldi_som_ung.jpg)
Inte el 1827 el ga salpà da Niza co ła Cortese par el mar Nero, ma el bastimento el xe sta asałio dai corsari turchi che i ga depredà ła nave, robando perfin i vestiti dei marinai. El viajo comunque el xe continuà e inte l'agosto del 1828, el xe sbarcà da ła Cortese a Costantinopołi, dove el sarìa restà fin al 1832 a causa de ła guera turco-rusa, e el se ga integrà inte ła comunità italiana. Secondo łe ricerche fate da ła so bisneoda direta Annita Garibaldi[1], probabilmente el ga frequentà ła caxa de Calosso - comandante de ła cavałeria del Sultano col nome de Rustem Bey - e l'anbiente dei genovexi che storicamente i zera insedià inte el quartiere de Galata (Pera), e el se guadagnava da vivere insegnando italian, fransexe e matematega.
Inte el febraro del 1832 a ghe xe sta riłasà ła patente de caitan de seconda clase e subito dopo el se ga reimbarcò co ła Clorinda par el mar Nero. Ancora na volta ła nave ła xe sta ciapà de mira dai corsari, ma stavolta l'equipajo el ga risposto ai agresori a fuxiłade. Garibaldi el xe sta ferìio a na man, el garìa ricordà sta scaramucia come el so primo conbatimento.
Dopo 13 mesi de navigasion el xe ritornà a Niza, ma subito, inte el marso 1833, el xe ripartio par Costantinopołi. A l'equipajo a se ga zontà tredexe pasejeri fransexi seguaci de Henri de Saint-Simon che i andava in bando inte ła cavedal Otomana. El so cao el zera Emile Barrault, on profesor de retorica che l'esponeva łe idee sansimoniane a l'equipajo.
Garibaldi, che el gaveva ałora vintisiè ani, el xe sta parecio influensà dał so parołe ma Anita Garibaldi ła ipotisa che no pare inprobàbiłe che quełe idee no łe ghe fuse del tuto nove, fin da quando el gaveva sojornà inte l'Inpero otoman, łogo presilto da tanti profughi połiteghi de l'Eoropa e percorso da fremiti de autonomia e de łibertà[2].
Po' el bastimento el ga sbarcà i fransexi a Costantinopołi e el ga proseguio par Taganrog. Chi inte na ostaria, mentre a se discoreva, on omo dito el Credente[3] el esponeva łe le idee maziniane.
A Giuseppe łe texi de Giuseppe Mazzini łe pareva ła direta conseguenza de łe idee de Barrault, inte ła łota par l'Unità d'Italia.
Da marinaio a bandito
[canbia | canbia el còdaxe]Giuseppe Garibaldi el ga incontrà Giuseppe Mazzini inte el 1833 a Łondra, dove st'ultimo el zera in bando e subito el se ga iscrito subito a ła Giovine Italia, on'asociasion połitega segreta co ło scopo de trasformare l'Itałia inte na repùblega democràtega unitaria.
Garibaldi el xe po' entrà inte ła Marina Sabauda par fare propaganda rivołusionaria.
Insieme a l'amigo Edoardo Mutru el ga sercà a bordo e a tera de fare proxełiti a ła cauxa, esponendose co legeresa. I du i xe sta segnałà a ła połisia e sorvejà, e par questo i xe sta trasferìi so ła fregata Conte de Geneys in partensa par el Braxil.
Inte el fratenpo a se zera stabiłìo che l'11 de febraro 1834 a ghe saria sta on'insuresion popołare in Piemonte. Garibaldi el ga sercà de metarse in contato co i mazziniani; ma el fałimento de ła rivolta in Savoia e l'ałerta de exercito e połisia i ga gato fałire tuto.
Indicà come uno dei cai de ła cospirasion, Garibaldi el xe sta condanà ała pena de morte ignominioxa in contumacia in quanto nemigo de ła Patria e del Stato.
Garibaldi el xe diventà cusì on "bandito": el se ga rifugià prima a Niza e po el ga varcà el confin rivando a Marsiglia, ospite de l'amigo Giuseppe Pares. Par non destare sospeti el se ga meso el nome fitisio de Joseph Pane e a lujo el se ga inbarcà a ła volta del mar Nero, mentre inte el marso del 1835 el xe sta in Tunixia, restando tutavia in contato co i maziniani.
Garibaldi el ga decixo quindi de partir a ła volta de ła Amèrica del Sud co l'intension de propagandare i ideałi maziniani. Ł'8 de setenbre 1835 el xe partio da Marsiglia sol brigantin 'Nautonnier.
Exilio in Amèrica del Sud
[canbia | canbia el còdaxe]Tra el diçenbre 1835 e el 1848 Garibaldi el ga trascorso on łongo bando in Amèrica del Sud. Prima a Rio de Janeiro, acolto da ła picoła comunità de itałiani aderenti a ła Giovine Italia.
Po, el 4 de majo 1837, el ga otegnù na 'patente de corsa' dal governo del Rio Grande do Sul, ribełe a l'autorità de l'Inpero del Braxil, e el ga ciapà a sfidar on impero col suo pescheregio, batezà Mazzini.
Dopo tanti epixodi, incluxa na fuga in Uruguay, e po' a Gualeguay, in Argentina, el ga ciapà parte a łe so prime bataje terestri. Ł'11 de apriłe 1838 el ga respinto on intiero batajon de l'exercito inperiałe braxilian (bataja del Galpon de Xarqueada). El ga partecipò, quindi, a ła canpagna che ga portà a ła prexa de Laguna, cavedal de ła visina provincia de Santa Catarina, el 25 de lujo 1839.
El 15 de novenbre l'exercito inperial el ga riconquistà ła sità, e i republicani i xe scapà inte i altipiani, dove ca ghe xe sta bataje co fortune alterne. In particołare Garibaldi el xe sta inpegnà par ła prima volta inte on conbatimento esclusivamente terestre, inte i presi di Forquillas: el ga atacà co i so marinai el nemigo e ło ga costretto a ła ritirata.
Batù ła rebelion separatista, inte el 1842 Garibaldi el xe riparà in Uruguay, dove el ga comandà ła flota uruguaiana inte na bataja naval contro i argentini e el ga partecipà quindi a ła difexa de Montevideo co i so vołontari, tui vestìi co camixe rosse. Chi el ga maridà inte el 1842 Ana Maria de Jesus Ribeiro. El ga avù da eła quatro fiołi, ma una ła xe morta par el vajoło.
El xe rientrà in Itałia poco dopo ło scopio dełla prima guera de indipendensa.
Prima guera d'indipendensa
[canbia | canbia el còdaxe]Tornà in Eoropa inte el 1848 par partesipar a ła prima guera de indipendensa contro i austriaci, dopo esar sbarcà a Niza co Anita, i tre fiołi e i conpagni, Garibaldi el xe 'ndà el 5 de lujo a Roverbeła, visin a Mantova, par ofrirse vołontario al re Carlo Alberto che no ło ga vołù.
El ga partesipà comunque a ła guera come vołontario al servisio del governo provisorio de Miłàn. Co ła Łegion che gaveva organizà el ga otegnuo du sucesi tateghi picinini, sui Austriaci del d'Aspre, a Luino e Morazzone.
Republica Romana
[canbia | canbia el còdaxe]Dopo ła sconfita piemontexe de Novara (22-23 de marso 1849), Garibaldi el ga partecipà ai conbatimenti in difexa de ła Republica Romana, minacià da łe trupe fransexi e napołetane che łe difendeva i intaresi del papa Pio IX.
Fuga da Roma e morte de Anita
[canbia | canbia el còdaxe]Dopo che Roma ła zera cascà, Giuseppe Garibaldi el ga łasà ła sità co l'intension de rivare a Venesia dove a rexisteva oncora ła Republica de San Marco. Inseguìo, oncora na volta, da łe trupe del tenente-feldmaresiało d'Aspre, che el comandava el corpo de ocupasion austriaco in Toscana, el ga perso anca so mujer Anita che, in stato de gravidanza e straca, ła xe morta par mancansa de cure inte łe pałù de Comacio.
Co na fuga aventuroxa el xe riusìo a scapare a ła catura, 'rivando fin in Łiguria, inte el Regno de Sardegna. Chi el xe sta invità a non fermarse e inbarcà par ła Tunixia, po' par Tangeri. Pasài lì alcuni mexi, el se ga trasferìo a New York (1850) dove el ga laorà inte ła fabrica de candełe de Antonio Meucci. Dopodeché el se ga portà anca in Perù par catar un ingajo come caitan de mare.
Rientro in Itałia e seconda guera d'indipendensa
[canbia | canbia el còdaxe]![](http://upload.wikimedia.org/wikipedia/commons/thumb/0/08/Garibaldi.jpg/200px-Garibaldi.jpg)
Garibaldi el xe tornà in Itałia inte el 1854. El ga conprà metà de l'ìzoła de Caprera metendose a far l'agricoltore.
Sinque anni dopo el ga partecipà a ła seconda guera de indipendensa guidando, inte na briłante canpagna, i Cacciatori delle Alpi contro i austriaci inte ła Łonbardia setentrionałe.
Da Quarto al Volturno
[canbia | canbia el còdaxe]Inte el 1860 Garibaldi el ga organizà na spedision par conquistar el Regno de łe Do Siciłie (ła Spedision dei Miłe). Sunà su on corpo de spedision de miłe omeni, łe Camixe Rosse, Garibaldi el xe rivà in Sicilia, sbarcando inte el porto de Marsala, el se ga proclamà ditator de ła Siciłia in nome de Vitorio Emanuełe II, ciamandoło 're d'Itałia'[4].
El 13 de majo, rinforsà da xentenara de vołontari, el ga batù i borbonici a Calatafimi. Dopo na aventuroxa marcia tuto intorno a Pałermo, el 27 de majo el ga dà l'asalto a ła sità.
Vinta ła rexistensa de ła piazaforte de Miłazo, Garibaldi, e soratuto el so łogotenente Nino Bixio, i se ga rexi protagonisti de una strage a Bronte [5]. El 20 de lujo, a xe sta patuia na łonga tregua co ła guarnizon de Messina, che ła acetava de non infastidir i vołontari, a condision de mantegnere el controło de ła citadeła.
El 19 de agosto ła trupa ła xe sbarcà in Calavria a Melito. Ła ga girà e ła ga batù i borbonici a Regio Całavria el 21 de agosto. A xe tacà na rapida marcia verso nord, che ła xe finìa, el 7 de setenbre, co l'ingreso in Napułi. Ła cavedal ła zera sta abandonà dal re Francesco II, che el gaveva portà l'exercito a nord del fiume Volturno. Ła bataja del Volturno ła xe sta ła mejo de quełe conbatue da Garibaldi inte sta canpagna: l'1-2 de otobre łe forse garibaldine łe ga respinto ben l'ataco de l'exercito borbonico, riorganizà a nord de Napułi da Francesco II, dopo i sbandamenti sucesivi a ła Miłazo.
Anca se Francesco II el gaveva perso łe speranze di recuperare Napułi, Garibaldi no el disponeva de łe forse necesarie a condure l'asedio de łe forteze indove l'exercito sconfito el se zera ritirà (Capua e, soratuto, Gaeta). A xe sta quindi risołutivo l'arivo de l'exercito del Regno de Sardegna, guidà da Manfredo Fanti e da Enrico Cialdini.
Garibaldi el ga incontrà Vitorio Emanuełe II el 26 de otobre 1860, visin a Teano (in realtà łocałità Taverna della Catena, inte el comune de Vairano Patenora) e el ghe ga consegnà ła sovranità sol Regno de łe Do Siciłie. Garibaldi el ga aconpagnà po el re a Napołi el 7 de novenbre e, el dì dopo, el xe partio par Caprera, rifiutando de acetar qualsiasi riconpensa par i so servisi.
Par Roma łibera
[canbia | canbia el còdaxe]Par l'intiera existenza Garibaldi el ga sercà in tuti i modi de ocupare Roma e de łiberarla dal potere tenporałe, parando via el papa.
Garibaldi el gaveva, in ogni caso, otegnuo on incredìbiłe suceso, e so che l'onda, inte el 1862, el ga organizà na nova spedision: el se ga inbarcà a Caprera par andar a Pałermo indove el xe sta acolto dal tripudio popołare. El ga traversà indisturbà ła Siciłia sunando su vołontari e el xe pasà ło Streto.
Napoleon III, l'unico ałeato del neonato Regno d'Itałia, el gaveva meso Roma soto ła propria protesion e el tentativo el gera, quindi, destinà a fałire e el governo itałian no el ga podesto far altro che mandarghe contro l'exercito in Całabria.
Garibaldi, probabilmente, el cuntava sol proprio prestijo par avanzar indisturbà, sertamente el ga sercà de evitare ło scontro, pasando de sconton par l'Aspromonte. Ma el xe sta comunque intercetà, i bersaglieri i ga verto el fogo ciapandoło a l'anca e al piè sinistro[6]. Arestà, el 2 de setenbre Garibaldi el xe sta trasportà a La Spezia e sarà inte el carcere del Varignano. El 20 de novenbre Garibaldi el xe sta trasportà a Pixa dove el xe sta vixità dal professor Paolo Tassinari e el 23 el profesor Ferdinando Zannetti ło ga operà par tirar fora ła bała del fuxil.
Che el tentativo del 1862 el fuse vełeitario, i ło ga provà i sucesivi avegnimenti del 1867. Garibaldi el ga organizà na tersa spedision so Roma, partia stavolta da Terni, ai confini co ło Stato Pontefiso: el ga ciapà ła piazaforte pontefisa de Monterotondo, ma no el xe riusìo a susitar ła rivołuzion a Roma e el xe sta batù da łe trupe del papa e dai rinforsi dotai de novi fuxiłi automateghi mandà da Napoleon III a ła bataja de Mentana.
Tersa guera d'indipendensa
[canbia | canbia el còdaxe]![](http://upload.wikimedia.org/wikipedia/commons/thumb/7/7f/Telegramma_garibaldi_Obbedisco.jpg/250px-Telegramma_garibaldi_Obbedisco.jpg)
Quando ca xe tacà ła Tersa guera de indipendensa itałiana a xe sta riorganizà el corpo vołontario denominà Corpo Volontari Italiani, oncora na volta al comando de Garibaldi. Anche ła mision ła zera simiłe a queła condota intrà i łaghi łonbardi inte el 1848 e inte el 1859: agire inte na zona de operasion secondaria, łe prealpi tra Bresia e el Trentin, a ovest del Lago de Garda, co l'inportante obietivo strategico de tajar ła via intrà el Tiroło e ła forteza austriaca de Verona. Ciò el gavarìa łasà ai Austriaci ła soła via de Tarvixio par aprovigionare łe proprie forse e forteze intrà Mantova e Udine. Ł'asion strategica prinsipałe ła gera, invese, afidà ai du grandi exerciti de pianura, afidà a La Marmora e a Cialdini.
Garibaldi el ga operà inisialmente a coertura de Bresia, par po pasar decixamente a l'ofensiva a Ponte Caffaro el 25 de zugno, el 3 de lujo a Monte Suello el ga costreto al ripiegamento i austriaci, ma el ga riportà na ferìa a ła cosìa par on maldestro colpo partio a on so vołontario. El se ga verto, co ła vitoria inte ła bataja de Bezzecca e Cimego del 21 de lujo, ła strada verso Riva del Garda e quindi l'iminente ocupasion de Trento. Salvo esare fermà da ła firma de l'armistisio de Cormons. In st'ocaxion, avua ła notisia de l'armistisio e l'ordine de abandonare el teritorio ocupà, el ga risposto tełegraficamente "Obediso", paroła che sucesivamente ła xe diventà moto del Rixorgimento italian e sinboło de ła disiplina e dedision de Garibaldi.
In Fransa
[canbia | canbia el còdaxe]Durante ła guerra franco-prussiana del 1870-1871, Garibaldi el ga guidà on exercito de vołontari a sostegno de l'exercito de ła nova Fransa republicana (bataja de Digione). Dopo ła rexa fransexe, inte el 1871 Garibaldi el xe sta ełeto deputato a ła nova Asenblea Nasionałe fransexe inte łe łiste dei republicani radicałi come deputato de ła Côte-d'Or, Paris, Algeri e, naturalmente, Niza: sta quadruplice ełesion ła xe sta, tutavia, invałidà da l'Asenblea.
Ciò el xe avegnù uficialmente a causa de łe so poxision contrarie a ła anesion de Niza a ła Fransa, pì reałisticamente par paura de ła so popołarità de eroe "sociałista": ła stesa asenblea, d'altra parte, ła se sarìa presto ocupà de ła represion de ła Comune de Parigi. Ł'ategiamento de ła Asenblea verso Garibaldi, el ga spinto a łe dimision un deputato del całibro de Victor Hugo.
Morte
[canbia | canbia el còdaxe]Inte el 1880 el ga sposà ła piemontexe Francesca Armosino, dona de umiłi orixini e so conpagna da 14 ani e da ła cuałe el ga avù tre fiołi; de cui una, Rosita, morta picinina. Ła so ultima canpagna ła xe sta połitega, e ła riguardava l'ałargamento del dirito de voto.
El se zera auto-bandio a Caprera dove el 2 de zugno 1882 el xe morto. Inte el testamento Garibaldi el domandava espresamente de esare cremà. Dexiderio dixateso da ła fameja, pare presà da Francesco Crispi, che ła ga preferìo, adiritura, farlo inbalsamare.
Cronołozia
[canbia | canbia el còdaxe]![](http://upload.wikimedia.org/wikipedia/commons/thumb/c/c6/Garibaldi2.jpg/220px-Garibaldi2.jpg)
- 1807 El nasce a Niza.
- 1821 El xe iscrito inte i registri dei marinai.
- 1824 Primo viajo in mar verso el Mediteraneo Oriental.
- 1828 El sbarca a Costantinopołi, dove el ga vivesto fin al 1831.
- 1833 A Taganrog entra in contato co i maziniani.
- 1834 El partecipa ai moti de Genoa.
- 1835 Parte exułe da Marsiglia verso el Sud America.
- 1839 Combate col Rio Grande do Sul contro el Braxil sentrałista.
- 1839 Incontra Anita, che ła sposarà inte el 1842.
- 1841 Conbate co l'Uruguay contro l'Argentina roxista.
- 1849 Conbate par ła difexa de ła Republica Romana.
- 1852 El va da Lima a Canton par comprare guano.
- 1859 Partecipa a ła Seconda guera d'Indipendensa come generałe de l'exercito piemontexe, al comando dei Caciatori de łe Alpi.
- 1860 Inpresa dei Miłe.
- 1862 Inte l'intento de liberare Roma, el parte da ła Siciłia co 2.000 vołontari, ma el xe fermà so l'Aspromonte.
- 1864 El va a Łondra, dove el xe acolto trionfalmente e incontra Henry John Temple (Terzo Visconte Palmerston) e Mazzini.
- 1866 Partecipa a ła Tersa guera d'Indipendensa. El comanda on corpo de vołontari che combate in Trentin. El bate i austriaci a Bezzecca.
- 1867
- 1870-71 Partecipa a ła guera franco-prusiana a fianco dei fransexi.
- 1874 el vien ełeto deputato del Regno.
- 1879 el fonda a Roma ła Lega de ła Democrazia.
- 1882 Muore a Caprera el 2 de zugno.
Garibaldi e Cavour
[canbia | canbia el còdaxe]Garibaldi no el ga mai avù boni raporti co Cavour. Da on łato, semplicemente no el gaveva fiducia inte el pragmatismo e inte ła realpolitik de Cavour, ma el provava anca rixentimento personałe par aver cedù ła so sità natdal de Niza a ła Fransa, inte el 1860.
Serto, scrivendo a l'anbasador sardo in Fransa, Cavour el prometeva a l'inperador che el gavarìa fermà Garibaldi. Ma, in realtà, no el ga ostacołà seriamente ła partensa da Quarto de ła spedision dei Mille. Inveze ła ga finansià, permetendo a difarenti ofisiałi de l'Exercito sabaudo de 'ndare da Garibaldi in Siciłia. Infine, el ga mandà łe le trupe che łe ga permeso ła definitiva sconfita de Francesco II.
Influensa culturale
[canbia | canbia el còdaxe]Muxega
[canbia | canbia el còdaxe]- Luigi Mercantini, Inno di Garibaldi (Canzone italiana), del 1858, conposto so invito del steso Garibaldi.
- Luigi Canepa, Marcia Funebre in onore del prode Giuseppe Garibaldi, eseguìa da ła Banda Civica de Sasari al si funerałe
- Ulisse Barbieri Inno di Garibaldi del 1887
- Bruno Lauzi Garibaldi
- Statuto È tornato Garibaldi del 1993
- Massimo Bubola Camicie rosse
- Stormy Six Garibaldi
- Vincent Fernandez Soñando in Garibaldi
- Sergio Caputo Il Garibaldi Innamorato
Filmografia
[canbia | canbia el còdaxe]- Garibaldi (1907) de Mario Caserini
- Il piccolo garibaldino (1909)
- Anita Garibaldi (1910) de Mario Caserini
- Garibaldi a Marsala (1912)
- Garibaldi, l'eroe dei due mondi (1926)
- Garibaldi e i suoi tempi (1926) de Silvio Laurenti Rosa
- Anita o il romanzo d'amore dell'eroe dei due mondi opure Garibaldi o l'eroe dei due mondi (1927) di Aldo De Benedetti
- 1860 - I Mille di Garibaldi (1934) de Alessandro Blasetti
- Un Garibaldino al convento (1942) de Vittorio De Sica
- Camicie Rosse o Anita Garibaldi (1952) de Goffredo Alessandrini e Francesco Rosi
- Viva l'Italia! (1961) de Roberto Rossellini
- Il giovane Garibaldi (1974) sceneggiato a colori de Franco Rossi
- Garibaldi (1986) de Josè Ambriz
- Garibaldi il Generale (1987) film a episodi de Luigi Magni
- Garibaldi in America (2008) de Fernando Marés de Souza
Monumenti a Garibaldi
[canbia | canbia el còdaxe]In gran parte de łe sità italiane a existe almanco na statua de Garibaldi, quaxi tute ste statue łe ga na carateristega comune, in ese ło sguardo de Garibaldi el xe senpre voltà verso Roma, sità che no el xe riusìo mai a conquistare. Ła statua presente so l'ìzoła de Caprera invese ła varda verso łe boche de Bonifacio in diresion de ła so nativa Niza.
I fiołi de Garibaldi
[canbia | canbia el còdaxe]Garibaldi da ła prima mujer Anita Garibaldi, morta inte el 1849 visin Ravena el ga avù 4 fiołi:
- Menotti Garibaldi
- Ricciotti Garibaldi
- Rosa Garibaldi, dita Rosita, morta par vajoło a l'età de 2 anni a Montevideo
- Teresa Garibaldi (1845-1903), dita Teresita, mujer del Generałe garibaldin Stefano Canzio.
No el ga avù fiołi da Giuseppina Raimondi, che el ga sposà a Fino Mornasco el 16 de genaro 1860 (11 anni dopo ła morte de ła prima mujer Anita), salvo lasarla poco dopo ła cerimonia.
Dała domestega Battistina Ravello, invese, Garibaldi el ga avù:
- Anita Garibaldi che ła xe morta a 16 ani de meningite.
El ga avù tre fiołi inveze da ła seconda mujer Francesca Armosino:
- Clelia Garibaldi
- Rosita, morta picinina
- Manlio Garibaldi
Geneałozia de Giuseppe Garibaldi
[canbia | canbia el còdaxe]─> Angelo Garibaldi (ca.1670-1749) Sposa Maria Riceto │ └──>Domenico Garibaldi (1709-1747) sposa Giulia │ └─>Angelo Garibaldi (Val Garibaldo 1741-1811) sposa 1765 Isabella Puccio di Chiavari │ │ │ Domenico Garibaldi (1766-1841) sposa Rosa Raimondi (1776-1852) ├──> Maria Elisabetta Garibaldi (1798-1799) ├──> Angelo Garibaldi (1804 - 1853) ├──> Giuseppe Garibaldi (1807-1882) │ * sposa Anita Garibaldi, (1849) presso Ravenna │ ├──> Domenico "Menotti" Garibaldi (1840-1903) │ │ * sposa Francesca Italia Bidischini dall'Oglio (1852-1927) e el ne ga avudo siè fiołi │ │ ├──>Anita Garibaldi (1875 - 1961) │ │ │ * ła ga adotà i neodi de ła soreła Rosa, fiołi de so fioło de eła, Giulio Ravizza, che pertanto i porta el cognome de Ravizza Garibaldi. │ │ ├──>Rosita Garibaldi (1877 - 1964) │ │ │ * sposa inte el 1897 el conte Vittorio Ravizza d'Orvieto (1874 -1947) │ │ │ ├──> Giulio Ravizza (1898-1950) │ │ │ │ * sposa Gabriella Barluzzi │ │ │ │ ├──>Maria Stefania Ravizza Garibaldi (1927) │ │ │ │ ├──>Giuseppe Filippo Ravizza Garibaldi (1928) │ │ │ │ └──>Francesco Ravizza Garibaldi (1933) │ │ │ └──> Odoardo Ravizza (1901-1967) │ │ ├──>Giuseppe "Peppinello" Garibaldi (1887 1969) │ │ │ * sposa Gabriella Maria-Antonietta Rassauw(1887 -) │ │ │ └──>Teresa Garibaldi(1925 2002) │ │ │ └──>Stefano Garibaldi(1964) │ │ │ Walter Garibaldi (1969) │ │ ├──>Gemma Garibaldi (1878 - 1951) │ │ ├──>Giuseppina Garibaldi (1883 - 1910) │ │ └──>Giuseppe Garibaldi (1884 - 1886) │ ├──> Teresa Garibaldi (1845-1903), detta Teresita, │ │ * sposa Stefano Canzio (1837-1909) ed ła ga avù 12 fioł. │ │ ├──> Mameli Canzio (1862 - 1912/1929) │ │ │ * sposa Clorinda Petito (1876-1959) │ │ │ ├──>Giuseppe Canzio ( 1900 -1986) │ │ │ │ *Caterina Tarantola │ │ │ ├──>Rosina Canzio (1906 -1988) │ │ │ │ sposa inte el 1929 'Giuseppe Lo Bianco │ │ │ │ ├──>'Carla Lo Bianco │ │ │ │ └──>'Giuseppe Lo Bianco │ │ │ ├──>Stefania Elvira Canzio (1908 - 1990)) │ │ │ │ ├──>Clorinda Canzio │ │ │ │ ├──>Davide Campione │ │ │ │ └──>Rosetta Caruso │ │ │ ├──>Pasquale Canzio (1909 - 1993) │ │ │ │ * sposa inte el 1925 Margherita Iole Gravina. │ │ │ │ ├──>Mameli Elio Canzio │ │ │ │ └──>Giovanni Canzio │ │ │ └──>Stefano Canzio (1910) │ │ │ * sposa inte el 1925 Rosa Gravina │ │ │ ├──>Clorinda Lidia Canzio (1942) │ │ │ └──>Mameli Elio Canzio (1947) │ │ ├──> Anzani Canzio (1864 -1926) │ │ │ └──>Manlio Anzani Canzio (1916 -2002) │ │ │ * sposa Rosa Elena Alvarez │ │ │ ├──>Maria Antonieta Canzio (1945) │ │ │ │ * sposa Zoilo Medina Bastidas(1941) │ │ │ │ ├──>Miguel Medina Canzio (1973) │ │ │ │ │ ├──>Francisco Miguel Medina │ │ │ │ │ └──>Vanesa Natalia Medina │ │ │ │ ├──>Janet Nadia Medina (1977) │ │ │ │ ├──>Cinthya Giovanna Medina (1983) │ │ │ │ └──>Susan Mery Medina (1985) │ │ │ ├──>Jose Anzani Canzio (1947) │ │ │ │ * sposa 'Alicia Meneses Franco (1949) │ │ │ │ ├──>Rocio Alicia Canzio (1974) │ │ │ │ ├──>Cecilia Zarela Canzio (1978) │ │ │ ├──>Carlos Alberto Canzio (1950) │ │ │ │ * sposa Doris Bertha Ildefonso (1952) │ │ │ │ ├──>Claudia Patricia Canzio (1972) │ │ │ │ │ ├──>Nicole Argelis Suematzu │ │ │ │ │ └──>Mishelle Vaness Suematzu │ │ │ │ └──>Carlos Anzani Canzio(1978) │ │ │ │ * sposa Jussely Calderón Pérez (1981) │ │ │ ├──>Mario José Canzio (1956) │ │ │ │ * sposa Elena Leonor Julca Patiño(1958) │ │ │ │ ├──>Jacqeline Angela Canzio (1988) │ │ │ │ └──>Stefani Elena Canzio (1986) │ │ │ └──>Luis Arturo Canzio (1958) │ │ │ * sposa María Eugenia Murias(1962) │ │ │ └──>Renzo Anzani Canzio(1989) │ │ ├──> Lincoln Canzio (1865 - 1870) │ │ ├──> Annita Canzio (1866 - 1878) │ │ ├──> Brown Canzio (1867 - ) │ │ ├──> Leo Canzio (1869 - ) │ │ │ * sposa Jole Rossi │ │ ├──> Decio Canzio (1870 - 1955) │ │ │ * sposa Luigia Lenci │ │ │ ├──>Stefano Canzio (1898-1976) │ │ │ │ * sposa Paola Confalonieri │ │ │ │ └──>Decio Canzio (1930) │ │ │ │ * sposa Silviana Vercelli │ │ │ │ └──>Stefano Canzio (1966) │ │ │ ├──>Michele Canzio (1901) │ │ │ │ * sposa Maria Canzio │ │ │ │ ├──>Giuseppe Canzio │ │ │ │ └──>Maria Luisa Canzio │ │ │ └──>Giovanni Canzio (1902) │ │ │ * sposa Pina Pastori │ │ │ ├──>Stefania Canzio │ │ │ └──>Luigia Canzio (1930) │ │ ├──> Cairoli Canzio(1872) │ │ │ * sposa Elsa Fazzari │ │ │ ├──>Stefania Canzio (1912- 1968) │ │ │ │ * sposa Mario Sabatini │ │ │ │ └──>Andrea Sabatini │ │ │ │ └──>Mario Sabatini │ │ │ ├──>Stefano Canzio (1915 - 1991) │ │ │ │ * sposa inte el 1946 Velia Ricciotti, disendente de Nicola Ricciotti │ │ │ │ ├──>Elsa Canzio 1946 │ │ │ │ ├──>Corrado Canzio (1948 - 2002) │ │ │ │ │ * sposa inte el 1972 Eva Kallinger │ │ │ │ │ ├──>Stefano Canzio 1972 │ │ │ │ │ └──>Walter Canzio 1975 │ │ │ │ └──>Alessandro Canzio detto Cino 1954 │ │ │ │ * sposa Morlupo Francesca Pintus │ │ │ │ └──>Stefano Canzio 1992 │ │ │ └──>Anna Francesca Canzio (1908 o 1918 - 1998) │ │ │ * sposa Giacomo Chiesa │ │ │ ├──>Luciana Chiesa ( -2002) │ │ │ │ * sposa Lombardo │ │ │ ├──>Marisa Chiesa │ │ │ │ * sposa Gianni Pieragostini │ │ │ └──>Viviana Chiesa │ │ │ * sposa Mimmo Quagliero │ │ ├──> Foscolo Canzio (1873 - 1906) │ │ │ * sposa Elsa Fazzari │ │ │ └──>Teresita Canzio (1905) │ │ │ * sposa Eugenio Tolva │ │ │ └──>Maria Grazia Tolva (1927-1984) │ │ │ * sposa Oscar Guglielmelli │ │ │ ├──>Barbara Guglielmelli (1955) │ │ │ └──>Paolo Guglielmelli (1958) │ │ ├──> Giuseppe Canzio(1875 - 1875) │ │ ├──> Giuseppe Canzio(1876 - 1876) │ │ ├──> Rosa Carlotta Canzio(1877 - ) │ │ ├──> Annita Canzio(1879 - ) │ │ │ * sposa Riccardo Camerini │ │ ├──> Francesca Carlotta Canzio(1881 - 1961) │ │ │ * sposa Sabato Angrisani │ │ ├──> Giuseppe Garibaldi Canzio (1883 - 1949) │ │ │ * sposa inte el 1905 Maria Teresa Ceretti │ │ │ ├──>Garibalda Teresita Concetta Canzio (1907) │ │ │ ├──>Garibalda Canzio (1908 -1908) │ │ │ └──>Stefania Canzio (1910) │ │ └──> Garibalda Canzio (1886-1969) │ │ * sposa Riccardo Camerini │ ├──> Rosa Garibaldi, dita Rosita, morta a l'età de 2 ani a Montevideo (1843 - 1845) │ └──> Ricciotti Garibaldi (1847-1923) │ * sposa Costance Hopcraft (1853-1941) │ ├──>Giuseppe Garibaldi (1875 - 1875) │ ├──>Costance Rosa Garibaldi (1876-1958) │ ├──>Anita Italia (1878-1962) │ ├──>Peppino Garibaldi (1879 - 1950) │ │ * sposa Maddalyn Nichols │ ├──>Irene Teresa Garibaldi (1880-1880]]) │ ├──>Ricciotti Garibaldi jr (Roma 1881 - ivi, 1951) │ ├──>Menotti Garibaldi jr (1884 - Sri Lanka 1934) │ ├──>Sante Garibaldi (1885-1946) │ │ * sposa Beatrice Borzatti │ │ └──>Annita Garibaldi (1942) │ ├──>Arnaldo Garibaldi (1887-1888) │ ├──>Bruno Garibaldi (1889 - m. nellle Argonne, 1914) │ ├──>Costante Garibaldi (Roma 1892 - Argonne 1915) │ ├──>Ezio Garibaldi (1894 - 1969) │ │ * sposa Hope Mac Michael │ │ └──>Anita Garibaldi (1931) │ │ * sposa Raymond Hibbert │ │ └──>Francesco Garibaldi-Hibbert │ │ * sposa Cristina Frigerio │ │ └──>Jousè Lorenzo Garibaldi (2006) │ │ * sposa a San Marino Erika Knopp │ │ ├──>Giuseppe Garibaldi (1947) │ │ └──>Vittoria Garibaldi (1950) │ └──>Giuseppina 'Josephine' Garibaldi (1895-1971) │ * sposa 1860 Giuseppina Raimondi ma ła łasa poco dopo ła cerimonia │ * co domestica Battistina Ravello │ └──>Anita Garibaldi che ła xe morta a 16 ani de meningite. │ * sposa 1880 Francesca Armosino │ ├──>Clelia Garibaldi (1867 - 1959) │ ├──>Rosita, morta picinina (1869 - 1869) │ └──>'Manlio Garibaldi (1873 - 1900) ├──> Michele Garibaldi (1810 - 1866) └──> Felice Garibaldi (1813 - 1855)
Voxe corełàe
[canbia | canbia el còdaxe]- Republica Romana (Risorgimento)
- Spedision dei Miłe
- I Miłe
- Anita Garibaldi
- Francesca Armosino
- Jessie White
- Alberto Mario
Note
[canbia | canbia el còdaxe]- ↑ Conferensa fata inte ła primavera del 2007 preso l'Istituto par l'Oriente de Roma.
- ↑ Alcune so province, come l'Egito, łe se zera de fato zà fate autonome fin dal 1805, co Mehmet Ali, mentre altre, come ła Grecia, łe anbiva a ła pì totałe indipendensa.
- ↑ A no xe parò del tuto escluxo che tałe definision ła podese aver a che fare anca co i ideałi de ła Masoneria che, del resto, Garibaldi el ga aderìo pì tardi co forte convinsion.
- ↑ Ł'apełativo de "ditator" el xe da riferirse a ła figura del dictator, na magistratura de l'antica Republica Romana a cui a ghe gerano asegnà i pieni poteri par risolvare emergense.
- ↑ Fa riferimento a tałi fati ła voxe Strage de Bronte, ło scritore e vołontario garibaldin Cesare Abba, La "Storia della Sicilia" di editoriale Agorà Archivià il 30 de setenbre 2007 in Internet Archive. e Bronteinsieme.it
- ↑ Sto fato el xe sta cełebrà inte na bałada popolar so on ritmo de na marcia dei bersaglieri
Bibliografia
[canbia | canbia el còdaxe]Scriti de Garibaldi
[canbia | canbia el còdaxe]- Memorie, publicae da A. Dumas; prima version de L. E. Tettoni, Milano, 1860.
- Le memorie, Inte ła redasion definitiva del 1872, a cura de ła reałe comision, Bologna-Rocca S. Casciano, 1932.
- I mille, Torino, 1874.
- Clelia : il governo del monaco, Roma nel secolo 19., romanzo storico-pułìtego, Milano, 1870. (ligo ronpesto dispunìbiłe in Internet Archive; védarse el istòrego, la prima version e ła ùltema).
- Cantoni il volontario, romanzo storico', Milano, 1909, che el ga come protagonista el garibaldin forlivexe Achille Cantoni, eroicamente caduto a Mentana
- Elisabetta d'Ungheria: drama storego in sinque atti, Roma, 1879.
- Manlio: romanzo contemporaneo; a cura de Maria Grazia Miotto; introdusion de Graziano Gug, Napoli, 1982.
Inte l’ Edision nasional dei scriti de Giuseppe Garibaldi a xe sta publicà 6 vołumi a Bołogna da l’editor Cappelli inte i ani 1936-1937. Ła publicasion ła xe riprexa a cura de l’ Istituto par ła storia del Risorgimento italian, che inte i ani 1973-1997 ła ga publicà 10 vołumi de l’ Epistolario (volumi 7-16 de l’edision nasionałe).
Scriti so Garibaldi
[canbia | canbia el còdaxe]- C. Agrati, I Mille nella storia e nella leggenda, Miłan, A. Mondadori, 1933;
- Alexandre Dumas, GARIBALDI IN SUD AMERICA ,Milan, L.E. Tettoni, 1860;
- Felix Mornard, Garibaldi, Parigi, Faure, 1866;
- Jesse White Mario, "Vita di Giuseppe Garibaldi" , Milan, 1882;
- Dennis Mack Smith, Cavour and Garibaldi, 1860. A Study in pułìtegal Conflict, Cambridge;
- C.U. Press, 1954 (trad. ital.: Garibaldi e Cavour inte el 1860, Turin, Einaudi, 1958).
- Candido, Salvatore, Giuseppe Garibaldi, corsaro Rio-grandense (1837-1838), Roma, Istituto par la Storia del Risorgimento italiano, 1964
- Milani Mino, Giuseppe Garibaldi: biografia critica, Milan, Mursia, 1982
- Monsagrati, Giuseppe, Garibaldi Giuseppe, in Dizionario Biografico degli Italiani, vol. LII, Roma, Istituto della Enciclopedia Italiana, 1999, pp. 315–331 (on-line)
- Scirocco, Alfonso, Garibaldi: battaglie, amori, ideali di un cittadino del mondo, Roma-Bari, Laterza, 2001
- Piero Pieri, Storia militare del Risorgimento, Turin, Einaudi, 1962.
- Ufficio Storico dello Stato Maggiore dell'Esercito, Scritti sul 1860 inte el centenario, Roma, Tip. Rejonale, 1960.
- Ufficio Storico - Stato Maggiore Esercito. Cesari Cesare. La campagna di Garibaldi nell'Italia Meridionale. (1860). 1928, Roma;
- Ufficio Storico - Stato Maggiore Esercito. Autori Vari. Garibaldi condottiero. 1957, Roma;
- Ufficio Storico - Stato Maggiore Esercito. Autori Vari. Il generale Giuseppe Garibaldi, 1982, Roma;
- Ufficio Storico - Stato Maggiore Esercito. Tamborra Angelo. Garibaldi e l'Europa. 1983, Roma;
- Ufficio Storico - Stato Maggiore Esercito. Mola Alessandro Aldo. Garibaldi Generale della Libertà. Atti del convegno Internazionale. 1984, Stabilimento Grafico, Gaeta;
- Ufficio Storico - Stato Maggiore Esercito. Brancaccio Nicola. Garibaldi a Talamone. (1860). In: Memorie Storiche Militari. 1909. 1909, Roma, pp. 7–35;
- Del Boca Lorenzo, Indietro Savoia! Storia controcorrente del Risorgimento italiano, Piemme,
- Del Boca Lorenzo, Maledetti Savoia, Piemme,
- Oneto Gilberto, L'Iperitaliano. Eroe o cialtrone? Biografia senza censure di Giuseppe Garibaldi, Il Cerchio, Rimini 2006;
- Sauro Mattarelli, Claudia Foschini, Memoria e attualità dell'epopea garibaldina, Longo, Ravena 2002;
- Alfredo Oriani, Don Giovanni Verità e altri scritti sul 1848-49, a cura di Ennio Dirani, Longo, Ravenna 1999;
- Anton Giulio Barrili, Co Garibaldi alle porte di Roma, a cura di Francesco De Nicola e Vincenzo Gueglio, Gammarò Editori, 2007
Altri projeti
[canbia | canbia el còdaxe]Wikimedia Commons el detien imàjini o altri file so Giuseppe Garibaldi
Łigamenti foresti
[canbia | canbia el còdaxe]- Sito ofisial de l'Istituto Mazinian de Genoa Archivià il 13 de zenaro 2008 in Internet Archive.
- Sito ufficiale del Compendio Garibaldino di Caprera Ła so dimora
- Giuseppegaribaldi.info - Aprofondimento Archivià il 15 de zenaro 2008 in Internet Archive.
- Sito del livro Mio Padre de Clelia Garibaldi
- Sito su Garibaldi
- Clelia e-book in italian sol projeto Gutenberg
- Libri vari ("Clelia" e "Lettere a Speranza von Schwartz") Archivià il 3 de zenaro 2006 in Internet Archive.
e-book in italian sol projeto liberliber
- Opere di Giuseppe Garibaldi: testo co concordanze e lista de frequensa
- Museo nazionale de ła canpagna garibaldina de l'Agro romano par ła liberasion de Roma
- Bicentenario della nascita
- Sito del comitato par el bicentenario de ła nasita Archivià il 24 de disenbre 2007 in Internet Archive.
- Comitato internasionałe Giuseppe Garibaldi Archivià il 13 de zenaro 2008 in Internet Archive.
- Mille Luci Par Garibaldi Archivià il 13 de otobre 2007 in Internet Archive.
Sito dei festejamenti-.
- Garibaldi a Rosario Archivià il 16 de disenbre 2007 in Internet Archive.
Bicentenario de ła nasita de Giuseppe Garibaldi
- Nice-garibaldi.org - Aprofondimento Archivià l'11 de otobre 2007 in Internet Archive.
- Notisie so ła partecipasion de Garibaldi ai avegnimenti de ła Republica Romana del 1849 a cura del Comitato Gianicolo
- Garibaldi a Caprera http://www.cronacheìzołane.it/garibindex.htm (ligo ronpesto dispunìbiłe in Internet Archive; védarse el istòrego, la prima version e ła ùltema).
- asociasion nasional veterani e reduci Garibaldini Archivià il 17 de febraro 2008 in Internet Archive.
Controło de autorità | VIAF (EN) 100192194 · ISNI (EN) 0000 0001 2145 1298 · El vałore CFIV001869 de SBN no el xe mija bon. · LCCN (EN) n79021124 · GND (DE) 118689592 · BNF (FR) cb11904146d (data) · BNE (ES) XX1150475 (data) · NLA (EN) 35113312 · BAV ADV10271715 · CERL cnp00398238 · NDL (EN, JA) 00620709 · WorldCat Identities (EN) n79-021124 |
---|