Drupa
![](http://upload.wikimedia.org/wikipedia/commons/thumb/2/2c/Drupe_fruit_diagram-it.svg/220px-Drupe_fruit_diagram-it.svg.png)
Na drupa el ze un fruto carnozo caraterizà da ła parte interna legnoza.
L'ezocarpo (ła parte esterna del fruto corispondente a ła "scorsa") ła ze sotiła e menbranoza, el mezocarpo carnozo (la parte mezana del fruto corispondente a ła polpa) e l'endocarpo (la parte interna del fruto corispondente a l'oso del fruto) el ze legnozo.
La drupa ła ga, inte l'interior del oso na ùgnoła samesa. El oso el ze par tanto ła parte pì interna del fruto pì ła samesa.
Sti fruti i se desviłupa de sòłito da un fioro che el ga un ovàrio sùparo, formà da un ùgnoło carpeło.
Tante drupe, col so strato esterno dolse e carnozo, i raprezenta na fonte de magnar par i animałi, e ła popołasion vezetałe ła benefisa de ła consevente dispersion de łe so samese. El oso a volte el vien el dasà cascar dopo che ła parte carnoza ła ze stada magnada, ma de frecuente el vien inzerio, pasando traverso el tubo dizerente, e ridazesto al tereno col espełimento. Sto pasajo traverso el trato dizestivo el połe redùzar el spesor de l'endocarpo, par tanto el połe jutare i tasi de zermenasion. El proceso el ze conosesto cofà scarifegasion.
Ezenpi
[canbia | canbia el còdaxe]Łe ze drupe i fruti de łe spece del zènaro Prunus intrà i cuałi ła màndoła, el pèrsego, ła sareza, ła bronba, el mirabołan, el brùgnoło
Altre piante che łe fa drupe łe ze: l'ułivo, el cafè, el mango, tante palme (cofà cheła da dàtoło, el cocaro, la palma da ojo), el pestàciaro, l'anacàrdio, il zìzołara, il nozara.
Altri projeti
[canbia | canbia el còdaxe]Wikisionàrio el detien el lema de gałepin «Drupa»
Wikimedia Commons el detien imàjini o altri file so Drupa
Linganbi foresti
[canbia | canbia el còdaxe]- drupaTreccani.it – Enciclopedie on line, Istituto de ła Ençiclopedia Italiana.
- (EN) drupeEnçiclopedia Britannica, Encyclopædia Britannica, Inc.
- (EN) Opere riguardanti Stone fruitOpen Library, Internet Archive.