Emigrasion
![](http://upload.wikimedia.org/wikipedia/commons/thumb/3/35/Affiche_%C3%A9migration_JP_au_BR-d%C3%A9b._XXe_s..jpg/220px-Affiche_%C3%A9migration_JP_au_BR-d%C3%A9b._XXe_s..jpg)
![](http://upload.wikimedia.org/wikipedia/commons/thumb/b/bf/Net_Migration_Rate.svg/500px-Net_Migration_Rate.svg.png)
L'emigrasion xe el fenomano sociale che porta na persona o on grupo de persone a spostarse, de so volontà o in manjiera forsada, dal so logo de orixane, verso un altro. Sto fenomano el pole esar ligà a problemi anbientali, relijoxi, economisi e sociali, tante olte tra de łori intrigai. L'emigrasion xe el fenomeno oposto de l'imigrasion.
Segondo l'Articolo 13 de la dichiarasion Universale dei diriti Umani, ogni anima la ga el dirito de "movarse libaramente drento de on stato e sieliere libaramente andove chel se cata" e de "dasar ogni paexe, ciapando drento anca el soo, e tornar inte el so paexe".
Aspeti
[canbia | canbia el còdaxe]I aspeti de ogni emigrasion, i xe do:
- La situasion inte el paexe donadore: Se sperde la popolasion e de talenti, ma anca na felisità inte el caxo de risorse squaxi finie, cusì come la granda dispersion de la xente che ghe sta.
- La situasion inte el paexe che se i tole su: problemi de aculturasion (in particolare a la conosensa de le lengue) e integrasion, ma anca imigrasion de laoro, conpetense e diversità culturale.
Carateristeghe
[canbia | canbia el còdaxe]Co vien a finir le condision nesesarie pal pien conpimento dei dexideri de l'Omo, st'ultimo el xe spenxesto a ndar in serca de on logo difarente de chelo de orixane "andove ver mejo fortuna".
Le motivasion le pole esar difarenti: economeghe, puliteghe, guere in ato o persecusion.
La separasion da la tera de orixane xe senpre sentia come na rotura doloroxa inte la vida personal.
Xe senpre existio do tipi de emigrasion: chela tenporanea e chela definitiva.
- L'emigrasion tenporanea xe chela che la caraterixa i fenomani migratori de riserca de fortuna, de laoro, anca se no se xe spesalixai o studiai. Inte el otosento, tanti laoradori agricoli veneti,
i ndava in Arxentina inte i periodi de pauxa inte la so tera
.
- L'emigrasion permanente che xe pì difisile da dirghe, ma se pole dire che inte lo stato che li tole sù par vari ani. Ste persone le serca de far fortuna e de torse sù chel capitale nesesario par cronparse na tera o n'atività propria inte la tera d'orixane.
Storia de l'emigrasion de l'Italia
[canbia | canbia el còdaxe]![](http://upload.wikimedia.org/wikipedia/commons/thumb/c/c4/GermanEmigrantsBoardingAShipInHamburg.jpg/200px-GermanEmigrantsBoardingAShipInHamburg.jpg)
Inte la penixola Italiana del 1860, sta parola la xe la pì doparada par dirghe a l'espatrio de chi che jera pulitegamente conpromeso, prima col rexime Napoleonego e dopo co i vari moti rivolusionari. Sti qua i jera par de pì inteletuali, militari e artexani. Dopo el 1830 tanti de lori i ndava inte la Lejon Straniera che la Fransa la ghea fato in Algeria, se conta che squaxi la metà dei lejonari i vegnea da la penixola Italiana.
Dopo l'Unità d'Italia e na faxe andove i primi a partir i xe stai i inteletuali e industriali favorevoi ai Borbone de Napuli, la parola emigrasion la jera ligada a chela economega. El fenomano el ghea na granda rilevansa inte l'Italia meridionale: In fati i marinari napuletani, a exenpio, i jera prexenti in tuto el Mediteraneo e a 'olte i se catava anca sol Danubio.
Dopo sto qua e anca se oncò no se ghe pensa altro, la prima granda emigrasion corente in Italia unida, la provegneva da la xona de Comachio, da l'Abruso e on grande rolo in tuto ciò, lo ga avuo anca l'emigrasion Veneta.
I pescadori de coralo Italiani, i jera prexenti so i mari alxerini, in particolare a Anaba.
A l'inisio del Novesento, ghe xe sta na granda ondada de emigrasion da le rejon meridionali, in particolar la Sicilia, verso i Stati Unii e l'Arxentina. Colegamenti direti da i porti de Palermo e de Castelamare del Golgo i raxonxeva New York.
Dopo la segonda guera mondiale l'emigrasion meridional la se gavea spostà rente la Svisera, el Belxo e la Xermania osidentale. Ghe xe sta anca na granda emigrasion in diresion de le rejon de l'alta Italia, in particolare i Siciliani in Piemonte (par laorar a la FIAT de Torin) e i calabrexi in Lombardia.
Storia de l'emigrasion inte el mondo
[canbia | canbia el còdaxe]L'emigrasion no xe mai sta on fenomano solo che italian, ma ga coinvolto e oncora coinvolxe tante aree in tuto el mondo. Tra i popoli che i ga d'asà la so tera, i xe stai i Irlandexi, i Todeschi e i ebrei d'Eoropa.
El paexe che, in raporto a la popolasion, el ga pì emigrati xe l'Irlanda, andove la povartà e el malgoerno britanico, i xe stai le cauxe prinsipali.
Inte l'inisio dei ani diexe del 2000, ghe xe sta na forte emigrasion dai paexi del terso mondo, America Latina e Africa, par guere, ditature, sfrutamento, mancansa de diriti umani.
Notasion
[canbia | canbia el còdaxe]Wikimedia Commons el detien imàjini o altri file so emigrasion
Controło de autorità | GND (DE) 4003920-1 |
---|