Diplomasia
![](http://upload.wikimedia.org/wikipedia/commons/thumb/1/19/Symmetry_of_Diplomacy.jpg/220px-Symmetry_of_Diplomacy.jpg)
Ła diplomasia ła ze l'arte de tratar, par conto del Stato, laori de pułitega internasionałe. Inte i fati, ła połe esar definia come n'insieme de procedimenti gràsie ai cuałi un Stato el mantien normałi rełasion co altre anime de derito internasionałe (Stati foresti e altri enti che i ga personałità internasionałe), col fin de moderare intaresi de contrasto e de favorir ła cołaborasion ambo łe parti, par ła sodisfasion de ezijense comuni.
Par l'Oxford English Dictionary, costuma che łe rełasion diplomàteghe łe se svolze intrà entità statałi. A ła diplomasia de stanpo tradisional, inpegnada in rełasion bilaterałi e inte i tratai de paze e de lota, ghe se ga sostituio ła diplomasia moderna che ła se inpiega inte łe relasion pułiteghe bilaterałi e multilaterałi inte na sèrie de mestieri unii a ła promosion econòmega e cultural del stato, a l'asistensa al popoło e a łe inpreze al estero, a łe pułiteghe migratorie.
Anca se le istitusion ciapae sù inte l'atività diplomàtega łe ze tante e de diverso liveło, el Ministero dei afari esteri, ze anca deso el sentro del coordinamento de ła diplomasia Italiana andove de tradision łe relasion diplomàteghe łe se ga portà vanti sia da funsionari diplomateghi, sia da funsionari de diverso liveło, inserii in tal ambito e inte ła rete de łe anbasade, de łe raprezentanze permanenti, dei consołai e dei istituti de cultura. A ła cariera diplomàtega se va rento co el concorso diplomàtego fati dal Ministero dei afari esteri e el se costruise in 5 gradi, da secretario de legasion ad anbasador. Łe promosion a un grado superior łe se otien dopo a na spesifica formasion e al desbrigo de l'atività łaorativa secondo i criteri indicai dal Ministero.
Notasion
[canbia | canbia el còdaxe]
Altri projeti
[canbia | canbia el còdaxe]Wikimedia Commons el detien imàjini o altri file so diplomasia
Linganbi foresti
[canbia | canbia el còdaxe]- diplomaziaTreccani.it – Enciclopedie on line, Istituto de ła Ençiclopedia Italiana.
- diplomazia, in Disionàrio de istòria, Istituto de ła Ençiclopedia Italiana, 2010.
- (IT, DE, FR) Diplomasiahls-dhs-dss.ch, Disionàrio stòrego de ła Svìsara.
- (EN) Sally Marks e Chas. W. Freeman, diplomacyEnçiclopedia Britannica, Encyclopædia Britannica, Inc.
Controło de autorità | LCCN (EN) sh85038179 · GND (DE) 4012402-2 · BNF (FR) cb119472556 (data) · BNE (ES) XX526603 (data) · NDL (EN, JA) 00562104 |
---|